|
من طلاب ثانية الى طلاب اولى ارجو المساعدة
يا جماعة يا ريت اللى خلصوا تانية يدخلو وينصحو اللى داخلينها لسه ارجو من اللى جرب طرق مذاكرة يعنى وفادته يدخل ويقدمها بجد احنا محتاجين مساعدة لان المنهج جديد واكيد مش بنتعلم الا من اللى مثلنا ولذلك يا ريت تساعدونا ونجيب كتب ايه فى المواد وكل مادة محتاجة فهم ولا حفظ لو سمحتم حد يفهمنا حاججةةةةةةةةةةة
|
انا خلصت تانية ورايح تالتة وهنصحك بحاجات انا كنت مقصر فيها للاسف بس نجحت الحمد لله
اولا اوعى تهمل اى مادة او تركن حاجة عشان هتيجى تتوتر للاخر وخد السنة دى بروفة للسنة الجاية يعنى شوف مستواك فى الرياضة وزاكرها حلو وشوف مستواك فى الاحياء واحفظ الاحياء وبلاش تركنها عشان هى طويلة حبتين بس طبعا لازم تكون فاهم اللى بتحفظه والا مش هيثبت فى دماغك وفى الفيزياء حاول تحل عليه مساءل كتير من كتاب الامتحان لان اسئلة امتحان اخر السنة مش بتخرج منه واحفظ طبعا القوانين والاثباتات والتعريفات وفى الكيمياء كذالك ذاكر المعادلات والتعريفات وحل عليها والكيمياء بالذات اوعى تركن منها اى درس عشان فيها معادلات وكده بس طبعا فى الاول والاخر ده نص منهج الثانوية فهو برده ميعتبرش طويل اوى جنبه ومتخفش السنة دى سهلة جدا ومش هتحس بيها ثانيا بالنسبة للكتب فى الاحياء والكيمياء والفيزياء كتاب الامتحان لا يعلى عليها فى مسائل كتيرة ومهمة والامتحان مش بيخرج منه وفى العربى انا كان معايا كتاب الاضواء وهو حلو جدا و3 او 4 اجزاء وفيه التدريبات كلها وفى ناس بتقول كتاب الرسالة حلو برضه وفى الانجليزى كتاب ذا بست حلو جدا ومليان اسئلة وفى الرياضة انا كنت بشتغل من كتاب الماهر حلو وطريقته لذيذة وفى مسائل كتيرة ومهمة والامتحان عندنا كان جاى من مسائل حلتها فى الماهر وفيه كتاب المعاصر بيقولوا حلو برضه وفر الفرنساوى كتاب برافو رقم واحد جميل جدا وفيه كتاب ميرسى وجينيال حلوة برضه اتمنى اكون افدتكم ومتقلقوش سنة تانية عادية خالص والمناهج مش معقدة ولا حاجة :) |
و بالنسبة للميكانيكا طناش يعنى
|
اقتباس:
الميكانيكا مش هتبقى سهلة غير لو حليت عليها كتير لان رسوماتها كتيرة شوية فلازم تواظب على حل كتير وهى جزأين استاتيكا وديناميكا الاستاتيكا كلها رسومات لو عرفت ترسمها صح حل المسألة بيبقى سهل وهى مفيهاش افكار كتير يعنى لو انت فهمت فكرة كل رسمة وحليت عليها بتبقى تافهة جدا بعد كده الديناميكا وده الجزء المختلط بين الرياضة والفيزياء ومسائلها زى الفيزياء جدا وهى اصعب من الاستاتيكا دى برضه هتاخدوا فيها كذا قانون تحفظهم كويس وتبدأ تحل مسائلها ودى محتاجة تركيز شديد وحل كتير والامتحان مش هيخرج من الافكار اللى حليت عليها بالنسبة للكتاب انا كنت بستعمل كتاب اسمه 100% بس كان فيه غلطات كتير ومكنتش بحبه بصراحة بس ناس كتير جربت المعاصر وبتقول عليه حلو |
طيب شكرا بجد بس ايه نظام المذاكرة يعنى بجدول ولا عادى ولا ايه
|
انا كنت بذاكر عادى بصحى بدرى اذاكر مجاش فى دماغى موضوع الجدول غير فى اخر السنة وهعمله فى تالتة السنة الجاية ان شاء الله فلو انت عاوز تعمله فى تانية برضه يبقى حلو وينظملك وقتك بس تحط فيه وقت لكل حاجة مش المذاكرة بس وتخلى راحة بين كل فترة والتانية ربع ساعة حتى لو مش عاوز ضغط السنة دى براحتك
|
طب و هو فى الميكانيكا اثباتات زى الفيزياء
|
و بعدين ليه كل سنة لما اجى اعمل جدول مش بعرف امشى عليه طول السنة و اقعد اغيره كل شوية لغاية
اما ازهق و الغيه خالص |
ايوة فعلا انا داخلة 2 برضه
و محتاجة حد يقولى نصائح كثير |
اقتباس:
و هو اصلا فكرة فاشلة بجد اصل لو عندك امتحان مثلا كيمياء و احياء و لقيت الجدول فى مواد غير دى هتمشى على الجدول ولا هذاكر اللى هتمتحن فيه ؟؟؟؟؟؟؟؟؟ مفيش احسن من المذاكرة اول باول وراء المدرس الدرس اللى يتاخد يتذاكر فى نفس اليوم هو دة الصح بس للاسف احنا اللى مش بنعمل كدة :blush::blush: و المنهج يتراكم علينا و نفكر اننا نعمل جدول و يفشل برضه بس من اول سنه 2 يا انا يا المذاكرة :stickjo4: |
لا انا كنت فى الحالة دى بذاكر المادة و الغى حصة منها فى الاسبوع
بس بردوا احسن نظام لقيته انى اذاكرحسب الطلب يعنى اشوف انا متأخر فى ايه و اذاكره بشرط الا اهمل مادة |
اقتباس:
صح كدة المحتاج مذاكرة يتذاكر بذات كمان انى فى مواد بتكون عايزة مذاكرة كثيرة و مجهود صحيح هو احنا هناخد لحد فين فى الكيمياء و الاحياء و الفيزياء يعنى لحد الفصول الكام ؟؟؟؟؟ |
اقتباس:
الاحياء 13 فصل هناخد حتى السادس"الهرمونات" الفيزياء 15 فصل هناخد حتى السابع الميكانيكا6 فصول |
بالنسبة للميكانيكا
3 استاتيكا 3 ديناميكا |
هو صحيح الكلام اللى بيقولو ان العام القادم مش هيبقى فى قصص انجليزى
|
| جميع الأوقات بتوقيت GMT +2. الساعة الآن 03:07 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.