يانهار مش فايت

[ahmedalian51]

انا صاحبي ماقدمش رغابته وهو جايب 94.7 % يعني مرحلة اولي وجاي دلوقتي يقولي انت هتدقم وقتيه يعني جاي النهارة بالذات وبعد مالتنسيق قفل
كده هو هيعمل ايههيخش مرحلة تانية وهل مرحلة تانية بيبقي فيها هندسة ولا هو كده خلاص

[*sondos*]

إن شاء الله يكون خير ويقدر يقدم في المرحلة التانية

[cazanova_love]

لا يحاول يعمل حاجه لسا يومين بيقولوا

[ningooooo]

يعني هو كان مستني ايه كل ده

انا هقولك علي حسب فهمي

انه كده مرحلة تانية و كده هندسة ضاعت عليه لانها هتكمل في المرحلة الاولي و هو كده كده هيلحق حاسبات و معلومات
و دي بقي خليه يسال فيها لاني مش متاكد منها انه ممكن يحول بعد كده لهندسة لو جاب الحد الادني بتاعها

[basma 2010]

ربنا معاهــــــــــــــــــــــــــــ

[Amr Eltaweel]

يا غالي الوزير قالم هيمد المرحلة الاولي انهاردة كمان قريتها ع اليوم السابع من يومين والله
قالوا هيمدوها يوم زيادة حصرا علي مستقبل الطلاب

[A7med Negm]

الموقع قفل اصلا

[ArabianPDA2]

يخربيته !!
امال الاسبوع الي فات ده كان بيعمل فيه ايه!!

هو عادي انشاله يخش تجاره مرحله ويحول
لو مجموعه جاب الحد الادني
عاااااااادي ومش تبع ال10%

يعني لو مجموعه جابها يحول اوتوماتيك عاااااااااااادي

[ArabianPDA2]

يقدر يحول عاااااااادي
ودي من موقع التنسيق

الغرض الأساسي من تحويل الطالب، بعد ترشيحه عن طريق مكتب التنسيق، هو تقليل اغتراب الطالب بحيث يلتحق بكلية في المنطقة (أ)، وليس الغرض من التحويل تغيير رأى الطالب وإعادة ترشيحه في موقع أخر، وتنقسم عملية التحويل إلى نوعين:
أولا: تحويل إلى كلية غير مناظرة:
· يسمح للطالب الذي تم ترشيحه في عملية التنسيق في كلية ما خارج أو داخل منطقته الجغرافية (أ)، بالتقدم للتحويل إلى كلية غير مناظرة في منطقته الجغرافية (أ) فقط، بشرط حصوله على الحد الأدنى لمجموع الدرجات الذي قبلته الكلية المطلوب التحويل إليها، وبشرط استيفاء باقي قواعد القبول بالكلية مثل النجاح في اختبارات القدرات إن وجدت. ومثال لذلك طالب قبل بكلية الهندسة جامعة أسيوط وهو من محافظة الغربية يمكنه التقدم للتحويل إلى كلية غير كلية الهندسة (العلوم {رياضة} - الآداب – التجارة ... الخ) في جامعة طنطا حيث تقع جامعة طنطا في النطاق الجغرافي (أ)، وبشرط أن يكون مجموعه مستوفى للحد الأدنى للكلية المراد التحويل إليها.

[نؤنؤة...]

المشاركة الأصلية كتبت بواسطة arabianpda2

يقدر يحول عاااااااادي
ودي من موقع التنسيق

طب وليه غير كلية الهندسة طب مماهو اصلا عايز هندسة بس ف منطقته
يعنى انا مثلا لو جالى صيدلة المنيا وانا هاعمل تحويل عشان ابقى ف منطقتى جامعة عين شمس او القاهرة بس عايزة نفس الكلية اللى هى صيدلة ماينفعش ولا ايه؟؟؟؟؟؟؟؟