كارثة مجتمعية

[نغم البحر]

انها حقا كارثة مجتمعية.....

سمعنا كثيرا عن ارتفاع اسعار بعض الفساتين التى تصممها بيوت الازياء العالمية الكبرى

لكن ان يصل سعر فستان للسهر الى 180 الف يورو اى ما يوازى مليونا و260 الف جنيه مصرى

(تكيد كتير منكم حط ايده على قلبه لما سمع الرقم وفى اللى صوت وقال يا لهوى) فهذا هو الجديد.............

ففى عرض ازياء نظمه بيت الازياء الشهير (كريستيان ديور)وصل سعر فستان الى هذا المبلغ ,وقد استوحى المصمم

فكرة الفستان من احدى لوحات الفنان الشهير فان كوخ(ده يبقى صاحب اشهر واغلى لوحة فى العالم يبقى من حقه...)

وفى نفس هذا العرض وصل سعر تايير بسيط الى 40 الف جنيه وفستان اخر الى 84 الف جنيه(والله يا بلاش)

وقد كان من الطبيعى ان يلقى هذا بظلاله على نوعية من الزبائن الذى انخفض عددهم الى الف عميل (بس كده)

وعلى راسهم الملكة رانيا ملكة الاردن,كارولين اميرة موناكو,المطربة الشهيرة سيلين ديون,ونجمات السينما الهولندية والاوربية

(لا ده من حقهم بقى مدام زباينهم كده)

فى الحقيقة ان مظهر الفستان ذو المليون وال 260 الف جنيه غاية فى السحر والروعة ولكن مهمت بلغ سحره هل من المعقول يا عزيزتى

حواء ان تشترى فستان بمثل هذا المبلغ؟

وانت عزيزى ادم ماذا ان طلبت زوجتك شراء مثل هذا الفستان؟؟؟؟؟؟؟


(اتوقع انك ترمى عليها يمين طلاق بالتلاته وتكسر وراها 7 قلل قناوى وزيرررر).

[asforaa_girl]

ههههههههههههههههههههههههههههههههه
لا يا اختى مش سبع قلل قناوى وبس ده انا اكسر وراها المصنع كله
ههههههههههههه يا شيخة تولع بجاز اللى عايزة الفستان ده
تسلميلى يا احلى نغم
اختك

[نغم البحر]

انا شايفة يا عصفورة ان المصنع كلو برضو مش كفايا فى خراب البيوت ده

عموما احنا بنات كويسين مش هنطلب فستان زى ده
مالى الفستان اللى 200 او 300 جنيه
وحش لا سمح الله ههههههههههههههههههههههههههههه

[basmala]

وهى الناس اللى معها فلوس ماتشتريش ليه يعنى مثلا هل مستوى ملكه ولا نجمه عالميه هتكون من مستوى واحده من شعبها

اذا كان النهارده كان معمول حفله لنا نسى عجرم ...اسعار التذاكر 120-300-500-1300

مين الاهبل اللى هيدفه 1300 جنيه علشان يروح حفله زى دى ...وكمان اللى هيروح مش هيروح لوحده لازم يكون معها اكتر من واحد

بس فى الاخر كله للمنظره ....وكل واحد ومستواه.....والناس اللى معاها فلوس اكتر من الهم على القلب مش هتغلب لما تشترى فستان بتمن شقه

[Xx.Youri.xX]

لو الفستان بس مشى بجوار لوحه لفان كوج يبقى حقه يوصل سعره للى هوه عايزه .

اللى بيحصل ده كله مزايدات واظن الناس اللى معاها فلوس بالطريقه دى مش بيفكروا فى الفلوس .

ده مش كارثه يا مان ده دليل على ان الطبقه المتوسطه اختفت فى العالم كله مش فى مصر بس الحمد لله احنا مش لواحدنا فى العالم اللى معندناش طبقى وسطى .

سلام .

[نغم البحر]

وتفتكر يا اخ يورى ان اختفاء الطبقة الوسطى من العالم دى فى حد ذاتها مش كارثة؟؟؟؟