الرياضيات 2 ام الاحياء ...... ايهما افضل مستقبلا ؟

XpertMan · #1 18-12-2008, 09:37 PM

بسم الله

انا كنت عايز اسئل سؤال مهم اوى

اى المواد التالية افضل فى المستقبل بالنسبة لزمننا الحالى
الغلاء والوسائط و وو و
الرياضيات2 ------> حيث كلية الهندسة والبترول والفنية العسكرية
الاحياء ------> حيث كلية الطب والصيدلة والعلاج الطبيعى و ... إلخ

ممكن اعرف اختياركم ... ولماذا

تحياتى

hawass007 · #2 22-12-2008, 04:30 PM

التوفيق من الله في اطباء مستوى معسشتهم عالي و في مهندسين كده
و في العكس اطباء و مهندسين مش لاقيين ياكلوا
متروحش تبع قدراتك
لكن اختار الحاجة اللي انت مستريح نفسيا فيها علشان تبعد عن تأنيب الضمير
و ربنا هو الموفق
و يكون عندك هدف معين
و بعدين انت جاي تسأل ف نص السنة
توكل على الله في اختيارك
يسعدني الرد على موضوعك

XpertMan · #3 23-12-2008, 01:39 AM

السؤال دة ميخصنيش

انا على فكرة واخد قرار انى رياضة 2 من تالتة إعدادى
علشان بحب اى حاجة فيها تفكير وتشغيل عقل مش حفظ وخلاص زى الاحياء

يعنى انا فى الرياضة 2 والفيزياء ممتاز جدا لكن فى اى مادة ادبية وخاصة العربى مستوايا كويس مش ممتاز

بس انا من وجه نظرى ان رياضة 2 افضل
لان الطب عايز مجموع عالى وتعب قلب ومصاريف جامدة فى الكلية وعيادة لا تقل عن 400 الف دولار
وفى الآخر ممكن ربنا ميوفقش الشخص دى

لكن رياضة 2 مجالاتها كتير جدا فى العصر دى ((عصر المعلومات والتكنولجيا))
يعنى دة عصر الفيزياء والرياضة بتسيطر عليه
مش الحفظ والتحصيل

ربنا يوفق الكل إن شاء الله .... يسعدنى وجودك هنا

Eng. A'laa Salah · #4 23-12-2008, 10:30 AM

متقولش اي مجال احلي مستقبلا
اختار المجال اللي تحبه لانه المجال اللي هتنجح فيه وتتفوق فيه
انا رياضه 2
انا مقرره كده من زمان
انا البيت كله كان بيهاجمني بعد النتيجه الكل من رايه اني ممكن اكمل علمي علوم وادخل كليه طب او صيدله لو حافظت علي مستوايا
بس ده مستقبلي انا وانا اللي احدد
انا من رايي متحددش علي اساس الردود في الموضوع لكن علي اساس ميولك

XpertMan · #5 24-12-2008, 02:51 AM

للاسف معدتش بتتحدد على اساس الميول
بتتحدد على اساس الشغل والعمل بعد الكلية

ما انا نفس الحكاية مجموعى عالى ودخلت رياضة2 على الرغم من انى اقاربى
كان بيحاولوا يخلونى ادخل احياء علشان ادخل طب ...... بس انا مليش فيها ... مش بحب شغل الدكاترة
شغلة مملة اوى

والله انا خايف لا انزل عن المجموع بتاعى فى تالتة
ربنا يستر بس ونعرف نمشى فى الامتحان كويس

لكن لما انا اخترت رياضة2 فى ناس كتير ايدتنى فى الكلام دة
وقالوا ليا متدخلش هندسة قالو ليا قدم فنية عسكرية ونفض للهندسة دة

انا خايف اوى

** MR.SmilE ** · #6 26-12-2008, 10:52 PM

التوفيق من عند ربنا

شوف انتا بتحب الاحياء و لا الرياضة

و نفسك تبقي ايه

يامااا مهندسين احسن من دكاترة

و يامااا دكاترة و صيادلة احسن م المهندسين

ربنا يوفقك

hawass007 · #7 11-01-2009, 05:05 PM

لو انت بتقول على الأحياء مادة حقظ يبقى انت معلش تجهل الحقيقة
الأحياء مادة فهم من المقام الأول و مادة لذيذة للي يعيشها
انما رياضة دي مادة ميتة يعني بلا روح
وشكرا

E/GOGO · #8 11-01-2009, 10:06 PM

اقتباس:

المشاركة الأصلية كتبت بواسطة hawass007

لو انت بتقول على الأحياء مادة حقظ يبقى انت معلش تجهل الحقيقة

الأحياء مادة فهم من المقام الأول و مادة لذيذة للي يعيشها
انما رياضة دي مادة ميتة يعني بلا روح
وشكرا

لا لا لا انا اخالفك الراى خالص
الرياضة مادة ميتة ؟
الزاى دى اكتر مادة ممتعة ومشوقة
وهى ال فهم من المقام الاول وكلها تفكير وعاوزة فهم للقوانين بتعتها
اما الاحياء اى نعم فيها فهم بس بتعتمد اعتماد كبير على الحفظ

dr.only hope · #9 14-01-2009, 11:10 PM

يا جماعة انا اه علمى علوم و باعشق الاحياء بس بموت فى حاجة اسمها رياضة وعلى فكرة هندسة مستقبلها احسن بصراحة انا عندى اخت خريجة صيدلة و التانية لسه 3 هندسة الصيدلانية بتشتغل اه بس اختى التانية من دلوقتى عارفة هى فين و رايحة فىن الاجازة الى فاتت عملت مشروع و الاجازة اللى الجاية هتفتح مكتب رغم انها متخرجتش و بجد هندسة للولاد احسن انا اعرف ولاد فى هندسة ما شاء الله بصراحة هندسة بتعلمك ازاى تفكر و ازاى تخطط لمستقبلك صح عشان كده رغم انى طب ان شاء الله الا انى عطول فى هندسة مع اختى عشان اتعلم ازاى اخطط لمستقبلى صح

dr.only hope · #10 14-01-2009, 11:12 PM

و على فكرة الاحياء ممتعة جدا و فهم كمان بس بصراحة عندنا فصول حفظ حفظ يعنى و انا ان شاء الله هدرس رياضة 2 فى الاجازة