اقتباس:
المشاركة الأصلية كتبت بواسطة هتـــلر
اتعلمت من الرياضه انى مستخفش باقل حاجه موجوده عندى و استغل كل صغيره وكبيره و يبقى عندى صبر و ابدأ بالبسيط و اطلع ع المعقد و مبدأش بالمعقد و ان كل حاجه ليها قانون لو التزمت بيه هتستريح لو ملتزمتش بيه هتفضل محتار و مش مستريح و هتتعب نفسك و انى ابسط المشاكل و احاول اديها حجمها المناسب و ان يكون عندى قوة ملاحظه و انى الاهم اعرف المغزى مش اخلص القصه و خلاص و انى احاول مره واتنين وتلاته و يبقى عندى اصرار و عزيمه
من الاخر الرياضه اكتر من مجرد ماده
انا كنت بعشق الاحياء اووووى و كان نفسى اكون دكتور مخ و اعصاب بس الرياضه بتطورنى بشكل كبير و بستفيد منها اكتر فى نواحى كتير
و لازم بجد كل الناس تذاكر رياضه طووول حياتها مش مجرد سنين التعليم بس
و مش لازم تكون متخصص فيها عشان تذاكرها
و انا كمان مش عاوز اتخصص فى حاجه رياضه بسس عشان بحب التنوع و الاختلاف مش اسطمبة واحده وبس
انا عارف كل الكليات بتدرس حاجات معينه و متخصصه اوى بس فيه كليات متخصصه اوى اوى زى اقسام العلوم كلها و انا مش شايف نفسى هقدر اكون عالم عشان انا مقتنع تماماً انى كان لازم ابتدى المسيره من سن صغير اوى و اخلص موسوعات كتير و يكون عندى فضول قوى فى الحاجات ديه عشان اقدر اعمل حاجه
|
والله زيي يبني أنا بعشق الرياضة دي جدا وبحب الامتحان يجيي صعب عشان اقعد افكر يمين وشمال لدرجة أنا كنت وانا صغير بحاول اكتشف قوانين جديدة في الضرب والقسمة واقعد اجرب طرق كتير وكنت كمان إما أكون زهقان اطلع علي السطوح واضرب واقسم ارقام كبيرة في دماغي من غير ورقة وقلم وكده بس أنا كان نفسي ان ادخل كلية قسم رياضة بس (اللي هيا علوم قسم رياضة) بس طبعا أي واحد في ثانوي بيكون هدفه أكبر من كلية علوم فدخلت علمي علوم علي أساس ان أنا بحب الأحياء بعد الرياضة وكمان مجالات علوم في نظري أحلي يلا ربنا يوفقنا
24-12-2013, 07:52 PM
العرض المتطور
