ملتقى طلاب الصف الثالث الثانوى (علمى علوم) 2014

[NeVeR CoMe BacK]

المشاركة الأصلية كتبت بواسطة LOuly K.

السلام عليكم ورحمة الله وبركاته ،
وعليكم السلام ورحمة الله وبركاته .. اخيرا دخلتى

وحشتوني أوي ،
مع إني حاسه إن كل حاجه معالمها اتغيرت
ومعظم الأشخاص اللي كانوا بيدخلوا قللوا دخولهم وما شاء الله ناس جديدة إنضمت..

بس من ضمن الناس اللي انا تحديدا داخله علشانهم ..
دكتورة ميادة .. Never Come Back
ربنا يكرمك تحت امرك
داخله أشكرك والله وارد عليكي رد بس متأخر أوي ..
بس الحمد لله بعد ما اتعالجت ..
أينعم جلسات العلاج مع الدكتور كانت بتطول
بس الحسد ساب عندي أثر نفسي كان لازم يتعالج ..

انا حاسه ان عندي امل .. بغض النظر عن اني مذاكرتش حاجه طول السنه
بس انا هذاكر علشان علشان حاجه واحده بس ..
أولا هعمل اللي عليا وده نصيب ..
وكمان حاجه تانيه أقنعت نفسي بيها إني مش لازم أفضل في القمة علي طول
والحاجه الأهم إني مش عاوزة أعيد تاني نفس الموال ده تاني السنه الجايه، مش هقدر!
ومش هخلص! ومش هخرج كده من السنه دي خالص ..
ف الحمد لله الذي لا يُحمد علي مكروه سواه ..
الحمد لله .. ان شاء الله هتبقي ف القمة برده قولي يارب س انا أفتكرت حاجه صحيح مهمه جدا عاوزة أخد رأيك فيها ..

أنا لما إبتديت اروح الدروس ، رجعت لقيت كل مدرس بقي يدي حصتين ف الأسبوع!
يعني تقريباً بقيت أنزل حوالي 13 مرة ف الأسبوع!!!
كتير فعلا
فضلت مستحمله لحد ما خلصوا المنهج وخلااااص كده مش فاضل ليا حاجه غير
الشابتر الأخير ف الإنجليزي ..

أنا بقي عاوزة أقعد في بيتنا علشان أذاكر عدل ! دي آخر فرصه
و التنطيط في الدروس ده مقرف جدا انا والله فيه أيام بنزل فيها 8 الصبح برجع 8 بليل
ف بالتالي برجع أناااااااااااام ومش بذاكر كلمة وأصحي الصبح تاني يوم والله بلبس نفس الهدوم
بتاعه إمبارح ده لأني حتي مش لاحقه أطلع حاجه جديدة ألبسها من ضيق الوقت
تقريبا كده مش بذاكر حاجه!!
بصي عصفورر ف اليد خير من عشرة علا الشجرة لو شايفة انك هتحصلي اكتر لما تقعدى ف البيت يبقا توكلي ع الله واقعدى ويعنى الحاجات اللى بيقولوها ف الدرس ممكن تيجي اه ف الامتحان بس بردو اللى هيجي بنسبة اكتر اللى انتى هتزاكريه من الكتاب
قررت إني أقعد من كل المراجعات بس كل المدرسين تقريباً إعترفوا
إن فيه حاجات هتبقي جديدة تتقال لأول مرة ف المراجعه " وطبعا إنتي فاهمه ليه "
علشان نفضل نروح لحد آخر يوم!
توكلي ع الله واللى شايفاه هيريح نفسيتك اعمليه ومتفكريش بقا ف اللى هيحصل والوسوسة تبدأ وكده انتى هترتاحى وهتركزى اكتر لما تقعدى ف البيت خلاص اعملي كده بس حاولى بقا متضيعيش وفت وانتى ف البيت استغلي بقا كل دقيقة عشان تبقا افضل من زمايلك اللى ف الدروس والله هتبقي احسن منهم صدقينى
بس انا توكلت علي الله وقولت انا هعمل اللي عليا ومش كله موجود في الكتب؟
ايوة طبعا كلو موجود ف الكتب ولو فيه افكار المدرسين هيقولوها و قعدتى تنخورى ف الكتب هتلاقيها موجودة والله اصل المدرس ده مش مرجع هو بس بيختصرلكو وقت البحث عالحاجة وكده انما لو دورتى ف كل حاجة هتلاقي كل حاجة موجودة وانتى وشطارتك بقا
أقكار إيه يعني اللي هتبقي جديده! هتوكل علي الله وخلاص وهخاطر حتي لو هتبقي مجازفه
خلاص تمام كده صح
بس انا مش هقعد من الفيزيا والأحياء والجيولوجيا .. والكيميا المستر بيجيلي البيت ف كده كده
مش بنزل .. يعني رتبت أموري اني هنزل يومين ف الأسبوع بس ..
تمام اوى

مش هروح فرنساوي ، إنجليزي ، عربي ..
اللغات عامة ممكن تعتمدى ع نفسك بس تزاكري القواعد كويس وتحلي عليها كتير وخلاص هتلاقي كلو اتظبط ان شاء الله والعربي حلى فيه كل يوم قطعتين نحو ع اخر السنة هتلاقي النحو ده بقا لعبتك حلي وصححي لنفسك من الاجابات وكده كل مرة هتغلطى فيها هتكتشفي معلومة جديدة وهتبقي افضل وهكذا ف الانجلش والفرنساوى يعنى اهم حاجة الحل الكتير ولازم طبعا تحلي امتحانات حتى لو مش مخلصة المنهج حلى امتحانات وشوفي اجابتها وكده هتلاقي المنهج كلو فجأة بقا متجمع ف دماغك بصي الاحياء حليلها امتحانات فاينال والسؤال اللى مش فكراه ارجعي للفصل وزاكري اجابة السؤال ده بسس مش الفصل كلو وهكذا كل يوم بقا هتلاقي الاحياء فجأة اتجمعت فدماغك والله هى مش هتيجي الا بكده
بس العربي عاملي ذعرررررررر ، علشان أولا طووووويل
ولسه معرفش حاجه ف الأدب
ومراجعه العربي 5 ساعات!! مين يقدر يستحمل 5 ساعات ف درس!!!!
والسبب الرئيسي إني قعدت إن البنات اللي مع المستر كلهم تبعه معاه من اول السنه
واخدين علي نظامه ، وعلي شرحه ، وعلي الورق اللي بياخدوه منه
أما انا ف جايه ع المراجعه بس ..
هما بيسمعوا وانا بفضل قاعده بحس اني تايهه حتي لو مذاكره
الصيغه غير الصيغه وحاجات جديدة غريبه بيقولها واسئله صعبه!
انا والدتي مدرسه عربي ثانوي وقالتلي الأسئله المبالغ فيها دي مش بتيجي
العربي بيجي سهل جداااااااااا وكل البنات تقريبا بتحل حلو .. وبيبان ف التصحيح
ده الاضواء جميل جدا يابنتى سيبك بلا مزكرة بلا بتاع هو انا مكنتش بزاكر م الاضواء كنت بزاكر م الرسالة صراحة لكن الاضواء كان معايا مكنتش بحب ازاكر منو لأنو طويل وبيشرح كتير يقوم المدرس ده يقولك انو مختصر لا هو كويس لو هتقدري تزاكرى منه دنا شايفة انو كبير عالمزاكرة كمان بصي العربي ف البلاغة والقراءة والنصوص وكده محتاجين لكككك كتير طبعا هتكتبي الاجابة الصح مش لك اى كلام وخلاص لكن مثلا انتى فكرة جزء من الاجابة وناسية الجزء التانى عاااادى جدا اكتبي اللى فكراه والباقي اشتغلي بقا تأليف بس يكون ف صلب الموضوع نفسه هتاخدى الدرجة كااااااااااملة ولا حد هيقدر يعمل حاجة بس اهم حاجة تتكلمى ف محور الموضوع يعنى مهوش قرآن عشان تأجبي الاجابة بالنص اصل فيه كذا كتاب ف العربي وكل كتاب جايب كلام مختلف عن التانى فغصب عنك نموزج الاجابة هيبقا مختلف شوية بردو عن اجابتك والمصحح عارف ان الطلبة بتزاكر من كتب مختلفة فانتى بقا ارغي كتير متسيبيش مكان الاجابة فاضي وخلاص وهتاخدى الددرجة ولا حد يقدر يقولك تلت التلاتة كام .. بس طبعا النحو يختلف مينفعش ترغي فيه عشان كده بقا بقولك ركزى اوى عالنحو كل يوم اعملي ورد كده واجب تحلي قطعتين او تلاتة نحو كتابة با او شفوي لو شفوى هتلاقي نفسك بتحلي بالخمسة وكمان ف اجابة النحو اخر السنة لو شاكة ف حاجة اعملي حل اااااااااااخر مش تعملي اجابة واحدة انا كنت بعمل بالاجابتين والتلاتة ووصلت لأربعة كمان حطى كل حاجة تيجي ع بالك بس طبعا الاجابة الى متأكدة منها بنسبة اكبر تحطيها الاول وكده ف كل المواد ع فكرة اعملي اكتر من اجابة بحيث تضمنى الدرجة هينقذك جامد الموضوع ده
انا بروح هناك بجد بتدمر ولما بيسألني بتذاكري منين بقوله من كتاب الأضواء
اللي طول عمررررررررري بذاكر منه من اول اولي إعدادي وعمري ف حياتي ما خدت درس عربي
وعمري ف حياتي ما نقصت فيه اكتر من النص درجه بتاعت التعبير وساعات كنت باخدها كامله كمان!

يقولي لأ الأضواء مش بيجيب كل حاجه انا بجيب ف الورق حاجات مش موجوده ف الكتب
وارجع اصور ورق آآآآآآآآآآآآآآآآآآآآآآد كده واتشتت واسيبه بردو واذاكر من الأضواء تاني بالإضافه اني
بحل من كتاب الإمتحان .. ف قولت خلاص عليا وعلي كتاب المدرسه وهذاكر مع نفسي علشان
أخلص وكمان الاقي وقت احفظ فيه الأدب اللي راعبني ده ..
بصي هو الادب ده رخم كده وبيتنسي دايما انا كنت بنساه والله ولحد يوم الامتحان الصبح كنت ببص عليه احس انى بشوفه لأول مرة فانتى زاكرى فيه ولو نسيتى عادى متقلقيش قبل الامتحان هتفتكرى ان شاء الله

تفتكري العربي فيه أفكار تستاهل اني اروح اقعد 5 ساعات علشانها! لا كتير اوى ال5 ساعات دول لو ليكي واحدة صحبتك فيه ابقي اتصلي عليها كل فترة كده اسأليها ايه المهم وكده لكن المدرس ده بيرهقوا كده ليه يابنتى سيبك منه
مع العلم ان ساعات بسمع حاجات جديدة بس انا بقول دايما اللي يذاكر بيلاقي كل حاجه..
طبيعي انك هتسمعي كلام لأول مرة بس فعلا المزاكرة افضل وهتكتشفي كل حاجة وانتى بتزاكرى والله
ولا اروح كل المراجعات علشان مهمه ولا اعمل إيه؟ أنا طولت عليكي جدا جدا جدا انا عارفه :$
بس ده من ثقتي فيكي وفي رأيك والله .. وبشكرك لتاني مره علي كلامك ليا قبل كده

بحبك في الله والله ♥ ..

وانا كمان بحبك في الله
اعملي اللى قلبك يقولك عليه واللى نفسيتك تستريحلو وسيبك من الوسوسة دى
زاكرى كتير هتكتشفي كل حاجة المدرس بيقولها والله عن ثقة وتجربة ومتخافيش
ربنا معاكى