من طلاب ثانية الى طلاب اولى ارجو المساعدة

[Nourshan Magdy]

السﻻم عليكم انا ان شاء الله رايحة سنة تالتة علمى علوم حبيت اشاركم الموضوع
طبعا اول حاجة عﻻقتك بربك ﻻزم تصلى وتقرا قران ﻻزم تقرب من ربنا
تانى حاجة سنة تانية ديه نقل وكتير ممكن يستخف بيها لكن هى مهمة جدا زى سنة تالتة بالظبط ﻻزم تكون عارف كده ومتستهرش وتذاكر كويس ﻻن ديه الاساس خﻻص لعبت شوية فى سنة اولى بس تانية سهلة للى بيذاكر
احلى مافيها الصراحة انك لو كنت علمى انك اتخلصت من المواد الادبى انا عن نفسى كنت مش بحب الجغرافيا بحب الخرايط اكييد واحب اعرف ايه الاماكن ديه وطبيعة الناس ايه لكن الارقام الى كانت فيها كاانت كتير ومملة اووى
اول حاجة نبتدى بيها العربى ده بقى فى ناس كتير بتتظلم فيه بص من البداية كده شوف مدرس قوى وبيعمل امتحانات وخد معاه ﻻن اهم ما فى العربى هو البﻻغة والنحو بجد ركزوا فيهم جدا ﻻنك هتﻻقيهم تانى فى سنة تالتة فﻻزم تكون متاسس كويس وحل فيهم كتير يعنى هيجرى ايه لوكل يوم حليت قطعة نحو وبﻻغة وﻻ هيضيع من وقتك ابدا وفى سنة تانية كفاية اصﻻ كتاب واحد فى كل مادة انا كان معايا الاضواء بس كان اكتر من جزء ومشتتنى هو كويس بس غيرت وجبت الامتحان حلو وشارح النحو بطريقة حلوة بجد مع امثلة وتدريبات وفى تدريبات نحو كمان كتير بيكونح اطط ليه تدريبات متجاوبة وفى النصوص والقراءة متناولها بطريقة حلوة فده هيكون كويس لسنة تانية من وجهة نظرى
تانى مادة الانجليزى برده ﻻزم بقى تشتغل كويس مع المدرس بتاعك وتحل على كل درس وتحفظ كلمات ﻻزم تخرج من سنة تانية معاك كم كلمات وياخى مش علشان الثانوية العامة اللغة كويسة وبتفيد بعد كده انا كنت بجيب فيه ذا بست كان حلو وفى صحابى كانوا جايبين سينيور برده ممتاز
الفرنساوى لو كنت مختاره فهو سهل بس بتاع تانية مختلف عن اولى بتاع اولى كان تافه لكن تانية محتاج شغل شوية وانا كنت جايبة كتاب ميرسىكان تحفة فى الشرح وفى الاخر عامل مراجعة حلوة اوووى اما الالمانى فهو تافه فى تانية اﻻ بس كان فى شوية بيشتكوا من حفظ مواضيع عن الحضارات
الكيمياء كتاب الامتحان فيها حلوو حل منه ومش هيخرج الامتحان منه بس الكيمياء محتاجة مدرس شاطر يحببك فيها فحاول تدور على واحد ممتاز علشان تكمل معاه فى تالتة
الفيزياء برده كانت لذيذة واحسن كتاب فى المواد العلمية عموما الامتحان بس بامانة الفيزياء محتاجة شغل شوية خاصة فى جزئية عن ارشميدس ديه تقيلة حبتين فركز فيها اوى وهى بتتشرح واسال لو اى حاجة مش فاهمها واهم حاجة تحل فيها كتييير
الاحياء لذيذة برده بس مختلفة عن بتاعة اولى تماما محتادة تركيز وحل كتير وتذاكرها اول باول علشان لو سبتها هتتراكم عليك ومش هتعرف تلمها بعدين عن اى مادة علمية
الميكانيكا كانت حلوة والله احسن كتاب فيها المعاصر شرحه فيها حلو ومسائله والاهم من ده كله كتاب المدرسة فى المادة ديه بالذات والله حلووو اوووى وده الى الامتحان مش بيخرج منه بجد يعنى اهتم بيه اوووى وحله كله هى الميكانيكا قسمين استاتيكا وديناميكا الاتنين سهلين وهتستمتعوا وانتوا بتذاكروهم او تحلوا فيهم بس يمكن الديناميكا هى الى فيها شوية من الفيزياء فاكرين قوانين الحركة التﻻتة الى اخدتوهم فى فيزياء اولى هتﻻقيهم وقانون الجاذبية
اما الرياضة مش فيها هندسة فيها جبر وتفاضل ومثلثات وصراحة اسهل فرع فيهم التفاضل وصغير كده والمثلثات برده صغير بس محتاج تحل عليه كتير وتهتم بالفرع ده ﻻنك لو داخل علمى رياضة هيفيدك اما الجبر كان اطبر فرع ومحتاج حل كتيير برده
اتمنى اكون فدتكم ولو بجزء صغير ومن اول السنة اهه خلى عﻻقتك كويسة بالمدرسين علشان اعمال السنة واساله دايما ولو فى حاجة مش فاهمها قوله
والصراحة الى كان بيضيع وقتى هو المدرسة وخصوصا كمان مينفعش اغيب ﻻن الغياب عليه درجات من اعمال السنة
فحاول تستغل يومين الاجازة بتوعك بقى مذاكرة صح وحل ﻻنك فى الايام العادية هيبقى فى مدرسة ودروس بعديها اهم حاجة ذاكر حتى لو جزء صغير علشان ميتراكمش عليك
ربنا يوفقنا كلنا يااارب