المذاكرة والتنظيم

[نسمة الدنيا]

يا جماعة انا جديدة في المنتدي وحابة اني استفيد من خبرتكم لاني الان في تانية ثانوي علمي ومش عارفة انظم وقتي ازاي مع المدرسة والدروس الخصوصية والمذاكرة ..انا حلمي اني مش اطلع من الاوائل علي المدرسة او المحافظة فقط بل علي الجمهورية بس خايفة قوي السنة دي لاني مش عارفة انظم وقتي مع المدرسة والدروس ..وازاي نفسيتي تبقي مهيئة للمذاكرة لاني احيانا وانا بذاكر بحس بالملل مع اني مش بقضي وقت كبير في مذاكرة المادة واحيانا بكون حابة المذاكرة لدرجة اني بحس بالمتعة وانا بذاكر وخصوصا في المواد العلمية ومش عارفة اعمل ايه علما باني بروح المدرسة وبرجع الساعة12 وبتنتهي الدروس الساعة 5 وعني يومين بس فاضيين من الدروس ازاي انظم وقتي فيهم..ساعدوني

[Dr.Nariman]

نفس المشكلة دي عندي دا غير المدرسة اللي لسا جاية وهتاكل الوقت اكل

[بحر_الامل]

انا برضه ظهرت عندى نفس المشكلة دى بسبب المدرسة

و لو فضت معايا كتير هضطر مرحش المدرسة و اوفر وقتها عشان اعرف انظم نفسى و امرى لله

[شعبان رجب]

انا مش بروح المدرسة

[amirahosni]

هيه برده نفس مشكلتي
بس بصي الايام اللي بتستفادي كتير في المدرسة روحيها وخدي مثلا مادة ولا حاجة راجعيها في الحصص اللي ملهاش لزمة والايام اللي مفهاش استفادة سيبها علشان اهم حاجة المذاكرة مش الدروس ولا المدرسة
الا لو هتروحي المدرسة وترجعي منها حفظة ومذاكرة اللي خدته فيها

[عاشقـــ الانمى ـــة]

بصى هو انا اصلا كان كل اعتمادى على الدروس الخصوصية ال كنت باخده فى الدروس كنت بذاكره
مكنتش بحب اجهد نفسى بمزاكرة خارجية عشان انا مدرسينى كانوا عارفين هما بيعملوا ايه
انا من رايى انك الاول تزاكرى ال اخدتيه فى الدروس ولو لاقيتى وقت وحبه تزاكرى مزاكرة خارجية ال يرحيك
بالنسبة بقى لموضوع المدرسة انا اصلا مروحتش المدرسة غير الشوية ال قبل الثورة وكنت بغيب لما مكنتش بلحق اخلص مزاكرة انتى ممكن لو لازم تروحى المدرسة تاخدى المزكرات معاكى ولو فيه وقت فاضى تزاكرى شوية هناك
المهم انك فى وسط المزاكرة لو حسيتى بملل مش تكلمى مزاكرة اتفرجى على التليفزيون شوية او نامى شوية مترغميش نفسك تعملى حاجة مش حباها
انا حاليا فى 3 ثانوى مبروحش المدرسة خالص وعندى وقت كبير جدا وبزاكر وبتفرج على التليفزيون وبدخل نت وعايشة حياتى
فا انتى حاولى على قد متقدرى تزاكرى ال عليكى من غيرمتجهدى نفسك

[عطرشان]

انا رحت اول يومين وخلاص

[Aya Abdelrahman]

ياجمــاعة متصعبوهاش عــ نفسكوا

السنه اللي فاتت حصلتلي نفس المشكلة وكنت بروح كل يوم لدرجة اني كنت بفضل المدرسة عـ الدروس

روّحوا مـ الدروس زاكروا اللي خدتوه وخلاص واخر 4 شهور متعتبوش المدرسة وذاكروا وراجعوا والعملية هتمشي كويس

رُوحوا يومين فـ الاسبوع والاجازات المرضي كانت شغالة عندنا كويس عـ اساس انكوا لما تروحوا تالتة مش تضطروا تروحوا بنفس معدل تانية

تركيـــز + حــل اسئلة كتيــر + تنظيم وقت = تفوق

كل واحد عنده وقت فـ اليوم بيكون معدل تركيزه فيه مرتفع أوي انا مثلا بعد الفجر .. غيري نص الليل .. واحد تاني اليوم كله ما شاء الله

والمذاكرة طبعا بالورقة والقلم

ربنا يوفقكوا كلكوا وتجيبوا اعلي مجاميع ودفعتكوا تبقى كلها طب وهنسة وصيدلة بس

[Aya Abdelrahman]

بصــي في موضوع في القسم لعضو اسمه الباش مهندس عن المذاكرة جايب فيها رأي العلماء وخلاصات تجارب المتفوقين وتجاربه الشخصية كمان

موضوع روووعة بجد استفدت منه جامد وكنت كل يوم بقرا وحقق معايا وغيري نتايج مذهلة

دوّري عليــهـ وهتستفيدي ان شاء الله

[hobahoby]

انا زيكوااااا بالضبــــــــــــــط مش عارفة اعمل اية و كمان فى غياب قى المدرسة و اليوم اللى بروح فية المدرسة بقعد فى الدرس مش فاهمة حاجة خااالص و نايمة اوى و اليوم اللى بقعد فية حتى لو عندى درس ببقى فايقة و مركزة و بذاكر فية كويس بس مادة او 2 بكتيرة عشاندة يوم طب اعمل اية فى الباقى انا خلااااص هتجنن

[ميكون البرنس]

بصم المشكله دى اصعب مشكله فى الثانويه العامه يا رب يوفقنا

فيارب وفقنا كلنا