مع السلامة يا باش مهندس

[222ahmed222]

المشاركة الأصلية كتبت بواسطة dr.mohamed taha

السلام عليكم يا شباب
انا كنت قولت لدكتورة تغريد تعمل الموضوع ده من التيرم اللي فات
وبجد هي شخصية غاية في الأدب وبتسمع الكلام يعني
مع اللي حصل منها في الموضوع ... هددتني بالنفخ أكتر من مرة وانا احترمت فرق الشهر اللي بينا
لكن الظاهر كده ان الموضوع اتكرر تاني
يلا انا هطيييييييييير شوية وارجع باذن الله على 20/4 باذن الله
بس نصيحة لطلاب الثانوية العامة
شهرين = مستقبل
والحدق يفهم
على فكرة أقسم بالله في شهر 5 كنت بتمنى السنة ترجع تاني عشان مضيعش ثانية من المذاكرة
انت معاك وقت كبييييييييييييييييييير لسه
والله هتقدر تخلص بسرعة وتحفظ بسرعة
انت طالب ذكي انت عقلك حلو جداً وبتفهم والله
خلي عندك ثقة بنفسك
خلي عندك أمل في الله
خلي عندك ايمان بالله
إن الله لا يضيع أجر من أحسن عملا
دا اسلوب توكيد من الله وهو الذي لا يحتاج لتأكيد كلامه سبحانه فبيده كل شئ وهو خالق كل شئ
بالله عليك مضيعش وقت عشان تفرح طول عمرك بدل ما تدخل حاجه انت مش عايزها وتعيش حياتك مضايق
طب لو مش مصدقني أنا مضطر أقول عشان تصدقني
اللي بكلمك دلوقتي ده اللي هو أنا يعني
عارفين الحكاية دي ولا لأ ؟
عموماً عمره ما تخيل نفسه انه في هندسة ولا كان عايزها أصلاً بس الحمد لله على كل حال خير وبركة
لكن مازلت بتعلم طب
اللي عايز يصدق يصدق براحته ... بس انا طول عمري شايف نفسي طبيب
لكن
ربنا أراد شئ تاني خااااااااالص وهو مجال الهندسة والحمد لله الذي هدانا لهذا وما كنا لنهتدي لولا أن هدانا الله
الشاهد من كلامي : انفخ نفسك واعصر شجرة لمون على نفسك قبل ما تدوق المرار الطاااافح
وفي الختام أذكرك بأن الله قال : وقال ربكم ادعوني أستجب لكم ..

______________________
ياريت يا جماعة اللي عايز اي حاجه مني دلوقتي يقولي أنا مستني شوية أهوه
دعواتكم
وسلمولي على اللي مش حاضر
سلام عليكم ورحمة الله وبركاته :*

اها
دلوقتي
ظهر الحق وزهق الباطل إنّ الباطل كان زهوقا
هههههههههههههههه باش مهندسنا الكبير انا مستنيك هنا ف الكليه
لما تتخرج وتبقى معيد إن شاء الله قد الدنيا تعالى اشرحلي المواد اللي انا بدرسها دي بقى عشان تعبت
بس ياريت متتأخرش