ممكن اعرف وجهة نظرك (امتحان جبر 2009)

**ممدوح مصطفى الانصارى** · #1 23-05-2009, 10:21 PM

فرصة ان المنتدى
عليه عمالقة فى الرياضيات
فيا ريت
اعرف وجهة نظر
زملائى الكرام
فى
امتحان جبر 2009
واشكر حضراتكم

الاستاذ محمد سرور · #2 24-05-2009, 01:12 AM

لى تعليقان

1)

السؤال الثانىأ والثالث أ
كان ممكن يخلى السؤال الثالث أ بحث اشارة ...بدلا من علاقة الجذور
حيث انه فى السؤال الاول(3) جاب علاقة الجذور

2 ) السؤال الرابع أ

مش عارف ليه حاسس انه بيتفزلك على الطالب....

كان فيها ايه لو كان خلى معامل س =( أ + 1 ) على طول من غير ما يوزعها أس + س

الاستاذ على الدين يحيى · #3 24-05-2009, 12:21 PM

(1) الامتحان أغفل سؤال عن إشارة الدالة
(2) السؤال الثالث الجزء الثانى ( زوايا الارتفاع والانخفاض ) فوق المستوى وكان من الممكن تبسيطه أكثر من ذلك
الامتحان بوجه عام
فى مستوى الطالب المتوسط ويطابق مواصفات الورقة الامتحانية من حيث درجة الصعوبة 15 % للطالب الممتاز
ولكن يبقى تعليق واحد
ما هو مستوى الطلبة فى مدرستكم ؟
فنحن نعلم أننا نضع الامتحان بحيث يكون قريب من المستوى الفعلى لطلبة المدرسة ( وإن كنت شخصياً ضد هذا المبدأ )
فإذا كان المستوى العام أقل من المتوسط فهذا الامتحان سوف يسبب مشاكل من ناحية كثرة الرفع للورق الراسب !!
أما إذا كان المستوى العام متوسط فهذا الامتحان جيد جداً
وقد يكون الهدف منه صحصحة الطلبة لأنهم طول السنة غير مهتمين بالمادة أو أن المدرسين تعودوا على شرح الأجزاء السهلة فقط إعتماداً على إن الامتحانات السابقة سهلة جداً كالعادة وبذلك يكون المدرس صاحب الامتحان أصاب هدفه
وبالنسبة لطريقتنا فى مدرستى
إذا كنت أرغب فى وضع امتحان جيد وعلى مستوى مقبول بصرف النظر عن مستوى طلاب المدرسة فأننى أظل أنبه الزملاء بأن الامتحان ليس سهلاً !! وعليهم التنبيه على الطلاب بأن يذاكروا كل جزئيات المنهج وأن يقوموا بعملهم فى التدريس جيداً وبذلك أكون قد ساهمت فى تطوير العملية التعليمية بحق , وقمت بتغيير سلوكيات سلبية تعودنا عليها
كفاية كدة عشان أنا أكتشفت أنى تكلمت كثيراً جداً . والسلام عليكم

الاستاذ على الدين يحيى · #4 24-05-2009, 12:32 PM

رجعت أتكلم تانى
عايز فقط أحكى لسيادتك قصة قصيرة حدثت معى من كام عام
وضعت امتحان للصف الأول الثانوى على شاكلة الامتحان الذى عرضتموه الآن
وفوجئت بمعارضة شديدة من الزملاء وتقريباً أجمع غالبيتهم على الامتحان صعب !!
وحدث أن النتيجة لم تكن مرضية وقتها رغم ماتم رفعة !!
وقابلت الموجه الأول للرياضيات وطلبت منه رأيه فأجاب : الامتحان صعب !!
فقلت له لماذا ؟ أليس مطابق لمواصفات الورقة الامتحانية من حيث درجة الصعوبة 15 % ؟
فكان رده مفاجأة فعلاً !!!
قال لى : ياعم على درجة الصعوبة أن الطالب يقدر يفك الخط ولا لأة ؟!!!!!!!!!!
ولا تعليق !!

**ممدوح مصطفى الانصارى** · #5 24-05-2009, 06:56 PM

اقتباس:

المشاركة الأصلية كتبت بواسطة الاستاذ محمد سرور

لى تعليقان

1)

السؤال الثانىأ والثالث أ
كان ممكن يخلى السؤال الثالث أ بحث اشارة ...بدلا من علاقة الجذور
حيث انه فى السؤال الاول(3) جاب علاقة الجذور

2 ) السؤال الرابع أ

مش عارف ليه حاسس انه بيتفزلك على الطالب....

كان فيها ايه لو كان خلى معامل س =( أ + 1 ) على طول من غير ما يوزعها أس + س

سعيد جدا بتفاعل حضرتك
والتعليقان
الاول : حضرتك معاك حق 100%
واتفق معاك.
الثانى : موجود نفس الفكرة
تقريبا فى كتاب المدرسة .
وبالتاكيد استفدت من تعليق حضرتك.
شكرا جزيلا وبارك الله فيك.

**ممدوح مصطفى الانصارى** · #6 24-05-2009, 07:22 PM

اقتباس:

المشاركة الأصلية كتبت بواسطة الاستاذ على الدين يحيى

رجعت أتكلم تانى
عايز فقط أحكى لسيادتك قصة قصيرة حدثت معى من كام عام
.................................................. ..
ولا تعليق !!

أستاذى الكريم الفاضل
كم انا سعيد بمشاركة حضرتك
ويا ريت ترجع تتكلم تالت
ورابع وخامس.
لتعم الفائدة
فكلام حضرتك درر وفى الصميم
وملاحظات حضرتك بتجاهل سؤال
عن بحث أشارة الدالة
ملاحظة معاك حق فيها .
وسؤال تطبيق زوايا
الأرتفاع والأنخفاض
صعب نسبيا.
وأحب أطمن حضرتك ان
الامتحان مناسب جدا
لمستوى الطالبات فى مدرستى
لانهن فائقات جدا
والامتحان بالمقارنة بمستواهم
يعتبر سهلا نسبيا .
حالص تحياتى وتقديرى ودعواتى
لاستاذنا الكبير .

الاستاذ محمد سرور · #7 25-05-2009, 10:59 AM

اقتباس:

المشاركة الأصلية كتبت بواسطة أ/ ممدوح مصطفى الانصارى

الثانى : موجود نفس الفكرة
تقريبا فى كتاب المدرسة .
وبالتاكيد استفدت من تعليق حضرتك.

شكرا جزيلا وبارك الله فيك.

انا اقصد استاذى اننى عندما اضع نموذج امتحان فيكون تركيزى الاكبر على وضع سؤال يقيس مستوى الطالب فى المنهج الحالى للتسهيل ليس اكثر

ولكن بناء على كلام حضرتك بان مسوى الطلبة مرتفع
فيبقى السؤال دة طبيعى

وبالنسبة لمستر على وقصصه الظريفة
انا كنت فى الدراسات العليا على خلاف مع دكتورة فى طرق تدريس الرياضيات
هى عايزة نموذج امتحان زى الكتاب ما بيقول
وانا بقولها الواقع حاجة تانية
وكان الفيصل بينا اننا نعمل تجربة واقعية على مجموعة من التلاميذ
وبالفعل قمت بعمل نموذجيين امتحان ....واحد زى ما هى عايزة وواحد زى ما انا عايز

وقسمنا مجموعتين من الطلاب على نفس المستوى
وتم اعطاء كل منهم نموذج مختلف عن الاخر لاجراء الامتحان
الاول فى المجموعة اللى خدد النموذج بتعها جاب 4 من 20

والاخير فى المجموعة بتعتى جاب 16 من 20

بالرغم من انهم مروا بنفس مراحل التعلم وعلى يد نفس المدرس

زمان كانوا بيقولوا عمار يا مصر ..... دلوقتى ممكن اقول خضاااااااار يا مصر

**ممدوح مصطفى الانصارى** · #8 27-05-2009, 08:08 PM

حياكم الله
استاذ/ محمد سرور
فى غاية السعادة
بايجابية حضرتك
المفيدة لى جدا بصفة شخصية
سلمت وسلم مرورك الطيب
وجزاكم الله كل الخير

mr.fakhry · #9 28-05-2009, 08:48 PM

أستاذنا العزيز ممدوح حفظك الله
الإمتحان جميل جداً وأفكاره حلوة ولكن مع طلاب الزمن السابق وسيادتك عارف طلاب اليومين دول عايزين
الإمتحان بالنص من الكتاب وبنفس المعطيات والمطلوب ( وناقص تكتب الحل كمان ) ومش عايزين أفكار جديدة
زمن الرياضيات ولى وراح فين طلبة زمان ؟

**ممدوح مصطفى الانصارى** · #10 29-05-2009, 04:28 AM

اقتباس:

المشاركة الأصلية كتبت بواسطة mr.fakhry

أستاذنا العزيز ممدوح حفظك الله
الإمتحان جميل جداً وأفكاره حلوة ولكن مع طلاب الزمن السابق وسيادتك عارف طلاب اليومين دول عايزين
الإمتحان بالنص من الكتاب وبنفس المعطيات والمطلوب ( وناقص تكتب الحل كمان ) ومش عايزين أفكار جديدة
زمن الرياضيات ولى وراح فين طلبة زمان ؟

اخى الاكبر
الاستاذ/فخرى
شرفت بمرورك الكريم
وننتظر من حضرتك المزيد
من العطاء والتألق
خالص الدعوات لمجهوداتكم
الصادقة فى الاقسام التعليمية

محمد كامل فوده · #11 04-06-2009, 06:18 PM

السلام عليكم ورحمه الله وبركاته

اساتذي العزيز / واخي الاكبر الاستاذ ممدوح

اعتقد ان الامتحان رائع جدا ويقيس مستويات مختلفه وفعلا انا خسرت كتير لاني لم اري هذا الامتحان قبل الامتحانات ، واذا كان لي اعطي درجهه لواضع الامتحان وهو يعني اكبر من كده ولكن يستاهل 100% لانه حاطط امتحان رياضيات موش للطالب اللي حافظ

**ممدوح مصطفى الانصارى** · #12 05-06-2009, 09:05 PM

اقتباس:

المشاركة الأصلية كتبت بواسطة محمد كامل فوده

السلام عليكم ورحمه الله وبركاته

اساتذي العزيز / واخي الاكبر الاستاذ ممدوح

اعتقد ان الامتحان رائع جدا ويقيس مستويات مختلفه وفعلا انا خسرت كتير لاني لم اري هذا الامتحان قبل الامتحانات ، واذا كان لي اعطي درجهه لواضع الامتحان وهو يعني اكبر من كده ولكن يستاهل 100% لانه حاطط امتحان رياضيات موش للطالب اللي حافظ

وعليكم السلام ورحمة الله وبركاته
حياكم الله
استاذى الفاضل الكريم
محمد كامل فودة
وسعيد جدا برأى حضرتك
فى الامتحان
وتفاعل حضرتك
وكل
الزملاء الكرام
يزيدنى طمعا فى كرمكم
ومعرفة رأيكم فى امتحان
الهندسة
دمت بكل خير
وسعادة وعافية