هو مفيش حاجة اسمها علوم حاسب؟؟؟؟؟؟

[أسير الغربة]

بسم الله الرحمن الرحيم

هو انا بس عندي سؤال صغير
هو ليه مفيش حد حاطط اي اعتبار لعلوم الحاسب الآلي

أنا خريج علوم حاسب

وهنا مش لاقي اي حد جايب سيرتها

دا غير ان بتوع هندسة يقولونا انتوا ولا حاجة واحنا الاصل
وبتوع حاسبات يقولو لا احنا بتوع الكمبيوتر و انتو والا بتفهموا حاجة

وبتوع هندسة عندهم نقابة
وبتوع حاسبات عندهم جمعية و هيعملولهم نقابة

وكل الناس مش معترفة فينا

مش هقول ان احنا بندرس اكتر منهم و الا بنفهم اكتر منهم
بس احنا خريجين علوم حاسب وفاهمين يعني ايه برمجة و يعني ايه شبكات و كل واحد اتخرج ابدع ف مجاله

ليه التهميش دا ؟؟؟؟؟

[H.H.KH]

ايه ده حاجة غريبة؟؟؟!!!!!!!!!.........ده انا بسمع انه قسم جامد والخريجين منه بيكونوا زى هندسة .........وانا لسة فى سنة اولى وكنت ناوية انى مش هادخل قسم غيره ان شاء الله.......انت كدة قلقتنى منه !!!! بس ممكن اعرف هو انت كنت بتدرس ايه فيه؟ لان فيه بنات في القسم ده قالو لى ان الأول كانو بيدرسو فيه الفيجوال بيزيك عشان كدة ما كانو بيعترفو بيهم اوى .....ودلوقتى اتغير وبقى يدرسوا حاجات اقوى ((قالت لى على برامج كدة مش فاكرة ايه هى بس كان منهم _java))......بس هو انت صحيح لقيت شغل ؟؟

[محمد.فوكس]

بص يا معلم .. اولا موضوع ان بتوع هندسة و حاسبات و معلومات بيقولوا احنا بنفهم اكتر منكم ده لانهم اصلا مش عارفين انت درست ايه..هم بيقولو كده و خلاص.. زي ما برضه بين هندسة بيقولو لحاسبات كده برضه .. يعني من الآخر ما عدوك الا ابن كارك..لازم هيقولو كده .. بالنسبةنقطة ان محدش بيجيب سيرة القسم ده في المنتدى فده لان معظم اللي هنا علمي علوم بيولوجي يعني ملهومش قسم حاسب حسب المنطق لان الحاسب مليان رياضة بس في جامعات ممكن يدخل فيها علمي علوم حاسب بس انا في جامعتي لأ.. و في برضه رياضة بس لسه في اولى او لسه ما اتخصصوش بسبس في كتير من اللي معايا في اولى في الكلية و في المنتدى عايزين يدخلوا حاسب و ده هدف كتير اوي من اللي دخلوا علوم زي الكيميا كده.. بس الحكاية كلها ان في ناس متعرفش ان كلية العلوم فيها قسم حاسب آلي و ميعرفوش بيدرسوا فيها ايه او بيفتكروا انهم بيبقوا زي المعاهد و انا هقول شوية حاجات من اللي بيدرسوها في قسم الحاسب في كلية العلوم اكيد انت عارفها يا معلم بس عشان اللي ميعرفش و كمان الناس اللي بيقولو ان علوم حاسب مش بيفهموا و مش متخصصين.. و انا جايبها من دليل الكلية بتاع 2006 ..
سنة تالتة اللي هي اول سنة تخصص بالنسبة للشعبة الخاصة اللي هي اكتر تخصص في الحاسب الآلي:-برمجة الحاسب و نظم الحاسب-رياضيات متقطعة-معادلات تفاضلية-طرق حسابية في الرياضيات التطبيقية-طرق احصائية-بحوث العمليات(1)-تراكيب البيانات-تطبيقات الحاسب الآلي-عمارة الحاسب الآلي-تحليل عددي(1)-طرق الرياضيات التطبيقية-تراكيب البيانات-برمجة متقدمة و نظم التشغيل-تصميم المترجمات و اساليب المحاكاة و تحليل عددي(2)-نظم و قواعد البيانات و الخوارزميات-الذكاء الاصطناعي و النظم الخبيرة-رسومات الحاسب و البرمجة بلغة التجميع نظرية الحسابات
و حاجات تانية .. اكيد انت تعرف اكتر لانك درستها..بس يعني مش فاجول بيزيك ولا حاجة اهو
و واضح من العناوين دي ان خريجوا علوم الحاسب تخصصهم اكثر في البرمجة و السوفت وير مش الهاردوير و الاجزاء المادية لكن ما يمنعش ان في معلومات عن عمارة الحاسب الآلي و انت كده المفروض يبقى اسم مبرمج او مصمم برامج ا, computer programmer
النقطة تاني و بكرر ان في ناس متعرفش بالقسم ده في كلية العلوم او مش مقتنعة بقدراته .. يعني انا لسه قاري اعلان بيطلب ناس يدرسوا علوم الحاسب و الشروط ان يكون خريج هندسة او حاسبات.. عشان كده لازم القسم ده من كلية العلوم يظهر اكتر و يتطور باستمرار و على فكرة عندنا معامل حاسب آلي هايلة و كتير في كلية العلوم .. و كمان لما تيجي تتقدم لوظيفة او تكتب السي في بتاعك او تتكلم مع حد .. لازم توضح و تقول انا خريج كلية العلوم قسم حاسب آلي عشان ميفتكركش معهد او اكاديمية خاصة ..عشان في ناس بيحصل عندها لبس في الحتة دي

[اذكر الله]

اومال انا رحت فين انا فى قسم احصاء وحاسب

وسنة تالتة اللي هي اول سنة تخصص بالنسبة للشعبة الخاصة اللي هي اكتر تخصص في الحاسب الآلي:-برمجة الحاسب و نظم الحاسب-رياضيات متقطعة-معادلات تفاضلية-طرق حسابية في الرياضيات التطبيقية-طرق احصائية-بحوث العمليات(1)-تراكيب البيانات-تطبيقات الحاسب الآلي-عمارة الحاسب الآلي-تحليل عددي(1)-طرق الرياضيات التطبيقية-تراكيب البيانات-برمجة متقدمة و نظم التشغيل-تصميم المترجمات و اساليب المحاكاة و تحليل عددي(2)-نظم و قواعد البيانات و الخوارزميات-الذكاء الاصطناعي و النظم الخبيرة-رسومات الحاسب و البرمجة بلغة التجميع نظرية الحسابات

والكلام دة كلة صح مع اختلاف الجامعات بس هو يبقى فعلا تخش فى الجد من سنة تالتة و بشكرك على الموضوع

[abkreno_007]

والله يا جماعة شكرا لكل واحد قال كلمة صح واللى مش فاهم يريت يدور اكتر
والموضوع وما فيه ان زى ما قال اخويا محمد فوكس الحاسب فى علوم برمجة على عكس الحاسب فى الهندسة واللى بيعتبر الكلام النظرى ومش العملى للهارد وير
بس بصراحة كلية الحاسبات والمعلومات هى فعلا ام الكمبيوتر فيها بتدرس السوفت وير والهارد وير وكل ماهو متعلق بالكمبيوتر
وعلى فكرة انا فى سنة اولى علوم وإن شاء الله هتخصص حاسب واللى بيقول انه قلق من قسم حاسب ..........لا ميقلقش
وربنا معا الجميع

[هويده]

علي فكرة انا خريجة علوم حاسب الي و احصاء
كان عدد الدفعة بتعتي حوالي 22
اثناء التدريب كان في دكتور جاي من امريكا قال لينا اللي يجيب تقدير جيد و عاوز يسافر ممكن ازكيه
لكن طبعا رفضنا لاننا تصورنا ان في فرص كتيرة للعمل في مصر
المهم انا حاليا مدرسة كمبيوتر
و كان الدكاترة اللي يدونا مناهج الحاسب دكاترة هندسة و كنا بنروح كلية الهندسة علشان نحضر بعض المحاضرات
و اظن ساعتها ان دكاترة الهندسة انفسهم كانوا يفضلون التعامل معنا
و الاخر مش فارقة اهم حاجة تتدرب كوس جدا علي كل حاجة بتاخدها و كل جديد

[mostafaali120]

مصطفي محمود المرسي
خريج كلية العلوم - إحصاء وعلوم الحاسب الآلي ---- 2001
تحياتي للجميع
أولا هندسة من غير تطبيق زي ما أنا بشوف بنفسي مهندسين كتير وللأسف مش كويسين في المجال بتاعنا
ثانيا حتي حاسبات ومعلومات أي حد خريج ومش بيشتغل علي الجهاز كتير وبيحب المجال مش هيقدر يثبت نفسه وجوده
ثالثا : أهم نقطة أنا دخلت القسم لأني حسيت بأهمية الكمبيوتر في حياتنا وخصوصا المستقبل
سلامي لكم جميعا
علوم وهندسة وحاسبات وجامعيين ومثقفين
مصطفي كمبيوتر