|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
04-07-2011, 04:06 AM
|
|||
|
|||
عندى مشكلة .. ممكن حد يحاول يحلها معايا :( ..
السلام عليكم و رحمة الله و بركاته
 انا اسمى شيرين طالعة تانية ثانوى إن شاء الله كنت عوزة حد بجد يقولى أزاى منساش اللى حفظته ؟  يعنى انا اكيد إن شاء الله مع الدروس فى مذاكرة يوميا للجديد اللى خدناه طب أزاى منساش القديم اللى خدته ناس كتير قالتلى بالمراجعة انا عوزة حد يقولى ازاى تبقا المراجعة دى ؟؟ أصل انا مش بعرف أرجع خالص حتى و انا فى اللجنة عمرى ما عرفت ارجع أبدا بعد ما بخلص اجابة بحل الأمتحان مهما كان فى نص ساعة و مش بعرف أرجع خاااالص كل اما بحاول مش بعرف فا بينتج عن كدة انى بغلط فى حاجات تافهة أووى بكون عرفاها أصلا .. بس طبعا دلوقتى الوضع أختلف دى ثانوية عامة  لو حد يقدر يساعدنى يبقا جزاه الله خير ..
__________________
 
|
|
#2
04-07-2011, 05:13 AM
|
||||
|
||||
|
السلام عليكم
منوره يا شيرين وربنا يوفقك في الدراسه وف كل شئ ان شاء الله واضح انك داخله ادبي علشان كدا شايله هم الحفظ خاصة التاريخ وعلم النفس والكلام دا بصــــي هو فعلا الحفظ بالمراجعه..بس في اهم من المراجعه وهي انك تفهمي كل كلمه قبل ما تحفظيها وقتها حتى لو نسيتي كل حاجه وافتكرتي اول جمله هتفتكري باقي الكلام لان عقلك هيكون مرتب الافكار على حسب الاجداث والمعلومات بس مش معنى كدا ان العقل هيفضل مخزن الفهم والحفظ دا لفتره .. لا بداية لازم تلتزمي نظام معين ف مذاكرة الماده بحيث انها تلزق ف دماغك اطول وقت ممكن ازاي؟ انك تراجعي وانتي بتذاكري ..ازاي برضه؟ تقسمي الدرس اجزاء وفقرات تخلصي الفقره فهما الاول وبعدين حفظ وتاخدي الفقره اللي بعدها ولما تخلصيها تراجعي الاتنين على بعض وكل فقرة تدوري على اسئله تخصها بين الاسئله ف التمرينات وتحليها وبعدين تدخلي في الفقره اللي بعدها وتخلصيها ترجعي تجيبي الدرس من اوله وتحلي تمارين على اللي خلصتيه ف الدرس وهكذا صدقيني كدا هتراجعي الدرس يجي 10 مرات وانتي قاعده هي اه طريقه صعبه بس انا قلتها سريعا لو عاوزه الطريقه كلها قوليلي هي بداية هتتعبك لمده اسبوع كدا بس هتلاقيها سهله جدا بعد كدا خلصتي بقى درس هتيجي تذاكري درس جديد قبل الجديد اقري القديم وحلي عليه التمارين تاني يبقى كل ماتذاكري درس جديد تاخدي معاه واحد قديم كدا تسلمي عليه وعـ فكرة انا زيك ف موضوع الامتحانات لازم اخلص الاسئله بسرعه ومراجعش وبقرأ نص السؤال واطير ههههههه دي بقى مش لاقيالها حل كل ترم اقول خلاص الترم الجاي هركز واقعد ف النقطه دقتين تلاته طبعا مبكملش 5 ثواني ف الاخر  فاللي عنده مشكله ليا وليكي ف دي يفيدنا وربنا معاكي
__________________
Never Say Never
|
|
#3
04-07-2011, 10:56 AM
|
|||
|
|||
|
ماهو مافيش حل قدامك غير انك تركزي وتعدي كدا وتأنتخي في الورقة لانها ببساطة جدا ثانوية عامة
__________________
الحمدلله الذي هدانا لهذا يقيني بالله يقيني
|
|
#4
04-07-2011, 01:08 PM
|
|||
|
|||
|
بصى انتى لازم تقربى من ربنا وادعيه دايما انه يساعدك وان شاء الله بدعوات المقربين وخاصة بابك ومامتك ربنا يساعدك واسال الله ان يوفقنا جميعا لما يحبه ويرضاه بصى انتى اول ماتبداالدروس لازم تكونى عارفة انك لازم تذاكرى الدرس قبله بيوم وكذلك اول ماتخدى درس روحى وحاولى تذاكريه وده هايساعدك كتير
|
|
#5
04-07-2011, 07:18 PM
|
|||
|
|||
|
اقتباس:
لأ انا علمى و علوم كمان  ال Maths و ال Chemistry دى فعلا حجات بتتفهم و مدام فهمتها مش بتخرج من دماغى و ال English و ال Francais مفيهاش مشاكل أوى يعنى .. بالمذاكرة الديمة هتبقا تمام .. بس انا مشكلتى تحديدا فى العربي و السنة الجاية فى علم النفس دة !!! لأنه بالنسبالى كلام مش مفهموم !! كلام كدة غريب مبيتفهمش .. عاوز حفظ و انا مشكلتى فى الحفظ دة .. انا فى أولى ثانوى مكنش عندى مشاكل فى أى مادة خالص إلا العربي و المادة الغبية دى الى أسمها فلسفة
__________________
|
|
#6
04-07-2011, 07:20 PM
|
|||
|
|||
|
اقتباس:
جزاك الله خيرا
__________________
|
|
#7
04-07-2011, 07:22 PM
|
|||
|
|||
|
اقتباس:
و جزاكى الله خيرا ..
__________________
|
|
#8
05-07-2011, 01:04 AM
|
|||
|
|||
|
بصي يا دكتوةر شيرين ان شاء الله
حكاية الحفظ دي اللى هتاخديها والمذاكرة دي الكلام فيها يطووول بس عامة كده انتى اولا حاولي تعلمّي الحاجة بحاجات تانية يعني مثلا اسم الحاجة باسم فيلم او غيره فاهماني ؟.؟؟ بالذات النطق في اللغة االتانية تاني نصيحة احب اقولهالك انك المذاكرة بتاعتك تكون كل يوم زي ماانتي بتقولي كده تيجي على خميس وجمعة تراجعي كل اللى انتى اخدتيه تاني حتى لو فيه امتحانات وحاجات من دي في الدروس لا انتى ليكي نظاام تاني انك كل خميس وجمعة مراااجعة لكل اللى اخدتيه طوول الاسبووع وفي حجاة كمان انك قبل ما تنامي تقري الادب مثلا لو في العربي لاو الحاجات اللى بتحتاج حفظ موووت وربنا يةفقك وتدخلي اللى انتي بتتمنييه
|
|
#9
05-07-2011, 04:21 AM
|
|||
|
|||
|
اقتباس:
و يسمع من بقك ربنا و ابقا دكتور فى ال Chemistry إن شاء الله ..
__________________
|
|
#10
05-07-2011, 09:59 PM
|
||||
|
||||
|
عن تجربة
اكتر الحاجات اللي كنت بحفظها كنت بستعمل معاها طريقة بسيطة جداً هي اني اقري الدرس مرتين تاني يوم مرة او اتنين تالت يوم برضه ابص فيه رابع يوم خامس يوم ده اول ما اخد الدرس اما في المراجعة بتكون برضه قراءته مرتين و الحل عليه بقي الكلام ده جربته في الكيمياء و نجح معايا الي حد كبير بس ممكن يعني و محتمل تكون دي ميزة فيا مش طريقة يعني صح كل واحد برضه ليه الطريقة اللي بيعرف يحفظ بيها و شكراً
__________________
[CENTER] رُوِيَ عن معاذ بن جبل رضي الله عنه أنه قال : تعلموا العلم فان تعـلُمه لله خشية ، وطلبه عبادة ، ومُدارسته تسبيح ، والبحث عنه جهاد ، وتعليمه من لا يعلم صدقة وبذله لاهله قُـربى ، وهو الانيس فى الوحدة ، والصاحب فى الخلوة ، والدليل على الدين ، والمُصبر على السراء والضراء ، والوزير عند الاخلاء ، والقريب عند الغرباء ، ومنار سبيل الجنة
|
|
#11
06-07-2011, 12:30 AM
|
|||
|
|||
|
السلام عليكم ..
بصي انا بعاني من نفس مشكلتك لاني بحفظ احفظ احفظ وارجع انسى تاني لكن ان شاء الله بالاستعانة بالله كل دا بيروح وهي غالبا بتبقى من التوتر والقلق يعني هدي اعصاااابك جدا جدا جدا وقبل ما تذاكري ان شاء الله صلي لله ركعتين صلاة حاجة بنية ان ربنا يوفقك في المذاكرة وتحفظي بسرعة ومتنسيش واقرئي قرآن وبعدين ذاكري ولما تخلصي صلي ركعتين لله تشكري فيهم على انو اعانك مهما كانت نتيجة المذاكرة بردو اشكري ربنا واقرئي قرآن صدقيني 100% لما تبقا مذاكرتك بين الصلاة وقراءة القرآن ربنا هيوفقك بإذن الله وادعي ربنا في صلاتك وبعد الاذان .. وخذي بالاسباب يعني مثلا في اكلات معينة بتقوي الذاكرة زي مثلا " عين الجمل بالعسل " واحدة صاحبتي جربتها وبتقول بتقوي الذاكرة جدا جدا ومفعولها سريع وفعال جدا ... وكمان وضع السجود يعني لما تحسي انك ذاكرتي كتيير ومش قادرة استريحي غمضي عينك واسجدي خليكي ساجدة مدة ربع ساعة وبكدا ان شاء الله يرجعلك النشاط والحيوية ... وربنا يوفقك ان شاء الله ،،
__________________
حسبي الله ونعم الوكيل ..... وكلتك يارب ...
|
|
#12
06-07-2011, 02:39 AM
|
|||
|
|||
|
ميرسي يا جماعة على النصائح
جزاكم الله خيرا
__________________
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 04:40 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
