|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
|
|
#1
31-03-2014, 11:31 AM
|
|||
|
|||
السلام عليكم ورحمة الله وبركاته ،
وحشتوني أوي ، مع إني حاسه إن كل حاجه معالمها اتغيرت ومعظم الأشخاص اللي كانوا بيدخلوا قللوا دخولهم وما شاء الله ناس جديدة إنضمت.. بس من ضمن الناس اللي انا تحديدا داخله علشانهم .. دكتورة ميادة .. Never Come Back داخله أشكرك والله وارد عليكي رد بس متأخر أوي .. بس الحمد لله بعد ما اتعالجت .. أينعم جلسات العلاج مع الدكتور كانت بتطول بس الحسد ساب عندي أثر نفسي كان لازم يتعالج .. انا حاسه ان عندي امل .. بغض النظر عن اني مذاكرتش حاجه طول السنه بس انا هذاكر علشان علشان حاجه واحده بس .. أولا هعمل اللي عليا وده نصيب .. وكمان حاجه تانيه أقنعت نفسي بيها إني مش لازم أفضل في القمة علي طول والحاجه الأهم إني مش عاوزة أعيد تاني نفس الموال ده تاني السنه الجايه، مش هقدر! ومش هخلص! ومش هخرج كده من السنه دي خالص .. ف الحمد لله الذي لا يُحمد علي مكروه سواه .. بس انا أفتكرت حاجه صحيح مهمه جدا عاوزة أخد رأيك فيها .. أنا لما إبتديت اروح الدروس ، رجعت لقيت كل مدرس بقي يدي حصتين ف الأسبوع! يعني تقريباً بقيت أنزل حوالي 13 مرة ف الأسبوع!!! فضلت مستحمله لحد ما خلصوا المنهج وخلااااص كده مش فاضل ليا حاجه غير الشابتر الأخير ف الإنجليزي .. أنا بقي عاوزة أقعد في بيتنا علشان أذاكر عدل ! دي آخر فرصه و التنطيط في الدروس ده مقرف جدا انا والله فيه أيام بنزل فيها 8 الصبح برجع 8 بليل ف بالتالي برجع أناااااااااااام ومش بذاكر كلمة وأصحي الصبح تاني يوم والله بلبس نفس الهدوم بتاعه إمبارح ده لأني حتي مش لاحقه أطلع حاجه جديدة ألبسها من ضيق الوقت تقريبا كده مش بذاكر حاجه!! قررت إني أقعد من كل المراجعات بس كل المدرسين تقريباً إعترفوا إن فيه حاجات هتبقي جديدة تتقال لأول مرة ف المراجعه " وطبعا إنتي فاهمه ليه " علشان نفضل نروح لحد آخر يوم! بس انا توكلت علي الله وقولت انا هعمل اللي عليا ومش كله موجود في الكتب؟ أقكار إيه يعني اللي هتبقي جديده! هتوكل علي الله وخلاص وهخاطر حتي لو هتبقي مجازفه بس انا مش هقعد من الفيزيا والأحياء والجيولوجيا .. والكيميا المستر بيجيلي البيت ف كده كده مش بنزل .. يعني رتبت أموري اني هنزل يومين ف الأسبوع بس .. مش هروح فرنساوي ، إنجليزي ، عربي .. بس العربي عاملي ذعرررررررر ، علشان أولا طووووويل ولسه معرفش حاجه ف الأدب ومراجعه العربي 5 ساعات!! مين يقدر يستحمل 5 ساعات ف درس!!!! والسبب الرئيسي إني قعدت إن البنات اللي مع المستر كلهم تبعه معاه من اول السنه واخدين علي نظامه ، وعلي شرحه ، وعلي الورق اللي بياخدوه منه أما انا ف جايه ع المراجعه بس .. هما بيسمعوا وانا بفضل قاعده بحس اني تايهه حتي لو مذاكره الصيغه غير الصيغه وحاجات جديدة غريبه بيقولها واسئله صعبه! انا والدتي مدرسه عربي ثانوي وقالتلي الأسئله المبالغ فيها دي مش بتيجي العربي بيجي سهل جداااااااااا وكل البنات تقريبا بتحل حلو .. وبيبان ف التصحيح انا بروح هناك بجد بتدمر ولما بيسألني بتذاكري منين بقوله من كتاب الأضواء اللي طول عمررررررررري بذاكر منه من اول اولي إعدادي وعمري ف حياتي ما خدت درس عربي وعمري ف حياتي ما نقصت فيه اكتر من النص درجه بتاعت التعبير وساعات كنت باخدها كامله كمان! يقولي لأ الأضواء مش بيجيب كل حاجه انا بجيب ف الورق حاجات مش موجوده ف الكتب وارجع اصور ورق آآآآآآآآآآآآآآآآآآآآآآد كده واتشتت واسيبه بردو واذاكر من الأضواء تاني بالإضافه اني بحل من كتاب الإمتحان .. ف قولت خلاص عليا وعلي كتاب المدرسه وهذاكر مع نفسي علشان أخلص وكمان الاقي وقت احفظ فيه الأدب اللي راعبني ده .. تفتكري العربي فيه أفكار تستاهل اني اروح اقعد 5 ساعات علشانها! مع العلم ان ساعات بسمع حاجات جديدة بس انا بقول دايما اللي يذاكر بيلاقي كل حاجه.. ولا اروح كل المراجعات علشان مهمه ولا اعمل إيه؟ أنا طولت عليكي جدا جدا جدا انا عارفه :$ بس ده من ثقتي فيكي وفي رأيك والله .. وبشكرك لتاني مره علي كلامك ليا قبل كده بحبك في الله والله ♥ .. 
|
|
#2
31-03-2014, 01:06 PM
|
||||
|
||||
|
اقتباس:
اعملي اللى قلبك يقولك عليه واللى نفسيتك تستريحلو وسيبك من الوسوسة دى  زاكرى كتير هتكتشفي كل حاجة المدرس بيقولها والله عن ثقة وتجربة ومتخافيش  ربنا معاكى
__________________
[I][B]
ساعات بشتاق ليوم عشته وانا صغير ،،، لشكلي قبل ماتغير ،،،، لأيام فيها راحة البال عشان كنا ساعتها ~عيال~ ،،، ~~ ما أعظم أن تكون غائبا حاضرا علي أن تكون حاضرا غائب !! ...~~
|
س انا أفتكرت حاجه صحيح مهمه جدا عاوزة أخد رأيك فيها ..
بصي العربي ف البلاغة والقراءة والنصوص وكده محتاجين لكككك كتير طبعا هتكتبي الاجابة الصح مش لك اى كلام وخلاص لكن مثلا انتى فكرة جزء من الاجابة وناسية الجزء التانى عاااادى جدا اكتبي اللى فكراه والباقي اشتغلي بقا تأليف بس يكون ف صلب الموضوع نفسه هتاخدى الدرجة كااااااااااملة ولا حد هيقدر يعمل حاجة بس اهم حاجة تتكلمى ف محور الموضوع يعنى مهوش قرآن عشان تأجبي الاجابة بالنص اصل فيه كذا كتاب ف العربي وكل كتاب جايب كلام مختلف عن التانى فغصب عنك نموزج الاجابة هيبقا مختلف شوية بردو عن اجابتك والمصحح عارف ان الطلبة بتزاكر من كتب مختلفة فانتى بقا ارغي كتير متسيبيش مكان الاجابة فاضي وخلاص وهتاخدى الددرجة ولا حد يقدر يقولك تلت التلاتة كام .. بس طبعا النحو يختلف مينفعش ترغي فيه عشان كده بقا بقولك ركزى اوى عالنحو كل يوم اعملي ورد كده واجب تحلي قطعتين او تلاتة نحو كتابة با او شفوي لو شفوى هتلاقي نفسك بتحلي بالخمسة 
فانتى زاكرى فيه ولو نسيتى عادى متقلقيش قبل الامتحان هتفتكرى ان شاء الله |
#3
31-03-2014, 06:04 PM
|
||||
|
||||
|
اقتباس:
ربنا يوفقك يا حبيبتي يا رب
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 11:55 PM.
