البنات اخطر من السجاير

[رزقاوى]

لم يبقى على موعد الطبيب سوى نصف ساعة ...فتسللت بعيدا عن الناس



لانفرد بسيجارتى- يا سلام لو فيه حد بيعمل قهوة هنا- واسرح فى تخيلاتى وافكارى واتابع الحديث الدائم الذى لا ينقطع الا عند النوم فقط بين عقلى ونفسى ....

كم اكره ان اكون مريضا .. ربما لاننى اكره الضعف .. والمرض نوع من انواع الضعف ...

وهذا الشعور يلازمنى منذ الطفولة .. ولذلك تجدنى حين مرضى اعمل الدراسات لتجنب المرض او سرعة

علاجه .. مما ساعدنى على عدم عودة اى مرض لى مرة اخرى .. الا هذا البرد اللعين الذى يتخفى لى فى

جميع صوره.. وكل مرة اتبع نظاما مختلفا فى علاجه- شربت مايقرب من فدان ليمون وكانت المحصلة

صفر ولابد من اللجوء للطبيب- .... اترى قد قلت مناعتى .. ام هى لعنة الزمان الذى نعيشه كلما تقدم العالم

فى الطب وجد امراضا لا حصر لها .. جديدة المنشأ .. غريبة التكوين ليس لها علاج .. وان وجد العلاج

يوجد بعد صعوبة من البحث والتجارب – لغاية ما الفيران اشتكت من ظلم الانسان-


وانا فى حالة التنقل بين افكارى ... اذا بصوت نسائى يسعل بجوارى

خير اللهم اجعله خير- واحدة لابسة ملابس ضيقة تكاد لا تخفى شيئا –طب بالزمة لابساهم ليه ... آه عشان ما حدش يقول فقيرة ما عندهاش هدوم –

فنظرت اليها نظرة المتعجب فبادرتنى قائلة :



- هو مش المفروض ممنوع التدخين ؟

لا حول ولا قوة الا بالله الواحد مخنوق خلقة من المرض والحكومة والناس مش وقتك خالص الحقيقة يعنى ... وبصراحة ما كانش ليه نفس اطفى السيجارة وشكلها استفزنى زيادة ... شكلها كده ح تخرب عليها

- وممنوع ليه بقى ان شاء الله دى حرية شخصية

- لا طبعا مش حرية شخصية انت كده بتازى الناس

- لا يا شيخة وانتى يعنى اللى مش بتاذى الناس بالهدوم اللى انتى مش لابساها دى

- انا حرة البس اللى انا عايزاه وآكل اللى انا عايزاه

- وانا يعنى اللى عبد اجير .. مش من حقى اعمل اللى انا عايزه

- ايوة بس ما تاذيش حد ... عايز تاذى نفسك انت حر

- مين بقى اللى قال الكلام ده

- منظمة حقوق الانسان هية اللى منعت التدخين فى الاماكن المغلقة بقانون دولى

- همممممم وايه اخبار نوال السعداوى

- نعم

- ما تاخديش فى بالك... ومنظمة حقوق الانسان ما تعرفش ان اللى حضرتك عاملاه فى نفسك ده اخطر على البشرية من السيجارة واول اكسيد الكربون

- يا سلام انت بتعاكس والا ايه

- لا والله بطلنا السكة دى من زمان

- امال قصدك ايه؟

- علميا السيجارة بتضرنى وبتضر اى حد جنبى على مسافة نص متر بس اما حضرتك انتشارك واسع المدى ... بالاضافة الى ان ضررك ممكن يوصل للبيوت .. انتى ما تعرفيش ان معدلات الطلاق زادت فى الفترة الاخيرة بعد ظهور نانسى وروبى وهيفاء وهبى

- ههههههههه لا يا راجل

- ح تقولى ايه رجالة خرفانة

- هههههههه وبعدين

- السيجارة ضررها صحى بس .... انما انتى ضررك صحى واخلاقى واجتماعى ودينى وثقافى وكل المناهج الدراسية حتى كتاب التربية القومية بتاع زمان .......... وعجبى

[براءة]

الاتنين منيلين اكتر من بعضهم

وبعدين الموضوع ده حله سهل ما عليكم الا بغض البصر

لكن السيجارة نتقيهاا بقي ازاى

عموماااااا شكراا على موضوعك

[yasoashry]

صراحه يعني انا مش شايفه حد كويس فيهم ولا ده ولا ده وهما دول من بعض الناس الي مبوظين البلاد والدنيا ياما هتشوف فيها ولازم نكون احنا اول الناس الي نبدء بالصح مش نقول كل الناس بتعمل ونعمل زيهم نبدء بنفسنا ويارب يهدي الجميع
وشكرا علي موضوعك

[M.Neo]

صح والله

بجد ضرر السيجارة اقل بكتير من البنات دول

شكرا يا رزقاوي

[katkoutelwady]

لا طبعا بقى


شرب السجاير استحالة يكون مشكلة زلى مشكلة البنات الغير محترمين دول

وده ببساطة
لانى مش كل اللى بيشرب سجاير اخلاقه مش كوبسة
انما مافيش بقى بنت بتلبس اللبس ده وتكون محترمة


_ مشكلة السجاير مشكلة شخصية جدا جدا وضررها الوحيد هو الضرر الصحى بس وده كمان بيبقى على المدى البعيد
لانى فى ناس بتشرب سجاير بقالها اككتر من اربين سنة وصحتهم زى الفل على فاكرة وفى ناس بتبقى لسه فى البداية وبيتاثروا
ف السجاير تعتبر مش مشكلة اساسا ده لة كان الموضوع على اد السجاير بس طبعا انما لو فى حاجات تانية دى بقى فيها كلام تانى
ومش معنى انى بشجع على شرب السجاير انما احنا دلوقتى فى مجال مقارنة ما بين مشكلتين

اما بقى مشكلة اللبس الضيق او اللبس اللى اللى مش لبس اساسا

ف دى بقى حكايتها حكاية

دى اصلا ما تعرفش يعنى ايه تربية ولا اخلاق

واستحالة تكون مشكلتها مشكلة شخصية

مش ممكن طبعا
لانه بتأذى نفسها واهلها ده غير المجنمع اللى هى فيه
والغريب موقف الاهل من الحاجات دى
انا مش عارف ازاى الاب بيبقى شايف بنته خارجة قدامه بالمنظر ده وبيبقى ساكت
ده كمان بيبقى فرحان ببنته
الله اكبر
حاجة تفرح
واتفرج بقى لو وهو قاعد كده جاله خبر ان بنت حد خطفها ولا اغتصبها ولا اى حاجة من الحاجت اللى بنسمعاه
شوبف بقى الشنبة تقف على حيلها وانده ياد لعمك وهات خالك
والعيلة تتلم

الله ؟؟

امال كنتم فين وهى خارجة من بيتها بالمنظر ده
والدنيا تقوم وتقعد علشان عروستنا كانت خارجة ومش لابسة هدوم
وفى شوية شباب ( قليل الادب ) ضايقوها وهى واخدة حريتها

كده هى سببت مشكلة لاهلها ولا لأ
وكمان سببت مشكلة للشباب الى كان واقف فى حاله وهى طبت عليهم زى القضى المستعجل

هاتقولى طب ليه هم ( الشباب يعنى ) ما غضوش بصرهم عنها
اقولك صح وتمام يا افندم


لكن هى ضمنت منين ان كل الشباب اللى برة فى الشارع هايغضوا بصرهم

ما هو اذا ده غض بصره غيره مش هايغض لاننا مش فى عصر الصحابة

الموضوع كبير


بس قصر الكلام يعنى

ان مافيش وجه مقارنة بين المشكلتين اساسا

واستحالى ان المشكلتين يتساويان فى الحجم


ده رأيى الخاص

والف شكر على الموضوع

[M.Neo]

bravo katkoutelwady

[رزقاوى]

متشكر ليكم جميعا على قراءة الموضوع

وشكرا جدا على الردود الرائعه فعلا

جزاكم الله خيرا

[روووووز]

والله عند حضرتك حق
بيقولوا
كل اللى على مزاجك والبس اللى على مزاج الناس
هى الدنيا حصل فيها ايه مش البنات بس والصبيان ايضا
ربنا يهدى

[smsma81]

والله لو خدناها حريه شخصيه .يبقي مفيش حد له حق علي التاني الا بالقانون
يعني التدخين بيدفع غرامه 10جنيه
ولو واحد عاكس واحده في قضيه وبتجيب نتيجه برضه .وزمان كانوا بيحلقولوا زلطه .بيبقي معروف
اما لو خدناها حق المجتمع والدين .يبقي الاتنين غلط .والاتنين زي بعض (عدم مراعاه الغير)
ده غير ان الشباب اللي بتبص وتعاكس متعفيش نفسها من المسؤليه ويقول طلاق وجواز . انت شخصيتك فين وتفكيرك بيروح فين ؟

[samar saad]

لا الصبيان بقوا حاجه تانية خالص الله يرحمنا بجد