طالبه في تانيه اسنان تحت امركم للي عايزا اي استفسار بشان الكليه

[ماما ميا ميا]

المشاركة الأصلية كتبت بواسطة طالبة حالمة

أنا ناوية ادخل ان شاء الله أسنان
بس كنت عايزة أعرف هل تعرفى نماذج عالمية من أطباء الاسنان
يعنى مين دكتور أسنان عالمى ممكن اخده نموذج اقتدى به اصل انا خايفة ادخلها لانى مش لاقيه ادامى نموذج طبيب اسنان عالمى بس مثلا فى طب فى دكتور مجدى يعقوب ولو دخلت صيدلة فى أحمد زويل فى الكيمياء فكنت عايزة اعرف منك هو في فى أسنان مين ؟
وهل فى مجال للابداع والاكتشاف فى طب أسنان ولا لا يعنى مثلا فى صيدلة فى مجال لاختراع دواء مثلا
عايزة اعرف بقى ايه هى مجالات الابداع فى طب أسنان
معلش ع الاطالة بس بجد نفسى ما اتخرجش واشتغل وبس واطبق اللى بادرسه وبس
عايزة مثلا اكتشف حاجة او ابتدع حاجة فى مجال طب أسنان
وشكرا

علي فكره احمد زويل مش خريج صيدله احمد زويل خريج علوووم اما عن طب الاسنان بصي احنا اسمنا جراحه الفم و الاسنان كل التخصصات عندنا فيها بحث علمي زي مجال زراعه الاسنان و الاستعاضه الصناعيه و الحشو طب الاسنان علي فكره من اكتر العلوم اللي بتتقدم بسرعه لدرجه دلوقتي في ناس بتعمل تركيبات من اسنان طبيعيه يعني بتحشي باسنان طبيعيه ده غير ابحاث الاستعاضه اللي بيعملوا فيها عينين و ودن زي الحقيقي بالضبط و ده تبع قسم الاستعاضه معرفش دكاتره مصريين عالميين بصراحه بس اساتذتنا اغلبهم درسوا برا مصر و انا عارفه انو ملهاش علاقه بس علاء الاسواني و مصطفي النجار طبيب اسنان

[طالبة حالمة]

المشاركة الأصلية كتبت بواسطة ماما ميا ميا

علي فكره احمد زويل مش خريج صيدله احمد زويل خريج علوووم اما عن طب الاسنان بصي احنا اسمنا جراحه الفم و الاسنان كل التخصصات عندنا فيها بحث علمي زي مجال زراعه الاسنان و الاستعاضه الصناعيه و الحشو طب الاسنان علي فكره من اكتر العلوم اللي بتتقدم بسرعه لدرجه دلوقتي في ناس بتعمل تركيبات من اسنان طبيعيه يعني بتحشي باسنان طبيعيه ده غير ابحاث الاستعاضه اللي بيعملوا فيها عينين و ودن زي الحقيقي بالضبط و ده تبع قسم الاستعاضه معرفش دكاتره مصريين عالميين بصراحه بس اساتذتنا اغلبهم درسوا برا مصر و انا عارفه انو ملهاش علاقه بس علاء الاسواني و مصطفي النجار طبيب اسنان

انا عارفة طبعا ان احمد زويل خريج علوم انا اقصد هو مثلا اكتشف حاجة جديدة والدكتور يعقوب مثلا اول من زرع قلب هل ينفع فى اسنان مجال للاكتشاف او الابتكار؟ ولا احنا بنطبق بس
طب ماتعرفيش طبيب اسنان عالمى معروف ومش لازم يكون مصرى
وشكرا ليكى