اكمل علوم ولا احول رياضه

[rana rory]

فعلا قدر الله و ماشاء فعل بس المراجعه مهمه يعنى انا 3.5 انجليزى ظلم و 2.5 عربى ظلم

[Hager Adel]

شيدى حيلك وحققى حلمك
كملى علوم

[Engineer ..]

المشاركة الأصلية كتبت بواسطة rana rory

امين يارب هو حضرتك دكتور ولا مهندس ؟؟؟؟؟؟؟؟؟؟؟؟؟؟؟؟

لأ أنا في كلية هندسة لسه

[Engineer ..]

المشاركة الأصلية كتبت بواسطة GHOST_LioNeL AndRes MesS

انتى ان شاء الله صيدلة ما تخفيش خالص مجموعك ما شاء الله ساندك وهتجيبي ولعلمك رياضة 2 اصعب كتير من احياء وانا والله كان نفسى فى صيدلة جدابس قدر الله وما شاء فعل انتى بس استعينى بالله وكملى و ان شاء الله تجيبيها انا اصلا كنت بردو فى 2 وربنا موفقنيش وجبت 92% وضعت خلاص بس والله انا حاسس انى اتظلمت فى 2.5 درجة فى الفرنساوى انا كنت الفمروض اقفل بس خلاص وملحوظة بلاش تراجعى لانها زى عدمها

ربنا يوفقك ان شاء الله
أنا عايز أعقب على نقطة واحده
رياضة 2 أسهل 1000000 مرة من الأحياء
بس شكرااااااااا

[rana rory]

لا ناس كتير بتقول رياضه 2 اصعب كتير لان ممكن يجيب افكار للمسائل اول مره تشوفها
لكن الاحياء اللى درسته هتلاقيه مفيش جديد

[دودو 95]

المشاركة الأصلية كتبت بواسطة rana rory

لا ناس كتير بتقول رياضه 2 اصعب كتير لان ممكن يجيب افكار للمسائل اول مره تشوفها
لكن الاحياء اللى درسته هتلاقيه مفيش جديد

عملتى تظلم ولالا؟؟؟؟

[rana rory]

لا لسه انا بابا متردد لان ابن صاحبه السنه اللى فاتت كان ليه 12 درجه كيميا و ماخدهومش فى الاخر
عشان كده متردد انا هقنعه و انشاء الله هعمل تظلم

[بنت الأزهـر]

رنون أولا ألف مبروك لى النجاح.

ثانيا روحي اعملي تظلم. اخويا كان اقل من مجموعك ب0.2 % وبرضه ناقص في الانجليزي وعملنا تظلم كان سؤال القصة quotation وبيسأل أيمن فين؟ أخويا كتب في العناية المركزة. والنموذج بيقول في المستشفي والمدرس المصحح عامل الاجابة غلط! طبعا انا كتبت له ملاحظاتي في التصحيح هي يعني العناية المركزة فين أليست في المستشفى؟
كمان لقينا أخويا حل سؤال صح ف القطعة وعملوه غلط. والparagrapg منقصه مع انه كاتب حلو جدا.
كتبت له كل الملاحظات دي وطلعنا بدرجة.
والحمد لله في 3 اجتهد وقفل بالمستوى وبرض كشفنا على الفيزياء أخدنا نص درجة والحمد لله جاب يدوب 97% دخل بهم صيدلة.

شدي حيلك واقنعي بابا يالتظلم طالما متأكد من إجابتك واحكيله قصة اخويا.
والله النصف درجة بتفرق.

وربنا يوفقك لكل خير.

[rana rory]

الله يبارك فيكى وانا ان شاء الله بعد تشجيع حضرتك هعمل التظلم

[Dr.Nariman]

بصي يا نونة ياجميلة

مجموعك ماشاء الله كويس كملي علمي علوم وشدي حيلك جامد فيه واحد كان جايبت 95في2 وجاب 98ف3 وكدا مجموعه ماشاء الله بقا 97
انتي شدي حيلك بس وبعدين الفستان للي يلبسك ميدخلش غيرك يعني متحكميش بكلام غيرك
شوفي ايه الاسهل ليكي

ونصيحة إذا هتاخدي احياء
احفظي المادة حفظ والرسمات تذاكريها اول باول ماتكسليش فيها خالث مالث

وبالتوفيق يارب

انا كمان جايبة 95.16 % ومكملة علمي علوم ان شاء الله والمستوى الرفيع هيعوض الخسارة دي بإذن الله

ماتنسيناش من دعائك بئا

[rana rory]

ربنا يوفقك ان شاء الله و يوفق كل طالب

[falcon2011]

انتى لو مستعدة بجد
ومصممة ادخلى علوم
بس لو انت ممكن تحبى الهندسة ادخلى هندسة
بس رايى
انتى اعملى الى عليكى وصلى ركعتين استخارة
وان شاء الله هيوفقك

[rana rory]

ان شاء الله انا اللى مشجعنى لعلوم اكتر انى بحب الاحياء جدا و بحب الرياضه بس الاحياء اكتر