|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
29-06-2011, 05:30 PM
|
|||
|
|||
طلب من كل الطلاب المدرسين الافاضل وطلاب الثانوية السابقين
اولا السلام عليكم ثانيا : انا كنت طالب تانية ثانوى السنة دة عندى مشكلة كبيرة جدا يا جماعة وعاوز نصايحكوا وهى غلطاتى فى الامتحان انا حصلى السنة دة اللى ولا انا و لا مدرسينى توقعوة حتى لو كان احمد زكى بدر هو الوزير غلطاتى مش قلة فهم ولا قلة مذاكر ولا قلة حل انما ......... مش عارف انا دايما لما بغلط واول ما اسلم ورقتى واخرج من اللجنة وربنا وربنا بعرف غلطتى فين يعنى لو الورقة فى ايدى مبعرفش ان عندى غلط اساسا لو غلطاتى غلطات فى الاسئلة بتاعة الطالب المتميز او جتى الجيد كنت قلت دة غباء منى انما والله غلطات عبيطة اوىىىىىىىىى مش عارف ازاى بغلط فى حاجات دة لحد النهاردة ازاى .؟ والدليل ان الرابع والخامس فى الجبر والتفاضل مغلتطش فيهم بس للاسف غلطت علشان نسيت اوحد المقامات طالب تانية ثانوى نسى يوحد مقامات والله غلطتى دة كانت بتخلينى مكسوف ان اقول انى غلطت فيها انا والله والله المدرسين بتوعى ايام احمد زكى بدر قالولى ان انتة مش هتجيب اقل من 97 % تصوروا ودة كان ايام احمد زكى انا دلوقتى انا متوقع لنفسى 94.5 او 95 % تصوروا .؟؟ ومنهار تقريبا من ساعتها حتى الاكل مبقتش اقربلة مليش نفس من ساعة ما خلصت انى اعمل حاجة فى حياتى المشكلة ان انا بغلط فى السهل / السهل بس مش عارف اعمل اية ؟! انا نفسى ادخل هندسة وابقى مبرمج والحمدلله تقدروا تقولوا عندى موهبة من عند ربنا فى الحكاية دة الحمدلله بس بعد ما اتلقيت الناس بيقولوا التنسيق هيعلى جامد اترعبت ومبقتش قادر امسك اعصابى بس نويت ان شاء الله ان انا مش هجيب اقل من 96 فى تالتة ثانوى بس انا عاوز اعرف ازاااى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ الفهم موجوود والحمدلله مذاكرة وبذاكر بس الغلطات اللى بغلطها دة مش عارف بتيجى ازاى هتجنن والله يا جماعة انا عاوز نصايحكوا ازاى اتفادى اخطائى دة السنة الجاية وهل اكمل علمى ؟؟ انا والله بموت فى حاجة اسمها هندسة مش علشان مسمى وخلاص انا بس عاوز ابقى مهندس لانى عارف ان هو دة المكان اللى هأدى فية وهعرف اتعامل مليون مرة احسن من اى مكان تانى ارجوكم افيدونا 
|
|
#2
29-06-2011, 07:55 PM
|
|||
|
|||
السلام عليكم ..
اسمحلي ارد على حضرتك انا كنت في اولى ثانوي السنادي وداخلة تانية ثانوي ان شاء الله ،، اولا اخي الفاضل حضرتك بتقول انك ذاكرت كويس جدا وكان مستواك عالي طول السنة ومبتغلطش غير في الاسئلة السهلة مفيش اي حاجة استنتجتها من الكلام دا ؟؟ في حاجة مهمة جدا جدا جدا حضرتك نسيتها وهي التوكل على ربنا القرب منه ودعاؤه دي اهم حاجة فعلا اللي بيذاكر كويس جدا ويروح الامتحان يغلط في السهل بس ما اكيد المشكلة مشكلة توفيق من ربنا ياريت تقرب من ربنا اكتر ومتقولش هجيب 94 ولا 92 خلي عندك امل وتفاؤل وقوة ايمان بإنه قد صدق الله العظيم حين قال " إن الله لا يضيع اجر من احسن عملا " فمن المستحييل ان يضيع عمله هباءا بلا فائدة ،، وبدل ما تقول مش هتجيب في تالتة اقل من 96 قول مش هجيب اقول من 99 وخلي هدفك ادامك وامشي عليه والله اعرف شخص قريب ما حالتك دي ولما توكل على ربنا وقوى ايمانه بإنه هيعمل اللي عليه والباقي على ربنا وكل اللي هيجيه فيه الخير جاب في تالتة 100% !! مفيش حاجة مستحيلة لكن توكل على ربنا وان شاء الله ربنا يوفقك ،، والسلام عليكم
|
|
#3
29-06-2011, 07:57 PM
|
|||
|
|||
|
دي حاجه تضايق أوي فعلا
بس معلش يمكن غلطاتك دي قلت توفيق من ربنا بس دا مش معناه أن ربنا مش بيحبك يمكن ربنا يكوون عاوزك متغترش بنفسك وتعمل نفس المجهوود وأكتر السنه الجايه . بس أهم حاجه انك متيأسش وتذاكر كويس السنه الجايه ولسه في فرصه كبيره أنك تتدخل هندسه . وأتقرب من ربنا و أدعي أنك تحقق حلمك .
|
|
#6
29-06-2011, 08:49 PM
|
||||
|
||||
|
ممكن تكون بتستسهل المسائل فبتتسرع فى حلها علشان هى سهله
اما لو صعبه هتفكر فيها وتجيبها صح اعتقد ان حضرتك متسرع حاول تركز فى كل حاجة فى الامتحان ومفيش حاجة اسمها سهل وصعب وتراجع كويس بعد ما تخلص انا كنت كدة بردو فى الاعدادى بالزات فى العلوم المس كانت بتجبلى حاجات جميله فى الامتحان وباقى الامتحان بيبقى سهل جدا كنت احل سريع سريع ...علشان اتفرغ فى الحاجات اللى عايزة تفكير وفى الاخر احلها صح واغلط فى حاجه سهله صح وغلط او اختار كدة يعنى اصلى بعيد عنك بقرا نص السؤال
|
|
#7
29-06-2011, 11:58 PM
|
|||||
|
|||||
|
اقتباس:
اقتباس:
التوفيق فعلا التوفيق غاب عنى تماما تماما فى الامتحانات دة مع ان والله انا مكنتش بعمل حاجات وحشة يعنى انا كنت عادى زى اى شاب اقتباس:
اقتباس:
انا اقصد ان توحيد المقامات كانت الفكرة السهلة بتاعت السؤال كلة ودة اللى غلطت فيها قلبت جيت اوحد المقامات وحدتها غلط ويا ربت لو تعرف معلومات اكتر عن كلية حاسبات ومعلومات دة تقولهالى اقتباس:
ايوة والله انا بردة عندى نفس المشكلة دة المشكلة ان انا اساسا متسرع فى الحاجات العادية مش الامتحانات بس وعائلتى واصحابى عارفين كويس جدا ان انا متسرع وانا عارف ان دة غلطة انا بعملها بس مش عارف احلهها ازاى
|
|
#8
30-06-2011, 01:04 AM
|
||||
|
||||
|
طيب بسيطة جداا
 الموضوع مش نقص ذكاء او تقصير مذاكرة  فى المذاكرة ان كنت سريع فى حل المسائل مش مشكله لانك هتعرف حلها وتشوف نفسك صح ولاغلط اما اتعود فى حل الامتحانات النهائية انك تراجع كويس وتدى كل مسئلة وقتها 1- اعرف المسئله عايزة ايه 2-حلها بالطريقه اللى انت متعود عليها 3- لو ينفع يعنى تحلها باى طرق تانيه للتأكد يبقى افضل 4- راجع عليها بعد ما تخلص بعد ما تخلص الامتحان راجع مرة واتنين وتلاته المهم اعمل اللى انت عايزه فى الامتحان ولكن متتسرعش وراجع كويس واطلع ااخر واحد من المدرسة كلها  بس شفت الموضوع بسيط ازاى........................  بس قولى انا بقى هل الوقت بيبقى كافى ولا لا بالزات فى المواد الادبيه اصلى ولله الحمد اسرع ايد فيكى يا مصر بتكتب ايدى بطيئة جدااااااا فى الكتابه لو سرعت خطى بيبقى واو...واو.....واو لو الموضوع كدة ابقى........................... 
|
|
#9
30-06-2011, 02:04 AM
|
|||
|
|||
|
قسم الحاسبات الى فى هندسة على حد علمى بيهتم بالهارد وير اكتر
يعنى ازاى تصنع مكونات الجهاز اما لو اهتماماتك برمجة او تصميم مواقع او شبكات ... الخ فاكيد حاسبات ومعلومات هى االانسب ابحث عنها وهتلاقى معلومات اكتررر
|
|
#10
30-06-2011, 10:45 AM
|
|||
|
|||
|
ربنا اكيد عمل كدا عشان تشد حيلك اكتر السنة الجاية عشان يمكن لو مكنتش غلط كدا كت اغتريت بنفسك ومذاكرتك قلت
انا اعرف واحد بئا مش بس غلط نسى سؤال بحاله ودا خلاه يجتهد اكتر بقية الامتحانات وماشاء الله جاب مجموع عالي ودخل طب كمان شد حيلك السنة الجاية واتوكل على الله وخير إن شاء الله واحسن الظن بالله تذكر قول الله في حديثه القدسي (أنا عند ظن عبدي بيي فليظن بي ما شاء)
__________________
الحمدلله الذي هدانا لهذا يقيني بالله يقيني
|
|
#11
01-07-2011, 02:02 PM
|
|||
|
|||
|
كلية حاسبات ومعلومات دي كلية متعلقة بردو بالبرمجة ودا القسم بتاعها ممكن تطلع على المقررات والمناهج بتاعتهم
http://thanwya.com/vb/forumdisplay.php?f=211
|
|
#12
01-07-2011, 03:01 PM
|
||||
|
||||
|
أولاً: ربنا يكرمك في المجموع السنة دي, وأعلم أن الله يحاسب الواحد على قدر جهده, وتعبه, وليس على حلِّه في الامتحان.
ثانياً: أنا أرشح لك كلية الهندسة جامعة القاهرة قسم اتصالات, شعبة Computer Science
__________________
قيل لاحد الخبثاء: كيف تخُرب البلاد. قال اٌخون الحكام وأسُب القضاء واهين الحراس وأُجهل الأراء واُسفه العقلاء واُسرّح السجناء واشجع الغوغاء وانصر الجهلاء.فقيل له: أهناك قوم يقبلون ذلك فى بلادهم.قال لهم: نعم.في بلاد يكثر فيها المنافقين و الجهلاء
|
|
#13
01-07-2011, 03:50 PM
|
||||
|
||||
|
انا عاوزه اقول لحضرتك نفس الحكايه وكل غلطاتي انا عرفاها و كنت مذاكراها كويس
بس منقولش حاجه غير الحمدلله لان اكيد ربنا عارف هو خلاني نعمل كده ليه لان الخير في ده بس منقولش غير انك تراجع كويس قبل ما تطلع من الامتحان
__________________
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 04:40 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
