فضفضة واحد مجهول

[هتـــلر]

ضحيت بوقتى و صحتى و نزلت بكل حماس و قعدت اتخطى كل العقبات و نجحت بجدارة انى امر بين العربيات السريعه من غير اى اصابات و تسلقت الكوبرى بكل قوة و حماس واصرار و قعدت امشى بكل ثبات و عزيمة و هدف واحد فى دماغى و امشى وامشى و الناس تبصلى باستغراب و انا مركز ومش مهتم و مسمحتش لحد انه يعطلنى عن هدفى و قعدت امشى و امشى وامشى وكلى اصرار و مسمحتش لاى حد انه يعطلنى عن هدفى العظيم


و بعد رحلة طويله من الاصرار و تخطى العقبات

نجحت انى اوصل لهدفى الكبير اوى بتاع النهارده

و اول ما وصلت حسيت بقشعريرة كبيره و فرحة غامره و كل الجماهير قعدت تصقف

و طلعت الفلوس و اشتريت طبق بسبوووووووووووووووووسه بكل سلاسه و سرعه
و بجد انا مستمتع بتحقيق هدفى



و نصيحه لاى حد حط هدف ادامك و اوعى تتردد و متسمحش لاى حد يشدك ورا مهما كان و اديكو شفتو قصتى اد ايه مؤثرة و اد ايه تعبت بس استحملت و كملت و مهمتمش لاى مشتت او اى صعوبات



ركز على هدفكك و اسعى وراه و ان شاء الله هتحققه
وبجد انا مش قارد اوصفلكم احساسى بعد ما حققت هدفى و اد ايه كان طعمه لذييييييذ و ممتع

اتمنى اكون حفزتكم اكتر