استفسار فى المستوى الرفيع

[hunter kura]

السلام عليكم..
اولا مبروووك النجاح و ان شاء الله الى جاى احسن ^^
لو سمحتوا انا احب استفسر عن المستوى الرفيع, انا ف تانية ثانوى,واخترت الجغرافيا بس انا دلوقتى عايزة احول للانجليزى..ياترى ينفع؟ و اقدر احول من المدرسة ولا لازم اروح الادارة التعليمية,و امتى ممكن اروح؟
شكرا مقدما,,

[الراجية ربها]

يارب حد يفيدك

[ابو بشير]

تقدر مع بداية المدرسه تحول بس تدفع رسوم تحويل

[Dr.Nariman]

بلاش الانجليزي كل الناس بتقول انه وحش اوووووي ف المستوى

[tweetyy]

انا رائي تاخده مستوى رفيع عربي هما حوالى 10 او 11 درس قراءة بس بيقولوا سهلين اوى كلام فارغ يعنى وربنا يوفقك ويوفقنا جمعيا

[منه الله(منمن)]

بلاش انجليزى الا بقى انك متمكن مليون الميه ف اللغه خد عربى كله بيقول سهل انا مختاره عربى لان الانجليزى لو نسيت كلمه الجمله مش هتعرف تكملها لكن العربى انت عارف اباعات الطالب المصرى وعموما ينفع تحول بس بتدفع رسوم التحويل

[basma 2010]

وهى كام رسوم التحويل

[MOSTAFA093]

نصيحة أخوية عن تجربة خدى جغرااااااااافيا أفضل ، أنا قرأتها قراءة جرايد ودخلت والحمد لله جبت 9.5 فيها والله
لكن الإنجلش والعربى وغيرة دول رخميييين أوى وبالكتير بتجيب فيهم 8
وبالنسبة لو حبيتى تحولى روحى المدرسة هما اللى هيفيدوكى فى التحويل ويقولولك على كل حاجة

[هاله123]

بصي انت لو ادبي خدي مستوي فلسفه بيقولوا ال10فيها مضمونه
ولوعلمي خدي عربي هم14 درس بالضبط
انا كنت واخده عربي السنادي والحمد لله جبت 10
اهم حاجه تذاكري النظري عشان الاسئلة بتيجي بالنص
وبصي علي امتحانات الستيت اللي فاتت
اما بالنسبة للتحويل فينفع عادي من المدرسه
بس بتدفع 45 جنيه (السنة اللي فاتت كانت كده) معرفش السنادي
بس بلاش انجليزي الا لو كنت في مدرسه لغات في الحاله دي سهل اوي تجيب 10
التوقيع
(طالبة خلصت من الثانوية العامة ومستنية نتيجة النتسيق ادعوللللللللللللللللللللللللللللللللللللللي)

[برنس أخر زمن2]

عايز تحول من الجغرافيا دا انت تستاهل تنضرب مش تزعل..


بص والله والله والله الجغرافيا مش بيبصواا اساسا ف الاجابة ياعم المستوى الا كان قامى قع يكتب السؤال االا عرفه ست سبع مرات كدا..

ومش كان عارف حاجة دا جايب 60 ف المية ووف المستوى 9ونص

[cat2007200]

عربى ثم عربى ثم عربى مستوى رفيع

اوعى تاخد انجليزى اياك تاخد انجليزى يكش تاخد انجليزى

عربى وبس

والله قريت نص الكتاب قرايه مره واحده فقط ليله الامتحان وجبت 9.5 من 10 يعنى عسل:022yb4 :

[cat2007200]

الادبى ياخد جغرافيا والعلمى ياخد عربى

الجغرافيا هتجيب فيها 10

والعربى هتجيب فيها 9.5 او 9

اسأل مجرب

[basma 2010]

المشاركة الأصلية كتبت بواسطة برنس أخر زمن2

عايز تحول من الجغرافيا دا انت تستاهل تنضرب مش تزعل..


بص والله والله والله الجغرافيا مش بيبصواا اساسا ف الاجابة ياعم المستوى الا كان قامى قع يكتب السؤال االا عرفه ست سبع مرات كدا..

ومش كان عارف حاجة دا جايب 60 ف المية ووف المستوى 9ونص

فعلا الجغرافيا حلوه خالص

[FirstMan08]

طالما أدبي يبقي خليك جغرافيا ولو انت شاطر ف الانجلش وبتحبه اختاره انا كنت مختاره و جبت فيه 9.5
بس المهم تكون عندك ثروة لغوية وتعرف كلمات كتير
و الجغرافيا مضمونة و صغيرة وسهلة أوي كمان

[نسمه يسرى]

انتى لو ادبى فلسفه
لكن العربى مضموووووووووووووووووووووووووووون
كان معايال السنادى كنت بقراه بس
وفى اخر السنه السؤال كنت بكتب فيه صفحد شويه عربى فى الاول وبعدين كيميات على فيزيا وفى الاخر جبت 10