عاوز مرتبك يبقى كام

[tarek1900]

تفتكروا يا جماعه مرتب المدرس العادل يبقى كام، انا شايف ان مرتبى العادل وحقى هو 3000 جنيه فى الشهر ومحدش يقولى كتير انا حاحسبهالك انا بدرس لحوالى 300 طالب فى الشهر الا يحق لى على الاقل 10 جنيه شهريا عن كل طالب، اظن كده وضح ان الحكومه لسه بدرى قوى لغاية متدينى وتدى المعلم حقه، وان شاء الله نقدر ناخد حقنا مش بعيد على ربنا لان ربنا قادر على كل شئ

[شمس بياض]

قوووووووووووووووووووووووووووووووووووووووووووووول يارب

لكن الفت نظرك لشئ مهم انت رضيت اولا بهذا المرتب اثناء تشغيلك
والعقد شريعه المتعاقدين
مش كده ولا انا غلطانه
ربنا يعطينا الثواب
منه له جاى رايح منه له

[akm123]

أنا عاوز مرتبى يكفينى

[هويدااحمد76]

يا اخ طارق انا هاخد اكتر منك لانى بدرس ل8فصول كل فصل فية 50 يعنى 400طالب فى الاسبوع يعنى 1600 فى الشهر وكمان 10 جنيه ع الراس يبقى كام هذه احلام مشروعة للمدرسين وافتكروا لو بطلنا نحلم نموت والا مستكترين الحلم علينا واهى احلام والسلام

[امل رجب]

انا بقى مدرسة بالحصة يعنى بدرس ال50 طالب اللى فالفصت الواحد كللهم بجنية وربع للحصة يا بلاش

[الأستاذة هدى]

الأخت صفاء ... نحن لم نرتضى المرتب بل فرض علينا فهذا عقد اذعان ان لم نرض به لا نعمل ، وعقود الاذعان باطلة قانونا ارجو ان تكونى فهمتى قصدى ... تقبلى تحياتى ...

[Computer_2007]

أولاً اشكر الأخ العزيز / طارق محمد سليمان على طرحه لهذا الموضوع الحيوى و الهام جداً

و الذى يجب ان ينال اهتمام جميع المعلمين و لا نيأس أبداً من مناقشته

فالمدرس يا ساده فى جميع دول العالم المتقدم هو صُلب المجتمع و حجر الزاويه فى تكوين و تشكيل شخصيه الأفراد

هذا بالطبع جنباً إلى جنب مع دور باقى مؤسسات المجتمع و كذلك دور الأسره فى التنشئه و التربيه الصحيحه

و المدرس فى هذه الدول - و التى تطبق مفاهيم جوده التعليم كما يجب و ليس مجرد شعارات - يوجد فى قمه الهرم الاجتماعى

و ينال تقدير و احترام كافه فئات المجتمع و تمنحه الدوله مميزات متعدده اعترافاً منها بدوره و مكانته المتميزه فى صناعه اجيال المستقبل

و الارتقاء بالمجتمع و النهوض به ليلحق بركب التقدم لأنها تعلم جيداً أن الاستثمار فى البشر و تدريب الموارد البشريه هو سبيلها إلى الرقى و التقدم

و هذا هو ما يجب ان نراه فى مجتمعنا و نرجو ان تسعى الدوله إلى تحقيق الهيبه للمعلم و إلى مؤسسات التعليم بالشكل المناسب

عن طريق اجراءات حقيقيه تكفل للمعلم حياه كريمه له و لأسرته و تساعده على تحسين مستواه الفكرى و العلمى عن طريق دورات تدريبيه

مستمره تجعله على علم بآخر ما وصل إليه العلم فى مجال تخصصه ، و تطبيق حزمه برامج تجعل من المعلم هو صلب عمليه التنميه

و أن تسعى الدوله جاهده إلى توفير كل سبل الاستقرار النفسى و الاجتماعى و المادى له و بما ينعكس بالإيجاب على أدائه فى العمليه التعليميه

فهل هذا بكثير على المعلم المصرى الذى طالما ساهم فى تخريج ملايين الشباب على مدار عهود متعاقبه ليخدموا قطاعات الدوله كل فى موقعه

و انا عن نفسى أرى أن المرتب اللائق للمعلم فى بدايه تعيينه هذه الأيام يجب ألا يقل عن 2000 جنيه

هذا إذا ما اخذنا فى الاعتبار ما يتقاضاه من هم فى نفس كفائته فى مجالات أخرى كالقضاء و الماليه و البنوك و الاتصالات و البترول فى بدايه تعيينهم

مع خالص الشكر

[نعمه محمود]

والله انا شايفه ان المرتب العادل حوالى 4000 جنيه عشان المعلم يقدر يعيش معقول مش هنقول يعيش كويس

[المخلص]

طيب نغير السؤال لو انه فعلا المرتب بقى 4000 جنية فعلا يكون المدرس مدرس وفعلا هتقف الدروس الخصوصيه

[نعمه محمود]

اكيد هتقف عند غالبية المعلمين هما مش غاويين تعب

لو لقيو الراحه هيرتاحو

[mabed]

عارفين لو مرتب المدرس وصل 100000 مائه الف جنيه في الشهر مش حيبطل دروس خصوصيه ليه ؟ لان الدروس في دمه وهي اللي بتجعل المدرس في حاله تفكير دائما

[الأستاذة هدى]

لا بيتهيئلك الدروس عند الغالبية العظمى من المعلمين ما بتدخلش فلوس للدرجة دى فلو وصل 4000جنية حتى مش 10000جنية هيبقا أحسن مليون مرة من الوضع الحالى مع اعطاء دروس شريطة ثبات الأسعار

[موري2]

لو 4000 جنيه مدرسين كتير باذن الله يبطلوا شغل الدروس
محدش غاوى تعب
حتى الواحد يروح بيته بعد عناء المدرسه يرتاح و اللي متجوز يقعد مع مراته شويه و لو ست تشوف بيتها وولادها و طظ في الدروس

لكن كل المدرسين محتاجين شغل اضافي علشان بيوتهم اللي مفتوحه وولادهم اللي بيتعلموا و اللي عايزين ياكلوا و يشربوا و لو مش متجوز على الاقل هيلاقي يتجوز

[hopa_amer]

السلام عليكم ورحمه الله وبركاته
سؤال مهم جدا
عايز مرتبك يبقى كام ؟
اعتقد ان الاشكاليه هى انهم ينظرون الى المعلم على انه يتقاضى مبالغ طائله من مهنته
1- يعتقدون ان كل المعلمين يعملون فى الدروس الخصوصيه
2- يعتقدون ان كل المعلمين يذهبون الى كنترولات الثانويه العامه والشهادات الفنيه
سببين مهمين جدا لإعتقادهم ان دخل المعلم مرتفع
تناسوا ان عدد من يتعامل مع الدروس الخصوصيه بالنسبه لعدد معلمى مصر مهما كان كبيرا فهم قلائل
احسبها اخى الفاضل كم عدد مدرسى المواد التى لا تستحق درسا خصوصيا
ايضا احسبها كم عدد من يذهبون الى الكنترولات العامه
اراهم قله والله ولكن يؤخذ بذنبهم كل معلمى مصر
اعتقد ان قيمه ما يحصل عليه المعلم ماديا مهما كثر لن يوازى قيمه رسالته وقيمه مجهوده بالمقارنه بأى موظف عام
انا عن نفسى
اتمنى ان يأتى اخر الشهر فأجدنى لا اتشوق الى يوم الحصول على المرتب
اتمنى ان لا اؤجل بعض المطالب لأسرتى حتى اجد لها بندا فى الميزانيه
اتمنى ان يكفينى راتبى لكى احيا حياه كريمه وفقط
لايهمنى كم هو الراتب المتوقع
ما يهمنى هو الستر لى ولأسرتى
هل هذا كثير ؟
قلبت علينا المواجع اخى الفاضل
دعها كما يشاء الله
تقبل خالص تحياتى

[أمجد حلواني 9]

أنا عن نفسي هأحاول أكون موضوعي وواقعي أنا عايز مرتبي يكون متساوي مع زملائي على مستوى الجمهورية من وزارة لمديرية لإدارة لكنترول لمركز تدريب لمدينة مبارك العلمية
يعني بالبلدي كدة نجيب الفلوس اللي جاية للمرتبات على مستوى الوزارة ونقسمها على كل الموظفين ويكون معيار التقسيم الموضوعي هو المؤهل والدرجة المالية وعدد سنوات الخبرة بغض النظر عن المكان اللي بأشتغل فيه لأننا في الأول والأخر سواسية ومواعيد شغلنا كلنا من 8 :2 بل بالعكس في محافظات شغالة السبت ومحافظات تانية لأ وبكده أعتقد نكون حققنا العدل وساعتها مش هنتكلم عن كادر ولا 50% حوافز ولا أي حاجه لأن الكل هيحس أنه متساوي ولأن المرتبات ساعتها هترتفع بطريقة خيالية