انا اعانى

[عمرو دياب 22]

انا اعانى واتعب كثيرا بسبب قصر قامتى حيث طولى 142 سم وانا طالع اولى ثانوية واواجه السخرية من قصر قامتى



ماذا افعل

[ayah25]

تجتهد وتثبت للناس ان قصر القامة مش عيب لانه خلق الله وتكون متفوق انا اعرف واحد مثلك وماشاء الله عليه هيدخل طب عقبالك

[soosoo_kotp2000]

اما تروح ثانوى وبعد كدا تروح جامعه ان شاء الله هتلاقى ناس اقصر منك صدقنى

وبعدين القصر مش حاجه عيب او حرام

وده خلق ربنا

لو عايز تتطول يعنى ممكن تلعب العقله

[Asa7be Wawa]

يا سيدى ديه خلقه ربنا خليك واثق من نفسك و متسمعش لحد اللى يترق يترق محدش له عندك حاجه

[ThèGôldènBôy]

انا اعرف ناس كتير طولهم زيك كدة بس اية شخصيتهم قوية جدااا ومحبوبين حاول تكون زيهم

وانا كنت بلعب عكلة زاد طولي من 160 الي 172 مش عارف دلوقتي كام

[Mouslima]

ياعم قول الحمدلله انك مش اعمى ولا اخرس

بعدين ذاكر واثبت نفسك
والله انا اعرف واحده وجابت 98%

ذاكر وان شاء الله تجيب 100%

[تغريد الطيور]

لالالالا ما تقلقش ابدا لازمـ اول حاجة تقوى ثقتكـ بنفسكـ و تقرا كتب الثقة بالنفس للدكتور ابراهيمـ الفقى ..

و ذاكر و اجتهد و جيب مجموع عالى و توكل على ربنا و ماتنساش الدعاء ف الصلاة ان ربنا يعينكـ و ان شاء الله هايعينكـ اذا احسنت العمل لان ربنا قال ( ان الله لا يضيع اجر من احسن عملا )

و هاتلاقى اصحابكـ اللى كانوا بتريقوا عليكـ عايزين يصاحبوكـ بأى طريقة ..

لانكـ استعنت بربنا لان من فقد الله فماذا وجد ؟؟؟؟؟ و من وجد الله فماذا فقد ؟؟؟؟

ارجوا ان حضرتكـ استفدت من كلامى ..

[سما 94]

أولا ربنا يوفقك

ثانيا قصر القامة مش عيب ده خلق ربنا وله حكمه فيه كمان فى ناس كتير مفضلوش على نفس الطول ده

وخاصة الأولاد

وخلى ثقتك بنفسك كبيره ولا يهمك رأى الناس

لأنك لو انتبهت لهم مش هتتحرك خطوة من مكانك

وخليك مع ربنا يا عمرو هيعوضك كتييييييييييييير

[ayaatef]

قصر القامة مش عيب ده خلق ربنا وله حكمه اكيد في كدة
وخلى ثقتك بنفسك كبيره ولا يهمك من الناس

في ناس اقصر من كدة بكتر اووي واللهي وناس صحابي واللهي وعادي خلاص مافيش مشكلة عندة

اهم حاجة ثقق في الله وخلي امانك بي ربنا كبير اووي
تحياتي

[sad nono]

السلام عليكم ،،

قصر القامة حاجة مش عيب او حرام بالعكس حاجة عادية جداا
وعلفكرة مش حد يضحك يبقا بيتمسخر يعني ممكن يكون بيهزر معاك
وكمان لسا يعني طولك موقفش ولسا بتطول اصلا على حسب انك داخل اولى ثانوي ،،

نصيحة : قول الحمد الله ولا تضع الموضوع ببالك ،

والسلام عليكم

[hatemT]

أكيد كلكم سمعتوا عنه.
للي مش عارفه/ الدكتور الفقي باختصار من افضل محاضري العالم في مجال التنمية البشرية"معاه ييجي 30 ماجستير ومش عارف كام دكتوراه آه والله بجد من الآخر راجل مالوش حل. ماله بقى الدكتور الفقي؟!!!!!! وكان قصير زيك كده
كان بيدي محاضرة في جامعة مونتريال بكندا"وللعلم الفقي بيتكلم العربية, والانجليزية, والفرنسية بطلاقة" المهم... في واحد سأله قاله يا دكتور أنت قصير كده ليه"وهو كان رفيع كمان يعني الـ2" شوف رد الدكتور عليه:
قاله لما اتكلم هتعرف أنا طويل قوي قد ايه!!!!!!!
باختصار شديد: الإنسان مش بالطول ولا بالبدانة, لأ , ولكن الإنسان بشخصيته ووضعه العلمي, والاجتماعي بين الناس.
ربنا يوفقك

[Dr.Nariman]

ذاكر واجتهد واثبت نفسك
العبرة مش بالطول ابداااااااااا


وسيبك من كلام الناس اللي لبيودي ولا بيجيب

[Dr.Nariman]

واهم حاجة قول الحمدلله