هل تؤيد صداقة الولد بالبنت تحت اى مبرر ؟؟؟

[ahmed doula]

المشاركة الأصلية كتبت بواسطة Dr.Nariman

معنى كلامك يا احمد ان انتا مش بتعمل الغلط خوفا من الناس مش خوف من ربنا ؟!!!

الكلام ده لو اساسا الموضوع غلط فى نظرى ولكن انا براعى الظروف بردو لمنع الشبهات وانتى عارفه ان محدش بيبطل كلام فى البلد دى هههههههه

وبعدين انتو مش حاطين فى بالكو حاجه مهمه اوى بصراحه يعنى محدش يزعل


السوال كان بيقول : هل تؤيد صداقة الولد بالبنت تحت اى مبرر؟؟؟

هل المصود هنا صدقه ام حب؟
هل المقصود هنا المسلمين او المجتمع المصرى او العالم عموما؟
هل كلمه مبرر مضافه الى السوال كده عادى ام ان لها معنى بخصوص السبب للصداقه؟


انا شايف ان السوال عام وبيتكلم على الصداقه زي ما الولد بيصاحب الولد والبنت بتصاحب البنت يعنى هو بيبقى بينهم قصه حب مثلا؟؟

يظهر يا جماعه انكو بالغتو شويه فى فهم معنى السوال وكل واحد على راسه بطحه داخل يحسس عليها هنا!!!

ارجو محدش يزعل منى انا مش بقصد حد معين والله

[THE CodeR]

بعيداً عن كل ما دار
إن كان من ذلك ما يخشي طرفيه ان يراه الناس فهو بالتأكيد عيب
اما ما قد يكون من ذلك تحت اعين الوالدين او اولياء الامر في ماهو جد و جيد فعلي ظني انه ليس فيه شيء
و ده برضه يعتمد علي اطراف العلاقة دي
يعني علي سبيل المثال لو قلنا اخوة اكيد هيكون ليها هدف و مبرر و غاية و تكون تحت عيون اولياء الامر لمتابعة ما قد يحيد منها
اما غير ذلك فبالتأكيد فيه كلام اخر
هذا رأيي والله اعلم

[einstien]

احسن حاجة فى شعب مصر خفه دمة وتدخله فى كل حاجة ملوش فيها يعنى مثلا انا نفسى اللى بيكتب حرام وبشدة يجيبلى تفسير للايه اللى كاتبها مش فارها اوى بس مش هو اللى يفسرها دليل بسيط انما يخشى الله من عباده العلماء (اعتقد كدة صح) خلى حد مدرسش عربى يفسرها انا متاكد انه هيفسرها غلط يا جماعة مهما كانت الايه واضحة مش اى واحد يفسرها هتقولوا اخدان يعنى اصحاب زى ماجت فى العربى بتاع 2 هقولكوا اخدان بمعنى ايه بمعنى اصحاب زى صداقة الولاد وكدة ولا ايه ؟ ثم ان لو الكلام بين الولد والبنت حرام وبشدة خلاص يبقى الكل يلتزم بيه وممنوع كلام فى المحاضرات او المدارس اعتقد كدة الحياه هتقف ومش دايما الولد اللى جه يكلم بنت مش مؤدب ومش دايما بردو الولد اللى مش بيكلم بنات مؤدب ودة خطا لان المجتمع المصرى بطبيعته بيبص للولد اللى واقف مع البنت نظرة غلط طب سؤال ليه بصلهم بصه غلط ؟ لان اللى بصلهم نظرة غلط اصلا تفكيرة خاطىء بس ياريت متشتمش فى اخر الموضوع ومش اى انسان يقول حرام . مشكلتنا كمان حاجة تانيه هل مثلا لو واحد مريض بمرض ممكن يجى واحد ميكانيكى ويشخص مرضة ؟ اكيد لا مع ان دة بيحصل يعنى بس هنقول فى الغالب لا ولا الميكانيكى بيروح يبنى عمارة ويصممها دة مش بيحصل انما اللى بيحصل ان كل واحد بيفتى فى الدين وكان الدين هو شغله اللى ملوش شغله يعنى العاطل يشتغل امام ماهو مسلم بقى وبيفهم فى الدين مع ان مش كل المسلمين بيفهموا فى الدين يا جماعة الدين دة علم زى الفيزياء هى علم ومحتاج علماء كذلك الدين ارجو ان اكون وضحت رايى شكرا

[einstien]

يا جماعة ليه الاستفتاء دة الناس فهمته بشكل غلط ؟ ليه دايما بنفترض سوء النيه ؟ وتعرفوا احلى حاجة ان الغرب بيضحكوا علينا بذكاء كبير وانا والله احترم الغرب فى طريقتهم فى الضحك على العرب يعنى هم من خلال افلامهم فهموا الشباب الصداقة بين الولد والبنت بس بشكل خاطىء بس محبب للنفوس ودة اللى بقى منطبع فينا ان الكلام بين ولد وبنت يقصد بيه حاجة غلط واعترف هم نجحوا فى كدة كمان مثال بتاع كوكب نبيرو دة اعتقد بردو انهم نجحوا انهم يضحكوا على العرب والمصريين بشكل خاص . السنه دى حاز على جائزة نوبل للكيمياء العالم دانيال شيختمان عشان غير مفاهيم الكيميا عن المادة الصلبه ولسه بردو العرب بيفكروا فى علاق الولد بالبنت وناسيين الدول اللى سابقانا بملايين السنين واهو اسرائيل اللى الكل بيشتم فيها اخدت جائزة نوبل وعلى فكرة السنه اللى فاتت واحدة من اسرائيل خدت جائزة نوبل فى الكيميا بردو يعنى اسرائيل من الدول المتصدرة جائزة نوبل واحنا هنا معندناش غير دكتور زويلودكتور مشرفة والاديب الكبير نجيب محفوظ والدكتور مصطفى السيد ودكتور عصام حجى وفارق الباز يتعدوا على الاصابع انما لو سالتى واحد امريكى او المانى هيعد يذكر فى اسماء علماء لا حصر لهم ودة بسبب الثقافة الغلط اللى ارسلها المجتمع الغربى للعرب خاصة مصر يعنى لو واحد راح يصلى الناس تتريق وتقول هو انت عامل فيها شيخ ؟ معنى كدة ان اللى يصلى فى نظر الناس برتكب غلط ؟ فى النهايه احب اقول لما حد يشوف الولد والبنت اللى بيتكلموا مع بعض دول فى اطار (غلط) انصحوهم بدل مانشتمهم لعلم يهتدوا وعلى فكرة الاستفتاء فى الموضوع دة بقى كتييييير اوى يعنى شاغل بالنا على الاخر . يعنى هو دة اللى شاغل بالنا دايما ومحيرنا ؟؟؟؟؟؟؟؟؟

[only one]

المشاركة الأصلية كتبت بواسطة highlight

بصوا يا جماعة ...ودا راى طبعا
الصداقة اللى هى بين البنت والولد على اساس انهم (boy friend & girl friend)
دا اللى انا ضده ضده ضده تماااااااااااااااااما و بشدة.....ومفيش حاجة اسمها صحوبية بين البنت والولد
ولو الحكاية انهم مثلا زمايل دراسة او فى الجامعة او كده
انا مش هقول بردو انى معاه......بس يعنى...اهو مفيش منه ضرر
كلمتين على السريع بنهم فى محاضرة ولا حاجة عايز الكشكول...عايزة الكشكول.... وخلاص
(مع ان دا بردو ممكن مع الوقت يزيد....فا ياريت الحذر)
فا للاسف مش هقدر احط استطلاع

صح كده