أنا محتارة وعايذة حد يرشدني

[زهراء السيد]

أنا السنادي جبت في تانية 95,6 وأنا أصلا رياضة 2 بس أنا حابة أكتر اني أدخل كلية الصيدلة عن الهندسة فانا مش عارفة أكمل رياضة2 وله أحول علمي علوم وكمان أنا خايفة لحسن التنسيق يعلي السنة الجاية وأنا شوفت الحد الأدني لكليات قطاع الطب لاقيته عالي وأنا اخترت في الاول علمي رياضة لأني مش بحب الحفظ اللي هو الأحياء بس لاقيت نفسي حابة ان اخش صيدلة اكتر من الهندسة وأنا سمعت ان الاحياء لازم تتحفظ بالنص أرجو الرد علشان حتي تفيدوا ناس كمان ربنا ميحيركوش أبدا

[fatakat400]

انا رايى يا زهراء لو انت حبه صيدله يبقى حطيها حلمك وهدفك قدام عنيك طول الوقت وروحى علمى علوم
ثانيا اللى قلك الاحياء حفظ غلطااااااااااااان والله اقل ماده ذاكرتها الاحياء دى عوزه فهم وتربطى الحجات ببعضها
وحجات لذيذه اوى تحبى تعرفيها وبعد الفهم مرحله الحفظ دى حاجه عاديه لو حبيتى تحفظى بس الحفظ مش حاجه اساسيه
واوعى تتنازلى عن حلمك

[زهراء السيد]

انا اختي كانت واخدة احياء وكنت بشوف عندها رسومات كتتتتتتتتيييير وشكلها معقد انا خايفة لاحسن ملحقهاش

[fatakat400]

انت ليه خايفه من الاحياء طب ما انا فيه ناس ممكن تقولك رياضه 2 وبتدرس لبتوع هندسه وصعبه وحجات من دى
بصى انا ازهر يعنى درست دى ودى وصراحه الاتنين احلى من بعض دى متعه ودى متعه
اهم حاجه تدخلى على الماده بتحدى وحب فى نفس الوقت مش تخافى منها
بصى هاتى كتاب الاحياء وحاولى اقرى فيه شويه هتلاقيكى فهمتى من غير حتى مدرس
وهاتى برضه رياضه هتلاقيها جميله اللى ترتاحيله اكتر
بس انا رايى ان احلامنا دى حاجه جميله اوى فحياتنا مش سهل نحققها ونبقى غلطانين لو اتخلينا عنها بسهوله
كل الكلام ده لو انت بتحبى صيدله اوى زى مابتقولى

[زهراء السيد]

انا اللي مخليني متمسكة برياضة 2 اكتر اني بحب الفهم وهي دي المادة اللي مقفلاها وكلية الهندسة بتاخد اقل من كلية الصيدلة يعني ان شاء الله اكون ضامناها بس بصي انا هقولك وجهة نظري في الصيدلة ان هي بقي بيبقي فيها معامل وكده ونحط حاجات ف الانبوبة بقي وكده ههه هو فعلا كده صح ولا لأ معلشي تعبتك معايا

[ningooooo]

مادة الاحياء ليست مادة حفظ فقط
معلومة اصححهالكم ان المادة دي مادة حفظ و فهم و الدليل علي كده امتحاني السنة اللي فاتت
و حطي في اعتبارك ان تنسيقكم هيبقي نار و هيبقي تنسيق تاريخي و دي الحقيقة
و دايما شوفي انت حابه ايه و صلي صلاة استخارة

[زهراء السيد]

أشكركم جدا والله هو انا حابه برده الهندسه شوية وقريت عنها ولاقيت ان فرص عملها اكتر ودخلها احسن من الصيدلة بس ان شاء الله هصلي صلاة استخارة

[dr /nada]

الاحياء ماده سهله وممتعه بس انتي حبيها انا عن نفسي كنت داخله كارهاها بس كنت شاطره فيها الي حد ما فعوزاكي متكرريش غلطتي وانا على فكره كنت عاوزه ادخل رياضه عشان مكنتش حابه الاحياء بس ماما مكنتش راضيه وانا على فكره جايبه98.6 وكاتبه صيدله اول رغبه
ويارب اشوفيك معايا في الكليه وانتي بس شدي حيلك وخلي للاحياء اولويه في المذاكره زي الفيزياء بالظبط وهتشوفي ربنا ان شاء الله هيوفقك