كفانا سلبية

[ningooooo]

المشاركة الأصلية كتبت بواسطة alaasamir27

دعوة للتظاهر :
أدعو كل الاخوة المعلمين للتظاهر يوم الاثنين القادم 25/7/2011 أمام وزارة التربية والتعليم بالقاهرة تضامنا مع المعلمين المعتصمين هناك منذ الثلاثاء الماضى ولم يسألهم أحد فى الوزارة ما هى مطالبكم ؟!!.. بل يمنعونهم حتى من أن يملئوا زجاجة مياه من داخل الوزارة فى حين أن هناك كلاب من الشارع تدخل وتخرج ولا يعارضها أحد .
ولأننا الفئة الوحيدة التى لم تتظاهر بمطالب فئوية فقد استثنونا من هيكل الأجور الجديد بحجة أننا نأخذ كادر بما يعنى أن عم محمد العامل ح يوصل مرتبه 700 جنيه وأنا بعد 17 سنة (ومرحلتين كادر ) مرتبى 800 جنيه .
مطالبنا فى مظاهرة الاثنين ليست مادية فقط ومن هذه المطالب ما يلى :
1- الارتقاء بالمعلم ماديا و أدبيا و معنويا .
2- أن يكون وزير التربية والتعليم تربويا متخصصاً وليس محامياً أو مهندسا أو طبيب أطفال .
3- عمل خطة شاملة لإصلاح التعليم وخاصة التعليم الابتدائى وأن تنفذ هذه الخطة ويلتزم بها أى وزير قادم .
4- أن يكون هناك نظام تأمين صحى ( محترم ) خاص بالمعلم وأسرته مثل بقية النقابات ( الشرطة والمهندسين و المحامين والعاملين بالقطاع الخاص ...... )
5- أن يعامل المعلم معاملة خاصة فى المطارات والفنادق ووسائل المواصلات .... إلخ ..
6- أن يتم إعفاء أبناء المعلمين من المصروفات المدرسية .
ليست هذه هى كل المطالب ولكن هذه بعضها .. فمن يريد أى مطالب أخرى فليكتبها وليأتى يوم الإثنين للمطالبة بها وكفانا سلبية حتى لا نشارك فى إهدار حقوقنا التى لم نأخذها طوال العقود الماضية .
أخى المعلم لا تأتى بمفردك ولكن مع أصدقائك لكى يكون هناك أكبر عدد ممكن لكى يعرفون مدى قوة المعلمين . .. وليتحمل كل منا مسئوليته نحو تحسين التعليم وأحوال المعلم فى مصرنا الحبيبة .

علاء الدين سمير
معلم أول اللغة الانجليزية
أبوحماد - شرقية

انا مع حضرتك بالمطالب دي بس مش المفروض كل واحد يبدأ بنفسه يبقي كل معلم يحترم مهنته و مدرسته و طالبه و يتوقف عن الدروس الخصوصية التي افسدت التعليم في مصر

[x_hunter2008]

المشاركة الأصلية كتبت بواسطة ningooooo

انا مع حضرتك بالمطالب دي بس مش المفروض كل واحد يبدأ بنفسه يبقي كل معلم يحترم مهنته و مدرسته و طالبه و يتوقف عن الدروس الخصوصية التي افسدت التعليم في مصر

كلامك مظبوط وسليم جدا يا اخ ningoooo !!!!! وخصوصا حكااية الدروس الخاصة دى بس انا الصراحة عاذر المدرسين فى الحتة دى نظرا للتدنى الشديد فى مرتباتهم وحقوقهم لاكن اول مياخدوا حقوقهم كاملة متكاملة ومرتباتهم تعلى لازم ينزل قرار بوقف الدروس الخصوصية نهائيا وكمان لازم يهتموا بكلية التربية اكتر ده الطلبة دلوقتى بقوا بيفهموا اكتر من المدرسين ساعات (طبعا مش فى كل الحالات) مع احترامى للجميع

[لوجين20]

كلامك مظبوط ياستاذ علاء بس مع احترامى مش وقته

البلد بتنهار ومافيش حد حاسس بيها
خلينا كمعلمين افاضل واصحاب رسالة نقول

مصر اولا وفوق الجميع

مطالبنا الفئوية نقدر نجيبها فى اى وقت تانى
وبطرق كتير واكثر شرعية
وهاتجيب اثر كمان وصوتها هايسمع
زى الاضراب عن العمل فى بداية الدراسة

ده فى حال تحسن احوال البلد وعدم الاهتمام بمطالب المعلمين

احنا اكبر من اننا نعطل عجلة الانتاج وندمر بلدنا فى الوقت اللى بنقول فيه
لك الله يامصر
ادو فرصة للبلد تتنفس
حرام علينا مصر

انا مش عايزة حد ادنى ولا زفت انا عايزة البلد تستقر