الى كل من يريد معرفة كيفية حساب ال 3 سنوات

[علاء رشدي]

السلام عليكم ورحمة الله وبركاته
سال احد الاعضاء فى احدى الموضوعات وقال كيف يتم حساب الثلاث سنوات
انا عندى توضيح يمكن يفيد

على حسب معلوماتى هنا فى الشرقيه وانا متابع لان الموضوع دا يهمنى علشان اصحابى وقرايبى
ان ال 3 سنوات بيتحسبوا من اول يوم اقرار قيام بالعمل
يعنى مثلا استلمت العمل 15/9/2007
يبقى ال 3 سنين ينتهو 14/9/ 2010
وفى 14/9/2011 يكون عدى عليك 4 سنوات
طيب افرض مثلا ان انت اشتغلت عقد عادى 2007 و2008 واتحولت مساعد 2009 ايه الى يحصل
عااااااااااااااااااادى خالص برضه يتحسبلك من يوم 15 /9 /2007
ودا الى حصل عندنا فعلا ناس مخدتش المميز الا فى 2009 وشغالين من 2000 و 2001 و2002 ولحد 2008 واسماءهم نزلت فى الكشوفات
بس للاسف محسوب لهم الى قبل 2006 كله محسوبله من 2006 فقط والى بعديها محسوبله من تاريخه يعنى الى 2007 محسوبله من 2007
الخلاصه انهم مش عايزين يحسبوا اكتر من 5 سنوات
يارب اكون افدتكم بشئ

[meslmat]

ششششششكككرررااااااااااا

[أحمد جودة3]

طيب واللى اشتغل من 2002 حتى 2009
بس مش على راس العمل حاليا هيكون موقفه ايه ؟

[مدرس انجليزي 2000]

فعلا اللى اشتغل من 2000 و مش على رأس العمل ؟

[Mr Amrooo]

جزاكم الله خيرا على هذه الافاده

[ايهاب بابا]

بالنسبة لمعلم الحصة

[علاء رشدي]

المشاركة الأصلية كتبت بواسطة أحمد جودة3

طيب واللى اشتغل من 2002 حتى 2009
بس مش على راس العمل حاليا هيكون موقفه ايه ؟

بالنسبة للى اشتغل من 2002 حتى 2009
بس مش على راس العمل حاليا دا مش هينطبق عليه الكلام دا الا بعد كتابة تظلم الى وكيل الوزارة بمحافظته وبعد الموافقه على عودته للعمل يحسب له خمس سنوات خبره فقط وينتفع من قرار التعيين اذا انطبق عليه اهم شرط وهو التربوى

المشاركة الأصلية كتبت بواسطة ايهاب بابا

بالنسبة لمعلم الحصة

بالنسبة لمعلم الحصة اذا تم 3 سنوات فى عمله بالحصه وحصل على مؤهل تربوى يتم تعيينه طبقا للقرار 75 الى اتنفذ عندنا فى الشرقيه

واسف انى اتاخرت فى الرد فقد كنت ابحث لكم واسال اهل الشأن فى الادارة التعليمية والى بيطبقوا القرار فعلا الان عندنا للمتعاقدين والعاملين بالحصه

[الاستاذ محمود حميد]

طيب والي اشتغل سنتين بالحصة من 2007 : 2009
واشتغل سنتين بالعقد من 2009 : 2011
ايه موقفة
مع العلم لم يتم الحصول علي الدبلومة بعد لان الامتحانات شهر 7 ان شاء الله
وهل سيتم تثبيت هؤلاء دون دخول امتحان الكادر
(( وانا هنا اقصد الاخوة الي بالاجر ))

[mohamed alkholany]

انا مش عارف احسبهم لان اقرار القيام بالعمل كان يوم 1/2/2009 والعقد كان لمدة سنتين وقبل انتهاء السنتين يوم 30/6/2010 طلبت الادارة تجديد العقد لمدة سنة اخرى وفعلا جددت وسوف ينتهى مدة العقد يوم 30/6/2011 القادم وبكده اكون عملت عقد سنتين وعقد اخر سنة هل هيجددلنا العقدمرة اخرى ام هنتثبت مع العلم اننى عملت بالاجر قبل التعاقد لمدة خمس سنوات ولم يحسبوا

[المريسي]

بارك الله فيك

[علاء رشدي]

المشاركة الأصلية كتبت بواسطة مدرس علي ما تفرج

طيب والي اشتغل سنتين بالحصة من 2007 : 2009

واشتغل سنتين بالعقد من 2009 : 2011
ايه موقفة
مع العلم لم يتم الحصول علي الدبلومة بعد لان الامتحانات شهر 7 ان شاء الله
وهل سيتم تثبيت هؤلاء دون دخول امتحان الكادر

(( وانا هنا اقصد الاخوة الي بالاجر ))

اللى اشتغل سنتين بالحصة من 2007 : 2009

واشتغل سنتين بالعقد من 2009 : 2011
يحسب له العمل لمدة اربعة اعوام كما حدث فى ادارتنا يعنى اجتاز ال3 سنوات
لكن بالنسبة للدبلوم التربوى اكتفت الادارة بالحصول على ايصال المصاريف وافادة من الكليه بانه يقوم بدراسة الدبلومه بالفعل
اما بالنسبة للكادر فالتعيين اصبح لا يرتبط بالكادر فالقرار الذى تم تنفيذه هنا شمل من دخل الكادر ومن لم يدخل
ولكن من دخل الكادر عندما تظهر النتيجه فسوف ياخذ مرتب اعلى لانه سوف يضاف له الكادر
اما من لم يجتاز او من لم يدخل بعد حتى الان وهم معلمى الحصه او العقد العادى فسوف يحصل مؤقتا على 381 جنيه فقط كراتب الى ان يجتاز الكادر بعد تحديد موعد له

المشاركة الأصلية كتبت بواسطة mohamed alkholany

انا مش عارف احسبهم لان اقرار القيام بالعمل كان يوم 1/2/2009 والعقد كان لمدة سنتين وقبل انتهاء السنتين يوم 30/6/2010 طلبت الادارة تجديد العقد لمدة سنة اخرى وفعلا جددت وسوف ينتهى مدة العقد يوم 30/6/2011 القادم وبكده اكون عملت عقد سنتين وعقد اخر سنة هل هيجددلنا العقدمرة اخرى ام هنتثبت مع العلم اننى عملت بالاجر قبل التعاقد لمدة خمس سنوات ولم يحسبوا

اذا كانت بداية عملك رسميا دون انقطاع هى 2009 فبكدا لم تكتمل الثلاث سنوات
اما اذا عملت خمس سنوان قبلها بالاج او العقد دون انقطاع ( ولا اقصد هنا انقطاع اجازة الصيف ولكن اقصد انقطاع فى الدراسه ) فسوف يتم احتساب خمس سنوات من ال 7 سنوات التى عملتها بالتدريس ان شاء الله
وعموما كله يرجع الى فهم او عدم فهم العاملين بالاداره

[أحمد جودة3]

المشاركة الأصلية كتبت بواسطة علاء رشدي

بالنسبة للى اشتغل من 2002 حتى 2009

بس مش على راس العمل حاليا دا مش هينطبق عليه الكلام دا الا بعد كتابة تظلم الى وكيل الوزارة بمحافظته وبعد الموافقه على عودته للعمل يحسب له خمس سنوات خبره فقط وينتفع من قرار التعيين اذا انطبق عليه اهم شرط وهو التربوى

بالنسبة لمعلم الحصة اذا تم 3 سنوات فى عمله بالحصه وحصل على مؤهل تربوى يتم تعيينه طبقا للقرار 75 الى اتنفذ عندنا فى الشرقيه

واسف انى اتاخرت فى الرد فقد كنت ابحث لكم واسال اهل الشأن فى الادارة التعليمية والى بيطبقوا القرار فعلا الان عندنا للمتعاقدين والعاملين بالحصه

طيب يا استاذنا طالما الموضوع مرتبط بتقديم تظلم لوكيل الوزارة ويا عالم ممكن تتم الموافقة عليه او الرفض
كانوا عملوا حصر لاسماءنا ليه من الاول ؟

[samir1eg]

كلام حضرتك مظبوط. في القليوبية حسبوا الثلاث سنوات من تاريخ 1/2/2008 و ما قبلها, أما بالنسبة للذين ليسوا على رأس العمل و لهم أكثر من ثلاث سنوات فتم أرسال أسمائهم في كشوف منفصلة . و الذين لهم ثلاث سنوات غير متصلة فتم أرسال أسمائهم في كشوف منفصلة أيضا و لا نعلم ما هو موقفهم؟

[علاء رشدي]

المشاركة الأصلية كتبت بواسطة أحمد جودة3

طيب يا استاذنا طالما الموضوع مرتبط بتقديم تظلم لوكيل الوزارة ويا عالم ممكن تتم الموافقة عليه او الرفض
كانوا عملوا حصر لاسماءنا ليه من الاول ؟

عملوا الحصر علشان انت متتعبش نفسك وتقعد تلف عالمكاتب
شافوا ان الافضل انك تقدم فى الادارة التابع لها والاداره تعملهم فى كشف مجمع ويروح المديرية التعليمية وياخد موافقه بس بشرط انه يكون قبض فلوس فعليا اثناء قيامه بالعمل لان فى ناس فبركت الورق ودول اساسا مكنوش بيعملوا هنا وكانوا مسافرين دفعوا لبعض المديرين وعملولهم ورق كل دا بيتراجع كويس والنتيجه قبل شهر 7 ان شاء الله

[eeee]

أرجو من الأستاذ علاء رشدي الرد علي فيما يخص التثبيت الذي تم في محافظة الشرقية لأننا تبع إدارة شرق الزقازيق ولا يوجد عندنا أي أخبار بخصوص التثبيت