شاركونى الراى

[waleedabu]

رايح تانية ثانوى علمى المهم
انى الحمد لله متفوق وبطلع من الاوائل
لكن المشكلة انى عمرى ما مسكت كتاب اذاكر الا ايام الامتحانات اذا قعدت على كتاب ساعة يبقى انجاز بالنسبالى لانى بمل بسرعة مع العلم انى بحب الدراسة لدرجة انى بروح المدرسة فى الاجازة بس مش بحب اذاكر وداخل على تانية
مش عارف اعمل اية ساعدونى

[..: Pink rose :..]

الحل هو 1)قوة الارادة
2) تنظيم الوقت
3) تخلي عندك هدف واضح قدامك وكل ماتحس بملل افتكر انك لو مش ذاكرت مش حتوصل لهدفك
4) تخيل لحظة النجاح و ظهور النتايج وقد ايه حتبسط الي حواليك وقد ايه حتكون فرحتك
5) انسى الي فات واعرف ان السنين الي فاتت كوم( مش مقياس) و السنتين دول كوم تاني خالص
6) اعمل الي عليك وتذكر قول الله تعالى ( ان الله لا يضيع اجر من احسن عملا) واعرف ان كل ثانية تقضيها بطلب العلم مأجور عليها من عند الله
7) ابتعد عن الذنوب والمعاصي و اذكر الله دائما تجده معك و حافظ على الصلاة
8) استعيذ بالله من الشيطان لان حالتك دي من وسوسة الشيطان واعرف ان مفيش حاجة مستحيلة بالارادة و التصميم تتحقق باذن الله
و اخيرا انصحك بقول الدعاء ده عند الانتهاء من المذاكرةاللهم أني استودعتك ما قرأت و ما حفظت و ما تعلمت فرده عند حاجتي اليه ،
انك على كل شيء قدير ، حسبنا الله و نعم الوكيل )

[Dr.Nariman]

خلي هدفك دافع ليك للمذاكرة
شوف بئا انتا عايز تبقى ايه مهندس ولا دكتور ولا دكتور صيدلاني انتا وهدفك

وتوكل على الله