أرجو قرأة هذا الكلام للأهميته القصوى لجميع المدرسين

[darsh500]

أدعو جميع المعلمين التظاهر غدا أمام وزارة التربيه والتعليم لكى يتم الغاء كافة الشروط التعسفيه للتعيين والتى منها إختبار الكادر ,icdl لأن هذا إهدار لكرامة المعلم وإهانه له لا يرضى بها جميع المعلمين,وذلك أيضا لأن جميع الموظفين فى المصالح الاخرى يتعينون وتزداد مرتباتهم بدون أى شروط ولا إختبارات فلمذا نحن المعلمين نرضى بذلك

[kkkk22]

يا حلوتك يا جمالك خليت للحلوين ايه اشمعنه انت يعنى على راسك ريشه يعنى ما احنا امتحنا وحصلنا على icdl مش هى دى العداله اللى انتوا عايزينهاولا ايه

[aleman]

ياجماعة قرار الكادر ده ناس كتير مستفيدة منه
خاصة المعلمين المتعيين اللى مرتبهم اتنقل نقلة بسببه

[elsadeem]

انا امتحنت الكادر وحصلت علي icdl وكنت من ضمن المعلمين المساعدين اللي تم تعينهم الا اني موافقة علي الغاء امتحانات الكادر للدافعات الاخري ولباقي المعلمين بعد كدا ،،لازم المعلمين يتعينوا بدون تعسف معاهم وياخدوا الكادر بدون اي اختبارات لان المعلمين لهم كرامة لازم يحافظو عليها

[المعلم الحزين]

محدش يتبع كلامه بلاش اعتصامات كل واحد هياخد حقه بالادب والقانون بلاش اعتصامات صدقوني هتعطلو مصر 100 سنه للخلف

[رائحه الورد]

صح يا جماعه انا كمان امتحنت ونجحت واخدت الicdl لكننى مع الغاء امتحانات الكادر لانه بجد اهانه للمعلم ولازم كلنا نطالب بكده

[بحراوية من دمنهور]

لو حنيجى للحق يبقى التعيين يكون فقط لخريجى كلية التربية لانهم صحاب المهنة فى الاصل واى حد تانى معاه مؤهل غير تربوى ملوش حق المطالبة بالتعيين فى ناس هنا فى المنتدى عايزة تلغى الدبلومة يعنى يدرس للطلبة بمؤهله غير التربوى فقط لاغير ؟ بصراحة التعليم حينصلح حاله لو فى عقليات اوعى وارقى من كدة وان يكون كل شئ فى مكانه الصحيح وياريت الدولة تفتح مجالات للعمل تستوعب كافة التخصصات الاخرى وميكونشى وزارة التربية والتعليم هى الملجأ والملاذ دايما للى ملوش شغلانة وربنا يكرمنا جميعا

[ابو الفاروق]

صعب جدا فى الوقت الحالى يحصل دة

[tatateto]

اقعدوا بقه!!!!!!!!!!!!!!!!!!!!

[ابو الفاروق]

المشاركة الأصلية كتبت بواسطة بحراوية من دمنهور

لو حنيجى للحق يبقى التعيين يكون فقط لخريجى كلية التربية لانهم صحاب المهنة فى الاصل واى حد تانى معاه مؤهل غير تربوى ملوش حق المطالبة بالتعيين فى ناس هنا فى المنتدى عايزة تلغى الدبلومة يعنى يدرس للطلبة بمؤهله غير التربوى فقط لاغير ؟ بصراحة التعليم حينصلح حاله لو فى عقليات اوعى وارقى من كدة وان يكون كل شئ فى مكانه الصحيح وياريت الدولة تفتح مجالات للعمل تستوعب كافة التخصصات الاخرى وميكونشى وزارة التربية والتعليم هى الملجأ والملاذ دايما للى ملوش شغلانة وربنا يكرمنا جميعا

اعتقد ان المؤهل التربوى ليس هو مقياس النجاح او التميز فى مجال مهنة التدريس فخريجى كلية الاداب لهم ميزة الا وهى الدراسة الاكاديمية فى المادة والتى تكون اقوى من خريجى التربية وهى ايضا ليست مقياس للتميز
اعتقد يا زميلتى ان النجاح فى اى مهنة هو مدى اتقان الممتهن لها وحبة للمهنة

كما ان 10 سنوات او 5 كفيلة لاى من خريجى كليات الاداب ان ترسخ عندة المبادء التربوية هذا بجانب قوتة الاكاديمية فى مادة التخصص
كما ان هناك بعض المواد او التخصصات لا يفضل طالب كلية التربية فى التخصص فيها مثلا قسم المكتبات
وبناءا علية يقل عدد الخرجين من كلية التربية فى هذا التخصص فمن اين تأتى الوزارة بأخصائيين للمكتبات
تتبع الاسلوب القديم فى تسكين اى ادارى لادارة المكتبة ويرجع المسمى القديم لها امين المكتبة


كما ان هذه الجملة غير لائقة لتوجيهها لزملائك
وميكونشى وزارة التربية والتعليم هى الملجأ والملاذ دايما للى ملوش شغلانة

[syfsyed]

انا مع الغاء الكادر
ولو التربية والتعليم طالبة مدرسين فى تخصصات مختلفة وعايزة يكونوا تربويين تشترط فى اوراق التقدم الحصول على مؤهل تربوى وده مش صعب الحصول عليه متاح فى كل كليات التربية
ممكن استفسار يا جماعة
هو الاخصائيين جوابات ترشيحهم وتقاريرهم مختلفة عن المدرسين ؟