كل المعلومات اللي ممكن تحتجها عن التحويل من كليه لأخرى

[غرباوى محمد]

أولا: تحويل من كلية الى كلية مناظرة:

{لا يشترط بلوغ الحد الأدنى }

يعني طالما انت جبت مجموع الكلية تقدر تحول من الكلية اللي ترشحت فيها الى أي كلية زيها في مصر

مثال:

لو جبت هندسة قنا ( 393.54875 ) وعاوز تحول لهندسة طنطا ( 399.2375 )

مفيش أي مشاكل عادي جدا

ثانيا: متطلبات التحويل:

1- بطاقة الترشيح ( اللي طبعتها من النت )

2- صورة البطاقة الشخصية أو صورة من الجواز

3- صورة ايصال مكتب التنسيق ( اللي مكتوب فيها المجموع الاعتباري )

4- مبلغ ؟؟؟؟؟ جنيه

ثالثا: خطوات التحويل ( للكليات المناظرة فقط ):

التحويل عند مكتب التنسيق اللي موجود في المدينة الجامعية بجامعة القاهرة بالجيزة

1- اذهب الى مبنى رقم 2 ( مش مبنى رقم 9 كالعادة انت هتروحه بس بعدين ) .

2- هتصف حضرتك طابور وتستنى دورك وهيطلب منك بطاقة الترشيح ومبلغ ؟؟؟؟؟ جنيه .

3- هيديك ورقة تملي بياناتها ( المجموع الاعتباري, الاسم , نوع الشهادة......الخ )

ومن البيانات هتلاقي 3 رغبات فقط للتحويل ولازم تختار كويس على حسب طبعا مجموعك

( طبعا هوا ينفع أي كلية مناظرة انت عايزها بس انا قصدي الواحد يستغل ال3 رغبات بحكمة

عشان يقدر يجيب اللي عايزه ان شاء الله, لأنك لازم تحط في الاعتبار انك مش انت الوحيد اللي

في البلد فيه ناس كتير عايزه تحول وفرص التحويل اذا كانت هتيجي ولا لا مبنية على عدد المحولين

للكلية اللي انت عايزها ومجاميعهم وكمان عدد الأماكن الشاغرة ) .

4- تروح مبنى رقم 9 عشان تسلملهم الأوراق ( صورة من البطاقة أو الجواز, ورقة طلب التحويل,

صورة من ايصال مكتب التنسيق ) .

رابعا: مبروك عليك التحويل!!!!!!!!!!!!!!!!!!!!! وبالقبول ان شاء الله
ملحوظه
قد تكون هذه الطريقه بعد لا قدر الله التحويل لم يقبل عن طريق موقع التنسيق

ودا كلام احد الاعضاء اليوم

كلمنا مكتب التنسيق النهاردة و دي المعلومات اللي قالولنا عليها

1 - التحويل إلكتروني بعد ظهور نتيجة المرحلة الثانية

2 - لو لا قدر الله التحويل لم يقبل هتروح مكتب التنسيق علشان تقليل  الاغتراب
 او مش فاكر المكان بالضبط و هتقدم طلب يدوي علشان التحويل

و الله الموفق و ربنا يكون في عونا و يا رب التحويل يتقبل لكل اللي يستاهلوا بإذن الله

قواعد التحويل و التوزيع الجغرافى التى تهم الطلاب الجدد و القدامى فى الجامعات و المعاهد المصرية


أسس تحديد الحيز الجغرافي
·تعتبر الإدارة التعليمية أكثر دقة في التعبير عن موقع سكن الطالب.
·تتبع الإدارة التعليمية الجامعة الأقرب لها وتدخل ضمن الحيز الجغرافي لهذه الجامعة.
·يتم تجميع الجامعات (بالنسبة للإدارات التعليمية) في عدة مجموعات على النحو التالي ويلزم أن يختار الطالب جميع الكليات الممكنة في قطاع ما من المجموعة (أ) قبل البدء في اختيار كليات من هذا القطاع من المجموعة (ب) كما يلزم أن يختار كل الاختيارات الممكنة للكليات من القطاع من المجموعة (ب) قبل بدء أي اختيار من القطاع في المجموعة (ج) كما يلي:
üمجموعة (أ) إجبارية: وهي الجامعة أو الجامعات الأقرب لإدارته التعليمية، وفى بعض الحالات تكون أكثر من جامعة لأن إدارته التعليمية تقع في حيز متساوي المسافة من الجامعتين.
üمجموعة (ب) إجبارية بعد استكمال الاختيارات في المنطقة (أ): عدة جامعات تقع ضمن حيز الإدارة التعليمية للطالب ولا يوجد فرق في اختيار أي منها قبل الأخرى.
üمجموعة (جـ): باقي الجامعات التي بها كليات لهذا القطاع، يسمح للطالب باختيار أي منها وتعتبر متساوية، حيث أنها جميعا تبعد عن محل سكنه وإدارته التعليمية.

جداول التوزيع الجغرافي المتدرج مقسمة وفقا للمحافظات والإدارات التعليمية التابعة لها والاختيارات المتاحة

قواعد تقليل الاغتراب:

الغرض الأساسي من تحويل الطالب، بعد ترشيحه عن طريق مكتب التنسيق، هو تقليل اغتراب الطالب بحيث يلتحق بكلية في المنطقة (أ)، وليس الغرض من التحويل تغيير رأى الطالب وإعادة ترشيحه في موقع أخر، وتنقسم عملية التحويل إلى نوعين:

أولا: تحويل إلى كلية غير مناظرة:


·يسمح للطالب الذي تم ترشيحه في عملية التنسيق في كلية ما خارج أو داخل منطقته الجغرافية (أ)، بالتقدم للتحويل إلى كلية غير مناظرة في منطقته الجغرافية (أ) فقط، بشرط حصوله على الحد الأدنى لمجموع الدرجات الذي قبلته الكلية المطلوب التحويل إليها، وبشرط استيفاء باقي قواعد القبول بالكلية مثل النجاح في اختبارات القدرات إن وجدت. ومثال لذلك طالب قبل بكلية الهندسة جامعة أسيوط وهو من محافظة الغربية يمكنه التقدم للتحويل إلى كلية غير كلية الهندسة (العلوم {رياضة} - الآداب – التجارة ... الخ) في جامعة طنطا حيث تقع جامعة طنطا في النطاق الجغرافي (أ)، وبشرط أن يكون مجموعه مستوفى للحد الأدنى للكلية المراد التحويل إليها.
ثانيا : تحويل إلى كلية مناظرة:
·يتم قبول تحويلات في حدود نسبة مئوية يحددها المجلس الأعلى للجامعات وطبقا للإمكانيات الاستيعابية للكليات.
·يسمح للطالب الذي رشح في كلية ما خارج منطقته الجغرافية (أ)، بالتقدم للتحويل إلى كلية مناظرة في منطقته الجغرافية (أ) فقط.
·فى حالة وجود أكثر من كلية مناظرة في النطاق الجغرافي (أ)، يسمح للطالب الذى رشح لكلية داخل أو خارج النطاق الجغرافى (أ)، باختيار أى عدد من الكليات فى نطاق منطقته الجغرافية (أ) طبقا لرغباته. وعلى الطالب الراغب فى الحصول على أعلى فرصة للتحويل كتابة أكبر عدد من الرغبات.
·فى الكليات التى بها انتساب موجه، يسمح للطالب المرشح كطالب انتظام، بالتحويل لكلية مناظرة بمنطقته الجغرافية (أ) ولكن بنظام الانتساب الموجه فقط.
·يتم ترتيب الطلاب طبقا لرغباتهم فى كل كلية بالنطاق (أ)، وتحويل العدد الذى حدده المجلس الأعلى للجامعات وطبقا للإمكانيات الاستيعابية للكليات. .

ملحوظة هامة:

تعتبر الكليات والمعاهد التالية هي كليات فريدة ليس لها مناظر، والتحويل منها أو إليها يخضع لنظام التحويل لكليات غير مناظرة، وهذه الكليات هي:
1.كلية الطب بالإسماعيلية.
2.كلية الهندسة الإلكترونية بمنوف.
3.كلية البترول والتعدين بالسويس.
4.المعهد العالي للتكنولوجيا ببنها.
5.المعهد العالي للطاقة بأسوان.

المقال منقوووووووووووووووول ولا ادري مدى صحته
ارجو المتابعه
ولكن ماذا عن التحويل عن طريق موقع التنسيق بعد المرحله الثانيه
ارجوا المتابع والرد.

[bloody man50]

هو لازم التحويل يبقى تبع التوزيع الجغرافى
يعنى مثلا لو انا ساكن ف القليوبية وجتلى اى كلية فى بنها ينفع احول لاى كلية مناظرة فى القاهرة مثلا
ولا لازم بقى وصل كهرباء والكلام ده ؟

[ningooooo]

حضرتك اول حاجه بتحول الكتروني

لو تم رفضه بتحول يدوي زي ما حضرتك قولت

[amr ali yasser]

1000 جنيه؟

اول مره اسمع كده

[ana.alabdo]

ممكن التحويل من النت ولا لازم اروح الكلية انا جالى صيدلة المنيا وعاوزه احول المنصورة والفرق درجتين

[eslam elahlawy]

وهو الف جنيه دي رشوه ولا ايه

[fekma4]

يا جماعه انا كنت كاتب ألسن عين شمس قبل صيدلة أسيوط وقبلت فيها وانا مجموعي يجيب صيدلة اسيوط اعمل ايه عشان احول

[احمدعاطف]

جزاك الله كل خير أستاذ غرباوى ونفع بك ، لدى سؤال لو سمحت أختى مجموعها يدخلها طب بيطرى القاهرة ولكن غلطنا وكتبنا طب بيطرى اسماعيلية قبل القاهرة فجلها الترشيح للإسماعيلية ، علما بأنها من المنصورة ، هل ينفع احولها القاهرة علشان اقرب للمنصورة؟ وما هى الخطوات لو سمحت ، وهل يمكن لو التحويل اتفتح تحول للمنصورة بدل القاهرة ونستريح خالص ، ارجو الرد أستاذنا

[نؤنؤة...]

انتوا متاكدين من 1000 جنيه دى يعنى مثلا لو حد عايز يحول من تربية لاداب يدفعها او حد يحول من صيدلة بنى سويف لصيدلة القاهرة برضو هايدفع؟

[issac-newton]

هي فين الالف جنيه دي ماكنش حد حول المهم ربنا يباركلك كنت محتاج الموضوع دا بشدة . .

[ningooooo]

يا جماعة في الاول هيبقي التحويل إلكتروني من غير فلوس

و لو اترفض هتحول يدوي بفلوس

[غرباوى محمد]

up............
up............

[dr /nada]

يا جماعه ردوا عليا ضروري جدا لو حد من بنها عايز يحول صيدلة طنطا بدل الزقازيق ومدخلش طنطا على نص درجه هيتقبل التحويل والا لأ
مع العلم ان طنطا والزقازيق على نفس البعد من بنها تقريبا

[dr /nada]

عشان خاطري ردو عليا

[beso230]

طيب انا دخلت هندسة شبرا هل ممكن احول جامعة القاهرة مع العلم ان جامعة القاهرة اعلى من مجموعى بدرجتين ..............