الى كل طلاب الثانوية العامة والله العظيم تلاتة لازم تدخل

[Dr.Nariman]

السلام عليكم ورحمة الله وبركاته

ازيكم يا احلى واسعد طلبة بإذن الله

ياللي هتبنوا المستقبل بعون الله
يا طلبة الثانوية الهامة << نغيرها بئا

انا زعلانة اووي من اللي بيحصل دا
هتقولوا لي ايه اللي بيحصل دا ؟ هقولكم الرعب والخوف اللي مالينا قبل مانخش الثانوية الهامة
ليه كدا ياجماعة ؟؟ كل دا خوف ،، خلوا بالكوا احنا ممكن نوصل بخوفنا دا لمرحلة شرك بالله والعياذ بالله

انا مش بهزر ،، ياريتنا بنخاف من ربنا زي خوفنا من الثانوية دي كان زمانا بقينا حاجة تانية خالص
نكلم بالهداوة واحدة واحدة <<تاتا تاتا يعني

1- يعني اللي اكلك وشربك وكبرك وسترك طول ال15سنة اللي فاتت هيضيعك السنة دي !؟ او هيصعب عليه مثلا وتعالى الله عن ذلك – يوفقك وينجحك ويطلعك احسن حاجة ؟؟
2- لازم تتطمن ، دا مش بمزاجك دا غصبا عنك <<فاهم يعني ايه غصبا عنك،، انتا مؤمن خليك مؤمن بقدر الله وان عمره ماهيضيع تعبك دي سنة كونية ماشية عالكل المسلم والكافر قال تعالى (إنا لا نضيع أجر من أحسن عملا) صدق الله العظيم
دي معادلة مؤكدة توكل على الله+خد بالأسباب(يعني ذاكر واجتهد وحل واصبر)=نجاح وتوفيق ان شاء الله

3- لسا مش مطمن ؟؟ عارف ليه ؟؟ عشانك بتبص عالناس اللي بتيجي بتعيط ف التلفزيون والامتحانات بتيجي صعبة ووووو... ،، هو انتا ناسي ان طلاب الثانوية فوق ال100 الف هتقيس الامتحان بمستوى اتنين او ثلاثة؟؟
او بلاش مش يمكن دا مذاكرش اساسا غير ليلة الامتحان او قبلها باسبوعين ؟؟بلاش ياسيدي : اسأل طلبة 2و3 هيقولولك كلها افلام هندي × هندي ،، انا صحبتي ف 2 بتقولي والله في ناس بتعمل كدا عشان الحسد !!

4- هتقولي بس هو نظام تعليم زي الزفت ووووو... طب انا هقولك اسال ابوك وامك الامتحانات زمان كانت بتيجي ازاي ،؟؟ والله العظيم بابا بيقولي كان في مدارس زمان بكاملها بتطلع تقول "لم ينجح أحد" ،،هتقولي طب هما زمان ليهم قدرات واحنا قدرات هقولك صدقني ربنا حط كل واحد في اللي يقدر عليه وربنا قالها في كتابه (لا يكلف الله نفسا إلا وسعها) صدق الله العظيم ، فخليك مرن وتعامل مع المنهج وبكرا تعدي السنتين واشوفك احسن حاجة بإذن الله ،،الايام بتعدي في صارووووووووخ والله
5-
6- لسا مش مطمن ؟؟ لازم تطمن ،،، والله العظيم لو مكتوبلك تاخد 98 % هتاخدها غصبا عن وزير التربية والتعليم نفسه <<زي مابقولك كدا، ايوا يابني دا ربنا ربنا اللي خلقني وخلقك وخلق المصحح وخلق اللي حط الامتحان ، هو احنا ايه يعني كلنا غير عبيد لربنا ،ولو مكتوبلك كلية هتخشها غصبا عن مكتب التنسيق واللي خلفوا امه ، محدش هياخد حق ، اللي شايفه دكتور دلوقتي مكتوبله يبقى دكتور من قبل مايتولد ، آه والله طب اقرا كدا الحديث دا
عن أبى العباس عبدالله بن عباس رضى الله عنهماقال كنت خلف النبى صلى الله عليه وسلم يوماً فقال
"ياغلام إنى أعلمك كلمات :أحفظ الله يحفظك أحفظ الله تجده تجاهك إذا سألت فسأل الله إذا أستعنت فاستعن
بالله واعلم أن الأمة لو أجتمعت على أن ينفعوك بشئ لم ينفعوك إلا بشئ قد كتبه الله لك وإن أجتمعواعلى
أن يضروك بشئ لن يضروك إلابشئ قد كتبه الله عليك رفعت الأقلام وجفت الصحف :: يعني خلاص اللي مكتوبلك هتاخده هتاخده اقدار الخلق مكتوبة من سنين وسنين
8- حتى لو مدخلتش الكلية اللي نفسك فيها ،،يمكن يكون مش الخير في الكلية اللي انتا عايزها دي ويبقى ربنا كاتبلك خير في كلية غيرها حتى لو شايفها شر ،،قال تعالى {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} يعني ربنا اللي عالم باللي اصلح لك ،،وياما ناس اتمنوا حاجة ولما مرت السنين عرفوا ان الخير فعلا كانت في غيرها
9- احسن الظن بالله ووالله العظيم اقسم بالله هيحصل ظنك الخير دا ودا عن تجربة ربنا قال أنا عند حسن ظن عبدي بي إن خيراً فخير وإن شراً فشر، ،،شوف بئا هتظن خير خير هتظن شر شر ، دا مش صاحبك اللي بيتكلم ولا عيل بيلعب معاك في الشارع ،،،دا ربنا ربنا ربنا ربنا اللي خلقك يا مســـــــــــلمـ
10- حتى لو طلعت من الامتحان مرة لا قدر الله حالل حاجة غلط ، متخافش لسا بقولك اللي مكتوبلك هتاخد حتى لو ايه ،،انا اعرف واحد كان ناسي سؤال بحال <<على فكرة خوفه اللي نساه عشان نبقى نخاف – ومع كدا لما نساه مقالش اعد اعيط بئا لا شد حيله في بقية المواد ودخل طب بفضل الله كمان <مش بقولك اللي مكتوبلك هتاخده هتاخده – جايز لو كنت حليت كويس كنت اغتريت بنفسك وماشدتش حيلك كويس انتا ماتعرفش ايه الحكمة وكل اللي ربنا كاتبه خير
11- انا ايدي وجعتني خلاص لسا عايزني اقولك ايه تاني عشان تصدقني بلاش تصدقني انا عيل وداخل معاك بس صدق ربنا هو في احلى من كلام ربنا او اصدق من ربنا قال تعالى (ومن أصدق من الله حديثا)صدق الله العظيم ،صدق انه معاك وعمره ماهيضيعك صدق انه واقف جمبك ومش هيسيبك ،، كفاية بس انه خلاك مسلم دا اكبر دليل انه بيحبك وهيفضل معاك




*ملاحظة هامة : ماتقراش الكلام وتقول انام لا لازم تتعب وتجتهد وتبذل كل مابوسعك من قدرة ربنا مش هيساوي واحد تعب بواحد لعب واحسن ماتيجي اخر السنة وتزنق نفسك والفاس تقع ف الراس ،،

خلي امك وابوك يدعولك كتير ،،في الرايحة والجاية ماتسبهمش غير لما تقولهم ادعولي ،ـ والله دعوة الام والاب مستجابة ،،بالذات الام الام فالأم واسالوا اي حد هيقولكم

وحط هدفك قدامك في كل حتة خلفية لموبيلك لجهازك لباب اوضتك في كل حتة عشان دا هيحركك ان شاء الله ويخليك تشد حيلك كل ماتضعف همتك واثبت كدا وخليك حديد انتا انسان افضل مخلوق عند ربنا .
وبقولك اهو مرة تانية ابعد عن الطلبة الفاشلين اللي مش بيذاكروا لانهم هينزلوا مستواك معاهم ،ويمكن منهم كمان عامل فاشل وهو مقضيها دح !!
اوعى تبقى عارف معلومة وتخفيها وتقول هتميز بيها عن غيري اوعى ثم اوعى ثم اوعى من هنا لبكرة ، هتمكر ربنا مش هيسيبك اقرا كدا الحديث دا عن أبي هريرة قال: قال رسول الله صلى الله عليه وسلم
"من سئل عن علم فكتمه ألجمه الله بلجام من نار يوم القيامة"
ورواه ابن ماجه والترمذي وحسنه , وصححه الألباني
وقال تعالى (ومكروا ومكر الله والله خير الماكرين) ،، بدل ماتخبيها يقوم ربنا يوقفك في سؤال سهل انتا مذاكره وبتحصل والله ،،متقولش لا ياما ناس حلت سؤال مليون مرة وجت في الامتحان ووقفت وغلطت فيها ،، بلاش مبدأ الخباثة دا أبداااااا

*ملاحظة هاااامة : مش معنى كلامي اللي فوق اني بقولك متخافش لا دا انتا تبقى مش طبيعي خالث مالث لو ماخفتش بس خوف على قدر خوف يخليك تذاكر مش خوف يوديك في داهية ويضيع تعبك خليك وسط في كل حاجة حتى الخوف

انهي كلامي باقتباس لحبيبتي واختي في الله ساد نونو
بصي يا حنين انا مش هقولك متخافيش ومتقلقيش لان انتي انسانة ولو مخفتيش في وقت زي دا تبقي سوري يعني مش طبيعية لكن خير الامور الوسط انا منكرش اني خايفة وقلقانة ومتوترة لكن ثقتي بربنا هي اللي بتخي في صوت في قلبي دايما بيقولي اني هحقق هدفي وربنا هيوفقني
صدقيني الخوف مش هيفيدك في حاجة خلي عندك اطمئنااان تااام
لو مثلا انتي داخلة امتحان الرياضيات والمدرس قالك انا جاي معاكي الامتحان وهبقا معاكي في اللجنة واي سؤال يقف عليكي انا هحلوهولك هتروحي وشعورك هيبقا ازاي ؟؟ اكيد هتبقي فرحانة ، ومطمئنة ومفيش اي قلق او توتر طب والله حرام عليكي هتطمئني لمدرس ومش هتطمئني لربنا وكلام ربنا ؟؟؟؟؟؟؟؟؟ ربنا معاكي يا بنتي في كل وقت وقال ادعوني استجب لكم وقال أمن يجيب المضطر اذا دعاه ويكشف السوء ،، يعني خدمة فايف ستارز اهو اكتر من كدا اي عشان نطمن ؟؟؟؟؟؟ ربنا عند ظن عبده بيه فهل يا ترى هتظني بربنا انو مش هيوفقك ؟؟ ولا هتتفاءلي وتدعي ربنا وتذاكري على اد ما تقدري مؤمنة بكلام ربنا اللي بيقول " ان الله لا يضيع اجر من احسن عملا " ؟؟؟

ومش هكلم كتير عشان الموضوع طول اوي ومش عايزاكوا تزعلوا مني عشان طولت عليكم بس والله خوف عليكم وحبيت اوصل رسالة بسيطة وانا اخطات من نفسي وان اصبت من الله


والله العظيم الموضوع دا خد مني ساعة بحالها ،،ياويله اللي يدخل وميردش ليلته مش هتعدي على خير

ربنا يوفقنا ويكرمنا وينجحنا ويبقى معانا كلنا
يلا بئا أسيبكم في أمان الله

[sad nono]

السلام عليكم ،،
في الاول بحب اقول ان بجد دا شرف ليا اني اكون اول من يرد على الكلام العظييم دا
ربنا يجزيكي الف خير ان شاء الله ويوفقك وتدخلي الكلية اللي نفسك فيها ،،

كلام فعلا راااائع ومناسسب جدا وبيخاطب فينا الشعور بالاحباط والخوف اللي مالي ناس كتييير اوي مننا
بجد الف شكر ليكي وبتمنى بس في الاقتباس تعدلي الآية

وقال أمن يجيب المضطر اذا دعاه ويكشف الكرب

ويكشف السوء
وميرسي اوي على كلامك الجميل دا ،، ربنا يجعله في ميزان حسناتك ،،

والسلام عليكم

[Dr.Nariman]

المشاركة الأصلية كتبت بواسطة sad nono

السلام عليكم ،،
في الاول بحب اقول ان بجد دا شرف ليا اني اكون اول من يرد على الكلام العظييم دا
ربنا يجزيكي الف خير ان شاء الله ويوفقك وتدخلي الكلية اللي نفسك فيها ،،

كلام فعلا راااائع ومناسسب جدا وبيخاطب فينا الشعور بالاحباط والخوف اللي مالي ناس كتييير اوي مننا
بجد الف شكر ليكي وبتمنى بس في الاقتباس تعدلي الآية


ويكشف السوء
وميرسي اوي على كلامك الجميل دا ،، ربنا يجعله في ميزان حسناتك ،،

والسلام عليكم

دا انا اللي سعيدة انك اول واحدة تتواجدي هنا<<ماتتعوديش على كدا انتي لوم مكنتيش رديتي مكنتش ليلتك هتعدي

وحاضر حالا اعدله
واهم حاجةاكون افدت بحاجة

[sad nono]

المشاركة الأصلية كتبت بواسطة dr.nariman

دا انا اللي سعيدة انك اول واحدة تتواجدي هنا<<ماتتعوديش على كدا انتي لوم مكنتيش رديتي مكنتش ليلتك هتعدي

وحاضر حالا اعدله
واهم حاجةاكون افدت بحاجة

ههههههههههه ماشي يا ستي واكيد طبعااا افدتي كنيييير ربنا يجزيكي كل خير ،،

[ابراهيم جمال محروس]

المشاركة الأصلية كتبت بواسطة sad nono

السلام عليكم ،،
في الاول بحب اقول ان بجد دا شرف ليا اني اكون اول من يرد على الكلام العظييم دا
ربنا يجزيكي الف خير ان شاء الله ويوفقك وتدخلي الكلية اللي نفسك فيها ،،

كلام فعلا راااائع ومناسسب جدا وبيخاطب فينا الشعور بالاحباط والخوف اللي مالي ناس كتييير اوي مننا
بجد الف شكر ليكي وبتمنى بس في الاقتباس تعدلي الآية


ويكشف السوء
وميرسي اوي على كلامك الجميل دا ،، ربنا يجعله في ميزان حسناتك ،،

والسلام عليكم

بصراحه مخلتليش حاجه اقولها وربنايوفقنا وكل اخواتنا المسسلمين

[Dr.Nariman]

المشاركة الأصلية كتبت بواسطة ابراهيم جمال محروس

بصراحه مخلتليش حاجه اقولها وربنايوفقنا وكل اخواتنا المسسلمين

اميييييييييييين

[the golden student]

شكرا على الكلام المهم داه
وجزاكى الله كل خير

[جهاااد]

المشاركة الأصلية كتبت بواسطة dr.nariman

السلام عليكم ورحمة الله وبركاته

ازيكم يا احلى واسعد طلبة بإذن الله

ياللي هتبنوا المستقبل بعون الله
يا طلبة الثانوية الهامة << نغيرها بئا

انا زعلانة اووي من اللي بيحصل دا
هتقولوا لي ايه اللي بيحصل دا ؟ هقولكم الرعب والخوف اللي مالينا قبل مانخش الثانوية الهامة
ليه كدا ياجماعة ؟؟ كل دا خوف ،، خلوا بالكوا احنا ممكن نوصل بخوفنا دا لمرحلة شرك بالله والعياذ بالله

انا مش بهزر ،، ياريتنا بنخاف من ربنا زي خوفنا من الثانوية دي كان زمانا بقينا حاجة تانية خالص
نكلم بالهداوة واحدة واحدة <<تاتا تاتا يعني

1- يعني اللي اكلك وشربك وكبرك وسترك طول ال15سنة اللي فاتت هيضيعك السنة دي !؟ او هيصعب عليه مثلا وتعالى الله عن ذلك – يوفقك وينجحك ويطلعك احسن حاجة ؟؟
2- لازم تتطمن ، دا مش بمزاجك دا غصبا عنك <<فاهم يعني ايه غصبا عنك،، انتا مؤمن خليك مؤمن بقدر الله وان عمره ماهيضيع تعبك دي سنة كونية ماشية عالكل المسلم والكافر قال تعالى (إنا لا نضيع أجر من أحسن عملا) صدق الله العظيم
دي معادلة مؤكدة توكل على الله+خد بالأسباب(يعني ذاكر واجتهد وحل واصبر)=نجاح وتوفيق ان شاء الله

3- لسا مش مطمن ؟؟ عارف ليه ؟؟ عشانك بتبص عالناس اللي بتيجي بتعيط ف التلفزيون والامتحانات بتيجي صعبة ووووو... ،، هو انتا ناسي ان طلاب الثانوية فوق ال100 الف هتقيس الامتحان بمستوى اتنين او ثلاثة؟؟
او بلاش مش يمكن دا مذاكرش اساسا غير ليلة الامتحان او قبلها باسبوعين ؟؟بلاش ياسيدي : اسأل طلبة 2و3 هيقولولك كلها افلام هندي × هندي ،، انا صحبتي ف 2 بتقولي والله في ناس بتعمل كدا عشان الحسد !!

4- هتقولي بس هو نظام تعليم زي الزفت ووووو... طب انا هقولك اسال ابوك وامك الامتحانات زمان كانت بتيجي ازاي ،؟؟ والله العظيم بابا بيقولي كان في مدارس زمان بكاملها بتطلع تقول "لم ينجح أحد" ،،هتقولي طب هما زمان ليهم قدرات واحنا قدرات هقولك صدقني ربنا حط كل واحد في اللي يقدر عليه وربنا قالها في كتابه (لا يكلف الله نفسا إلا وسعها) صدق الله العظيم ، فخليك مرن وتعامل مع المنهج وبكرا تعدي السنتين واشوفك احسن حاجة بإذن الله ،،الايام بتعدي في صارووووووووخ والله
5-
6- لسا مش مطمن ؟؟ لازم تطمن ،،، والله العظيم لو مكتوبلك تاخد 98 % هتاخدها غصبا عن وزير التربية والتعليم نفسه <<زي مابقولك كدا، ايوا يابني دا ربنا ربنا اللي خلقني وخلقك وخلق المصحح وخلق اللي حط الامتحان ، هو احنا ايه يعني كلنا غير عبيد لربنا ،ولو مكتوبلك كلية هتخشها غصبا عن مكتب التنسيق واللي خلفوا امه ، محدش هياخد حق ، اللي شايفه دكتور دلوقتي مكتوبله يبقى دكتور من قبل مايتولد ، آه والله طب اقرا كدا الحديث دا
عن أبى العباس عبدالله بن عباس رضى الله عنهماقال كنت خلف النبى صلى الله عليه وسلم يوماً فقال
"ياغلام إنى أعلمك كلمات :أحفظ الله يحفظك أحفظ الله تجده تجاهك إذا سألت فسأل الله إذا أستعنت فاستعن
بالله واعلم أن الأمة لو أجتمعت على أن ينفعوك بشئ لم ينفعوك إلا بشئ قد كتبه الله لك وإن أجتمعواعلى
أن يضروك بشئ لن يضروك إلابشئ قد كتبه الله عليك رفعت الأقلام وجفت الصحف :: يعني خلاص اللي مكتوبلك هتاخده هتاخده اقدار الخلق مكتوبة من سنين وسنين
8- حتى لو مدخلتش الكلية اللي نفسك فيها ،،يمكن يكون مش الخير في الكلية اللي انتا عايزها دي ويبقى ربنا كاتبلك خير في كلية غيرها حتى لو شايفها شر ،،قال تعالى {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} يعني ربنا اللي عالم باللي اصلح لك ،،وياما ناس اتمنوا حاجة ولما مرت السنين عرفوا ان الخير فعلا كانت في غيرها
9- احسن الظن بالله ووالله العظيم اقسم بالله هيحصل ظنك الخير دا ودا عن تجربة ربنا قال أنا عند حسن ظن عبدي بي إن خيراً فخير وإن شراً فشر، ،،شوف بئا هتظن خير خير هتظن شر شر ، دا مش صاحبك اللي بيتكلم ولا عيل بيلعب معاك في الشارع ،،،دا ربنا ربنا ربنا ربنا اللي خلقك يا مســـــــــــلمـ
10- حتى لو طلعت من الامتحان مرة لا قدر الله حالل حاجة غلط ، متخافش لسا بقولك اللي مكتوبلك هتاخد حتى لو ايه ،،انا اعرف واحد كان ناسي سؤال بحال <<على فكرة خوفه اللي نساه عشان نبقى نخاف – ومع كدا لما نساه مقالش اعد اعيط بئا لا شد حيله في بقية المواد ودخل طب بفضل الله كمان <مش بقولك اللي مكتوبلك هتاخده هتاخده – جايز لو كنت حليت كويس كنت اغتريت بنفسك وماشدتش حيلك كويس انتا ماتعرفش ايه الحكمة وكل اللي ربنا كاتبه خير
11- انا ايدي وجعتني خلاص لسا عايزني اقولك ايه تاني عشان تصدقني بلاش تصدقني انا عيل وداخل معاك بس صدق ربنا هو في احلى من كلام ربنا او اصدق من ربنا قال تعالى (ومن أصدق من الله حديثا)صدق الله العظيم ،صدق انه معاك وعمره ماهيضيعك صدق انه واقف جمبك ومش هيسيبك ،، كفاية بس انه خلاك مسلم دا اكبر دليل انه بيحبك وهيفضل معاك

*ملاحظة هامة : ماتقراش الكلام وتقول انام لا لازم تتعب وتجتهد وتبذل كل مابوسعك من قدرة ربنا مش هيساوي واحد تعب بواحد لعب واحسن ماتيجي اخر السنة وتزنق نفسك والفاس تقع ف الراس ،،

خلي امك وابوك يدعولك كتير ،،في الرايحة والجاية ماتسبهمش غير لما تقولهم ادعولي ،ـ والله دعوة الام والاب مستجابة ،،بالذات الام الام فالأم واسالوا اي حد هيقولكم

وحط هدفك قدامك في كل حتة خلفية لموبيلك لجهازك لباب اوضتك في كل حتة عشان دا هيحركك ان شاء الله ويخليك تشد حيلك كل ماتضعف همتك واثبت كدا وخليك حديد انتا انسان افضل مخلوق عند ربنا .
وبقولك اهو مرة تانية ابعد عن الطلبة الفاشلين اللي مش بيذاكروا لانهم هينزلوا مستواك معاهم ،ويمكن منهم كمان عامل فاشل وهو مقضيها دح !!
اوعى تبقى عارف معلومة وتخفيها وتقول هتميز بيها عن غيري اوعى ثم اوعى ثم اوعى من هنا لبكرة ، هتمكر ربنا مش هيسيبك اقرا كدا الحديث دا عن أبي هريرة قال: قال رسول الله صلى الله عليه وسلم
"من سئل عن علم فكتمه ألجمه الله بلجام من نار يوم القيامة"
ورواه ابن ماجه والترمذي وحسنه , وصححه الألباني
وقال تعالى (ومكروا ومكر الله والله خير الماكرين) ،، بدل ماتخبيها يقوم ربنا يوقفك في سؤال سهل انتا مذاكره وبتحصل والله ،،متقولش لا ياما ناس حلت سؤال مليون مرة وجت في الامتحان ووقفت وغلطت فيها ،، بلاش مبدأ الخباثة دا أبداااااا

*ملاحظة هاااامة : مش معنى كلامي اللي فوق اني بقولك متخافش لا دا انتا تبقى مش طبيعي خالث مالث لو ماخفتش بس خوف على قدر خوف يخليك تذاكر مش خوف يوديك في داهية ويضيع تعبك خليك وسط في كل حاجة حتى الخوف

انهي كلامي باقتباس لحبيبتي واختي في الله ساد نونو
بصي يا حنين انا مش هقولك متخافيش ومتقلقيش لان انتي انسانة ولو مخفتيش في وقت زي دا تبقي سوري يعني مش طبيعية لكن خير الامور الوسط انا منكرش اني خايفة وقلقانة ومتوترة لكن ثقتي بربنا هي اللي بتخي في صوت في قلبي دايما بيقولي اني هحقق هدفي وربنا هيوفقني
صدقيني الخوف مش هيفيدك في حاجة خلي عندك اطمئنااان تااام
لو مثلا انتي داخلة امتحان الرياضيات والمدرس قالك انا جاي معاكي الامتحان وهبقا معاكي في اللجنة واي سؤال يقف عليكي انا هحلوهولك هتروحي وشعورك هيبقا ازاي ؟؟ اكيد هتبقي فرحانة ، ومطمئنة ومفيش اي قلق او توتر طب والله حرام عليكي هتطمئني لمدرس ومش هتطمئني لربنا وكلام ربنا ؟؟؟؟؟؟؟؟؟ ربنا معاكي يا بنتي في كل وقت وقال ادعوني استجب لكم وقال أمن يجيب المضطر اذا دعاه ويكشف السوء ،، يعني خدمة فايف ستارز اهو اكتر من كدا اي عشان نطمن ؟؟؟؟؟؟ ربنا عند ظن عبده بيه فهل يا ترى هتظني بربنا انو مش هيوفقك ؟؟ ولا هتتفاءلي وتدعي ربنا وتذاكري على اد ما تقدري مؤمنة بكلام ربنا اللي بيقول " ان الله لا يضيع اجر من احسن عملا " ؟؟؟

ومش هكلم كتير عشان الموضوع طول اوي ومش عايزاكوا تزعلوا مني عشان طولت عليكم بس والله خوف عليكم وحبيت اوصل رسالة بسيطة وانا اخطات من نفسي وان اصبت من الله

والله العظيم الموضوع دا خد مني ساعة بحالها ،،ياويله اللي يدخل وميردش ليلته مش هتعدي على خير

ربنا يوفقنا ويكرمنا وينجحنا ويبقى معانا كلنا
يلا بئا أسيبكم في أمان الله

انا مش هقول كلام شكر انا هقول اني بحترم و بحب وحضرتك وانا وكل الاعضاء وكل يوم بتكبري في نظري اكتر واكتر وبتمنى لو كنتي اختي بجد لان دا كان هيكون احلى حاجة في حياتي لكن اتمنى ليه حضرتك اختي فعلا وده شرف ليه يافندم واخت لكل العضاء واقسم بالله مش عارف اقول ايه تاني لو اقعدت اشكر وادعي للصبح مش هقدر ارد نص او ربع التطمين اللي حتطتيه فيا وفي اخواتي التنين بجد ربنا معاكي ومعانا واوعدك لو كل واحد فينا قرى الكلام ده وطبقه وتحتيها مليون خط مش يقراه وينام ان شاء الله اعضاء جروب تانية ثانوي عيكونوا ال36 الاوائل على الجمهورية بتاع كل سنة ونتقابل كلنا في الصفحة دي ونحتفل بنجاحنا وبحضرتك لانك انتي السبب بعد ربنا سبحانه وتعالى وقولو كلكو يارب مش مهم في رد كفاية تكون في سركو وربنا بإذن الله هيسمعها
وربنا يوفقنا كلنا
اخوكم جهااد
وتصبحو على خير ان شاء الله
والسلام عليكم ورحمة الله وبركاته

[مجنونة الثانوية]

الله يفتح عليكى

[مجنونة الثانوية]

ربنا يوفقنا كلنا

[مجنونة الثانوية]

انتى طبعا مستغربه رديت كذا مرة ليه
عشان كنت برد ع موضوع تانى قمت كاتبه الرد في موضوعك بالغلط

[love12345]

!!thank you

[Dr.Nariman]

نورتوني كلكم جزاكم الله خيرا وربنا يجعلنا كلنا من الاوائل يااااارب

[جهاااد]

يارب يارب يارب ان شاء الله

[شعبان رجب]

ما شاء الله الموضوع حلو اوىاوى