المراه الان

[BaNZeR]

إن أبغض الحلال عند الله الطلاق فكيف بالخلع !!!


انتوا عارفين الحركة ده بتقتل حاجات كتير بين الازواج

اول حاجة ببقى انا خايف من مراتي ومش عايز ابض لقدام لإني متوقع إنها ممكن تخلعني

جايز واحد يوقع بيننا اوالشيطان يزينلها حاجات وهي متستحملش وتفهم الموضوع غلط تروح تخلع على طول



مبقاش في تفكير مدروس قبل الزواج وجلسات مطولة في الخطوبة
منا ممكن اجربه ونعيش مع بعض سنتين منفعش اخلعه واشوف غيره


مينفعش الزوجين ميبقاش بينهم مشاكل (مشاكل بسيطة طبعاً) وإلا مش حيفهموا بعض ابداً
لأنه مفيش اتنين اصحاب عمرهم ماتخانقوا او اتعارضوا في وجهة نظر

فإذا كان قانون الخلع مطبق بين الزوجين فمع أول اعتراض تقوله (انت مخلوع بالتلاتة:abdoog8




وبعدين خليكوا واقعيين شوية
بتقولوا بتبص ليه للجانب السلبي وسايب الايجابي
الايجابي دده قلة قليلة جداً من الناس الغير متحضرة اللى بتعذب زوجاتها
لكن دلوقتي الزوجات مبقوش زي ايام زمان

شفتوا الاحصائيات
كان في الاهرام قريتها مرة قالك مع صباح كل يوم بيكون فيه 5 مصريين مخلوعين كل يوم

5 في اليوم !!!!!!
يعني افتراق 10 ازواج
هل معقول الكم الرهيب ده بيعذبوا زوجاتهم ولا الزوجات اللى بتتدلع ؟؟؟؟؟؟؟؟؟؟

خليكوا واقعيين وبلاش الكلام النظري الكتير

القانون ده في الاسلام خاطئ
وإلا يبقى احنا من ايام الصحابة واحنا كنا محرمين حاجة في الاسلام اسمها الخلع

حتى لو كان في خلع أيام الرسول عليه الصلاة والسلام فده كان خلع محدد وبضوابط معينه

الموضوع ده مش وجهة نظر
ده حقائق ووقائع هامة

وانا شايف إنه سلبيات القانون ده تعدت حاجز ايجابياته بمراحل

واعتقد المسلسلات والافلام مصورة الحاجات ده تمام