|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
 |
|
|
أدوات الموضوع | انواع عرض الموضوع |
|
#1
21-11-2008, 10:50 PM
|
||||
|
||||
اجمل اعمالى يارب تعجبكم بجد ادخل وقول رايك
دى اعمال انا كتبتها والله ومش بكتب حاجه انا مش حاسس بيها
ويارب بجد تحسوا بيها عشان تعرفوا هى حلوة ولا وحشه وساعتها هتحكمم عليها ومستنى رايكم بجد بس بشرط سيبك من التحليل النقدى البحت لانى مش مؤلف ولا شاعر انا بكتب حاجات حاسس هشكى حالى للقمر طالع اشكى حالى ليك يا قمر اشكيلك من ظلم وغدر البشر احكيلك عن حياتى مش شايف ليها بر واوصفلك همى اللى مش لاقى منه مفر ودمعى اللى لا بيجف لا ليل ولا حتى نهار بص يا قمر وشوف الناس اد ايه بتأسى وشوف حالهم كل واحد عامل نفسه بينسى هو نفسه مش لاقى لحياته مرسي وانتى يا نجوم اشهدى عليهم وجربى وشوفى الجرح فى عنيهم هو الاسى بيتولدوا بيه ولا بيتولد فيهم من ظلمهم وجرهم ليا بقيت اخاف اقرب ليهم ليه كل الناس والزمن عليا مش لاقى لامن قريب ولا من بعيد حنيا دول مش بيفرحوا غير لما يبكوا عنيا حتى اقربهم ليا بيساعدهم فى جرحهم فيا نفسى الاقى حضن يكون جمبى وليا دا كل واحد بقه لوحده فى طريق نفسى الاقى فيهم صديق اوحتى يكون ليا منهم حبيب يخاف عليا ويكون منى قريب بس ياخسارة كل واحد بيظلم ويخون التانى وكل واحد مالهوش غير نفسه وانانى حتى كمان الزمن مبقاش زمانى بس خلاص اتعودت انى ابقى وحدانى مش هدور على حد يجرحنى تانى بس عمرى ماهنسى اللى جرحونى ولا هسامح فى يوم اللى ظلمونى ولاهنسى حد كان السبب فى دموع عيونى حتى اللى حوليا لاقيتهم باعونى خلاص مبقاش فى حد بيصون دول بيتعلموا ازاى انك عليهم تهون كل الناس بقت بتعرف ازاى تخون بص وشوف ياقمر حالى دا بزمتك يسر حتى طعم الفرح مش عارف ليه بقه مر اوعى تقولى روح دور على حد وروح وياه ما انا لو كان ليا حد كنت فضلت طول العمر معاه مين غيرك ياقمر هيسمعنى ويكون جمبى مش تزعل منى يا قمر انى بشكيلك همى اعمل ايه قولى ماهو مش ذنبى!! _________________________ انخدعت فيك انا لسه فاكر اول يوم عنيا شافت فيها عنيك ساعتها اتمنيت ما اعيشى تانى غير ليك وساعة ما ندتيلى قولت خلاص انا هبقى ليك مكنتش اعرف انها بداية رحلة ندمى عليك ايام وليالى كتار اتمنيت اسهرها ليك اكيد ساعات وانت بعيد فكرت فيك وانا معاك اتمنيت عنيا ما تفارق لحظه عنيك ياما حاولت انى ما اسبشى ايدي من ايديك كان قلبى فرحان انه حب كل حاجه حلوه فيك وعيونى تدمع من الفرح عشان هتشوف عنيك كتير وانت بعيد عنيا بكت فيها عليك ياما حسيت انى هموت من شوقى ولهفتى عليك جاى فاكرنى انى هفكر يوم تانى فيك فاكرنى هتمنى دا كله تانى اعيشه ليك بعد اللى شفته وعرفته صدقنى خسارة فيك صدقنى عمرى ما هسامح يوم قلبك ولافى يوم هسامح فيه عنيك عشان هى اللى خلتنى هموت عليك وعيونى ندمانه انها نزلت فى يوم دمعة عليك انا عمرى ما هبكى تانى عليك انا هبكى على زمن رمانى ليك انا هندم على ايام ياريتنى ماعشتها ليك عشان عرفت دلوقت انها كانت خسارة فيك انا عارف انه صعب عليا انسى ومفكرشى تانى فيك بس هحاول انسى انى كنت لعبة فى ايديك ودى نهاية قصة اخرها بقولك انا انخدعت فيك _______________________ أهات مهموم قاعد لوحدى اشكى همى لحالى ولا فى حد سألنى مالى لوحدى بفكر وشايل همى ليالي ياريت حد يحس بيا وباللى بيجرالي مافيش غير حزن وهم هما اللى فى بالى اقرب الناس ليا بقوا اسيين عليا يظلموا ويجرحوا فيا ومش مهم دمع عنيا نفسى يجربوا شوية من اللى فيا نفسى فى ناس متكنشى عليا وتبقى ليا نفسى فى قلوب منكشى حزانا انا وهى فى الدنيا ديا نفسى فى قلب اوهب كل حياتى ليه واحكيله همى يمكن يقدر يداويه واديله عمرى وقلبى يخاف عليه ويراعيه قولولى فين الحب ياناس الاقيه ده دوى القلوب ياناس فيه مالحق نسيت دول خلاص بقوا بيلعبوا بيه مبقتشى حاسس ان انا انسان اظلم وانجرح من الناس واتهان فى دنيا مبقتشى احس فيها بالامان حتى الحب اللى كان احلى حاجه فى حياة كل انسان دلوقت لما احب اجيب سرته اقول كان ياما كان واللى فرط فى حب زمان رجع عليه دلوقت ندمان عشان عرف وداء يعني ايه حرمان الحب والاخلاص كانوا زمان مش تلاقى دلوقت لاحب ولا احساس ماهو مبقاش فى حاجه اسمها اخلاص بقه كل قلب وحيد لازم ينجرح وينداس بقه تايه لوحدة وحيد بين الناس ماهو مبقناش بشر خلاص نفسى ما انجرحشى من حد تانى هبعد عنهم وهعيش لوحدى وحدانى احسن ما اتعلم ابيع الناس واكون انانى بدل ما كل يوم تتجدد فيا احزانى يلا يا ناس نعيش سوا مع بعضنا نبطل نبكى على اللى فات ونداوى جرحنا تخاف عليا واخف عليك ونحقق حلمنا ساعتها هنحس بقيمة نفسنا عشان لما نقوم نلاقى حبايبنا ان وانت جمبنا اصل قولى من غيرهم يخاف علينا مننا يلا انا وانت وانتى ننسى همنا والخاين والجارح نبعده عننا بس دى كلها كانت احلام واهى الاحلام ماتت ومفضلشى غير الاوهام امتى ده تحققه ليا وليك الايام ميكنشى كلام بنقوله والسلام يارب انا وانت مانعشى تانى فى الام _______________________ كدبة وصدقتها كلمة بحبك كانت اكبر حاجه فى كدبتك ماكنتش اعرف انى هبقى ضحيتك ياترى انا رقم كام فى لعبتك كنت حابب فيكى رقتك حتى اجمل ما فيكى ضحكتك طلعت هى كمان من كدبتك كان يهون عليا اموت ولا اشوف فى عيونك دمعتك كدبتى عليا فى كل الكلام ماكنتش اعرف انى لعبة والسلام ماكنتش اعرف ان بعدك قلبى هيعيش فى ألام اتارى حبك وضحكتك ورقتك دى كلها اوهام انا قولت قلبك مالهوش مثيل وكنت ببص فى عيونك اقولك كدبك مستحيل بس ياخسارة كل دا طلع تمثيل بس برافو عليكى عرفتى تخلينى اميل بعد اللى عرفته فكرانى هعيش فرحان بعد دا كله مستحيل هيكون جوايا امان مش عايز اعيش طول عمرى ندمان على كدبة رمانى ليها الزمان طلعتى اكبر كدبة فى حياتى عشتها بس يا خسارة طلعت موهوم وصدقتها ولما عرفت انى كنت لعبة بضيع بيها وقتها ماكنتش عارف هقول ايه لما عينى تبص ليها ماكنتش اعرف انى لعبة فى ايديها مستحيل فى يوم هرجع تانى ليها وخلاص انا انخدعت فيها وطلعت اكبر قصة كدابة قابلتها عشان دلوقت شفت وسمعت وتأكدت من كدبها _______________________ أرق ملاك ياحبيبى انا عمرى ماحسيت زى هواك نفسى افضل طول ما انا عايش وياك يكون قلبى وعمرى وروحى فداك والله بحبك وبموت فيك يا ارق ملاك لو عليا اوهبلك حياتى مش خسارة فيك واهديك روموشى تغطيك وبنور عنيا وحضنى ادفيك عارف انها مش قمتك وكمان قليله عليك صدقنى لا الدنيا ولا حياتى تساوى نظرة من عنيك نفسى اسعدك ومعايا اهنيك واجيب فرح الدنيا كله واحلى بيه لياليك عشان بس اشوف البسمة على خديك نفسى يا حبيبى مايفرق بينا زمان ولا يبعد فى يوم يا عمرى بينا مكان حبك ليا نسانى كل شئ راح وكان كلمة حب منك احس بيها بالامان دا مستحيل حبك فى يوم هيحسه انسان دا حبك زى الهوا لما يميل الاغصان زى القمر والنجوم موجودة فوق فى الكون لاعمره فى يوم هيميل بيه هوا ولا فى يوم هتلاقيه واقع مالسما امتى عينى تبوس عنيك وايديك تحضن ايديا عارفه لو سألونى نفسك فى ايه وياها هقول نفسى افضل احب واموت فيها وفى يوم من الايام ايديا تلمس ايديها وعنيا تقول كل كلام الحب لعنيها عارف ان كلام الدنيا كله ما يكفيها بس هقول ايه غير ان نور عينى ليها وهقول نفسى افضل طول العمر جمبها ومش اخليها فى يوم تحس انها لوحدها اخليها تحس ان قلبى بيموت فيها وبيحبها دى زى حبة اللؤلؤ عمرى ما شفتها بس دى مش حبة لؤلؤ وخلاص لاقيتها دى روح قلبى وخلاص عشقتها وحلف بالله ليفضل جواه حبها ويعمل المستحيل عشان يعشلها ويدعى كل يوم ربنا يسعدها ويخليها ومن جوه قلبى اسعدها واهنيها صدقونى دى ملاك ودا كله مش كتير عليها ______________________ واحدة كنت بحبها كان فى واحدة كنت بحبها كنت ديما احب ابقى جمبها كانت عيونى تحب تبص لها قلبى يقولى ديما وحشتنى يلا روحلها ويقولى دا عينك بتموت فيها وبتشتقلها قولتله ما انت كمان بتحبها كان نفسى اعيش طول عمرى جمبها امتى باللى فيك يا قلبى يحس بيه قلبها لو مهما عيوني شافت مستحيل تعشق حد زيها كل يوم يعدى عليا اقول ياريتنى كلمتها وباللى جوايا وفى قلبى صارحتها بس بعد ايه رجعت تانى قولت ياريتنى ما كلمتها كان فى ناس فى الدنيا كتير بحبها بس كنت غلطان لما فكرت احبها ولما فكرت ادور على قلوب اعشلها لاقى قلبى كل القلوب انانيه زي بعضها مش هتلاقى ياقلبى غير قلوب مش بتفكر غير فى نفسها امتى كل الناس تبطل ما تحبش غير نفسها امتى كل القلوب ماتحبش غير بعضها دا اللى لاقيتها ياخسارة قلبى مقدرشى يقولها لو كانت بصت فى عيونى كانت هتعرف اد ايه انا بحبها بس يا خسارة اتاريها مش عايزة تبص ليها انا عملت اللى عليا وكلمتها وهسبها هى ونفسها واسكت يا قلبى خلاص عرفنا ردها بس اوعى تروح تانى وتقولها خلاص عنينا بكت كتير من جرحها فكر ازاى هتلاقى فى الدنيا على حد زيها بس ياخسارة كل القلوب طلعت زى بعضها حتى قلب اللى كنت بحبها طلع زيهم مش بيفكروا غير فى نفسهم _____________________ حبيبتى خاينة انتى عامله نفسك بتحبينى وانا عارف انك بتخونينى انا مش هسيبك تجرحينى وفى وهمك تضيعينى ياللى فى بحر اوهامك غرقتينى وبكلامك الكدب عيشتينى انا همشى واسيبك تنسينى ماهو لو كنتى بتحبينى كنتى صرحتينى لكن بكل بساطه عايزة تمشى وتسبينى بعد ده لا يا حبيبتى امشى وسبينى عايز انساكى وعايزك تنسينى مش عايز اسبلك اى حاجه بيها تفتكرينى مش عايز افضل معاكى وانتى بتخونينى ازاى تقوليلى واحشنى وانتى بتلعبى بيا ممكن اعمل كده بس مش تهونى عليا عشان انا حبيتك بجد مش زيك بتجرحى فيا تيجى تقوليلى انا بحبك ونفسى افضل عايشة العمر جمبك لا مش عايزك ولا عايز قلبك عايز اعيش واحاول انساكى انا قولت هنسى احزانى بيكى وهعيش عمرى اللى جاى كله ليكى لكن كل ده طلع خسارة فيكى مش هنخدع تانى بالدموع فى عنيكى نفسى اعرف ازاى قلبى هان عليكى كان نفسى تيجى وبحياتى افديكى انا هتعلم منك ازاى حبك على قلبى يهون ماهو قلبك عمال يجرح فيا ويخون ده مفكرشى فى يوم يحافظ على حبى ويصون ده فكر ازاى انى عليكى اهون هو ليه قلبك بقه كده أسي هو عارف يعني ايه حب ولا ناسى هو ايه اللى جرى للناس مافيش لاحب ولا اخلاص كله كدب وجرح وخيانه وخلاص حتى انتى طلعتى معندكيش احساس بحسبك جايه تطلبى نور عينى لاقيتك جايه عشان تودعينى مع السلامه ومش هقولك هتوحشينى امشى خلاص وبغيرى انسينى امشى يا حبيبتى وابعدى عنى كان نفسى اسعدك وده كان كل همى كنت اتمنى تفضلى جمبى بس يا خسارة كل ده راح فى ثانية حتى دموع الفراق فى عنيها ماكنتشى باينة هعمل ايه ما انا عارف ان حبيبتى خاينة ______________________ حبيبتى سندريلا من اول يوم كلمتك وانا عينى منك واتمنيت عينى متغبشى عنك وبروحى وروموش عينى اضمك وفضلت احلم انى اكون جمبك قولتلك بحبك واتمنيت تحسينى لكن من خوفك عليا رفضتينى مع انى عارف ان من جواكى بتحبينى لكن الحب اقوى منك وجيتى صرحتينى تعالى خدى عمرى وحياتى مش خسارة فيكى ده انا هعيش عمرى اللى جاى كله ليكى واحاول بكل لحظه حلوة فى حياتى اهنيكى هحاول ولو بحياتى انى احميكى وكل يوم هدعى ربى ليا يخليكى اه لما شوفتك وعينى شافت عنيكى ساعتها عشت فى دنيا تانية مفكرتش فى يوم اعيشها ولو ثانية مش خسارة فيكى كل لحظه حنيا ده انتى حبيبتى ولو طلبتى عنيا كفاية خلتينى سعيد وده كفاية عليا يارب جمعنا فى الخير انا وهيا دى ماليش غيرها فى الدنيا ديا يارب قدرنى واملى حياتها حب وشوق وحنيا واغسل من قلبها اى حزن ولو بدمع عنيا مش عارف قلبك وعنيكى عملوا ايه فيا حبك زى السحاب فى السما زى القمر بجماله واضح بين النجوم زى الشمس لما تطلع وبنورها تنور الكون زى الاوكسجين فى الهوا لو فكرت يوم استغنى عنه مستحيل هلاقيله دوا انا حبيت كل حاجه فى الدنيا وانا معاك لو بعدت عن حبك فى يوم ده يبقى هلاك ازاى استغنى فى يوم يا عمرى عن هواك يا احسن واطيب وارق ملاك انتى عملتى حاجات كتير علشانى قلبى حاسس انك محتجانى ماهو كل لحظه بعيده عنك وجعانى وارجع لعيونك واقولك واحشانى كل يوم اسمعك تصرخى وتناديلى نفسى باللى جواكى تحكيلى وبكل همومك تفضفضى وتشكيلى انسى يا حبيبتى الفراق ومتفكريش فيه ازاى قلبى وقلبك هيقدروا عليه ليه نضيع كل ده بايدينا لو تعرفى قوليلى ليه عايزه نعيش ايامنا ليه فى حرمان مين يلاقى قلب زى قلبك مليان حنان بلاش بأسعد ايامى وانا جمبك تحرمينى وامسحى دموع عنيكى كفاية تعذبينى ماهو لو انا السبب كنت اتمنيت تنسينى بلاش حزن يا ارق مخلوقة فى الكون مين ده اللى حبك على قلبه يهون والنعمة دا يبقى اهبل ومجنون وعد وعهد عليا عليكى وعلى حبك اصون ليه من غيرك عايزة قلبى يعيش وحيد اه لو تحسى باللى فيا وانتى بعيد تعالى املى حياتك حب وفرح وحنان من جديد تعالى نعيش ونحب ونكمل ايامنا تعالى انا وانتى نحلم ونحقق احلامنا _____________________ بسمة فراق كنتى اعز ملخوقة عندى فى الدنيا ديا كنتى حبيبتى وصحبتى واختى وكل ما ليا ليه بكلامك تجرحينى وتيجي عليا مش كفاية الناس والزمن وانتى كمان تجرحوا فيا كنت بموت لما احس ان دموعك هتفارق عنيكي واكره كل الدنيا واقول ازاى تجرح فيكي كنت شايل همك وحزنك عنك كنت اتوقع اتظلم من اى حد الا منك قولتيلى انا مسؤلة منك وحلفت لاحميكي قوليلى انا عملت ايه ليكي كان كل همى انى مش عايز حد يجرح فيكي ولا اى حد فى الكون فى يوم يجي عليكي بس اوعدك هفضل جمبك واحميكي لازم بكل دمعة نزلتيها اهنيكي جايه تلومنى انى بعتب عليكي وخايف عاللى فات ولا انتى خلاص نستيه واللى جواكى مات مش هكدب عليكي واقولك محبتكيش ازاى من كلامك عيزانى اعيش وانتى عارفه من بعدك خلاص ماليش لا احباب ولا اصحاب ولا انتى مافيش خلاص انا عرفت واتأكدت انى مهمكيش كفاية اجبلك نكد وهم وغم شوفى حد غيرى ميعيشكيش فى الهم كنا كل حاجه فى الدنيا لبعضنا اتفقنا انا وانتى نداوى جرحنا عشان مش نصحى فى يوم يتكسر حلمنا ونعي وننسى كل حاجه الا نفسنا كنتش اتوقع ان فى يوم دمع عيني ينزل بسببك قوليلى هو ايه اللى حصل لقلبك هو اتعلم الاسى كده ليه هو هيجرح فيا زى ما حصل فيه انا عمرى ما فكرت فى يوم اجى عليه والله كان كل خوفى من الزمان عليه عشان خاطرى حافظى عليه واعرفى ازاى تهنيه ____________________- بعد الفراق يا فراق خالى بالك عليها واوعى تخلى دموعها تفارق عنيها اصلى عارفك هتكون قاسى عليا وعليها مش عارف عمرى ازاى فى بعدك هيفوت كل لحظه فى حياتى من غيرك انا فيها هموت عارف ان مسيرنا فى يوم هتموت اشواقنا ونتعب من الاهات والدموع عاللى فاتنا ونقول عليها دى دموع فرقنا عمر الدنيا يا حبيبتى ما هتجمعنا ولا الناس باللى بنصرخ بيه جوانا هتسمعنا شايفين انا وانتى حبنا بيموت قدمنا والناس بايديها بتدفن احلمنا نفسى من بعدى تتعودى على فرقنا نعمل ايه ماهو للفراق انا وانتى اتخلقنا اوعى يجي يوم وتنسينى خليكي فكرانى وبحياتى توعدينى ماتنزلى فى يوم دمعة من عنيكي وبحياتى قصاد الدمعة دى هفديكي وربنا اللى عالم اد ايه حبى واخلاصى ليكي اوعى وجع الفراق يقولك انى ناسيكي تعالى اسالى قلبى ودموع عنيا وهما يردوا عليكي اعمل ايه بس عشان افضل وياكى ماهى الدنيا لا سيبانى فى حالى ولا سيباكى من غيرك كان بيضمنى لما ابقى حزين من بعدك هروح بدموعى واوجاعى فين قوليلى مين غيرك يشلها عنى ويداويها مين من بعدك هعيش فى دنيا مليانه احزان ماهو من بعد حضنك مستحيل هلاقى امان زى الاعمى مافيش فى حياته الوان حرام كل اللى بينا كده فى لحظه يروح خايف على قلبك بعد الفراق هيعيش فى جروح تعبنا خلاص انا وانتى من البكا والنوح عارف من بعدى انك لا عايشه حياة ولا دنيا صدقينى عمرى ما هعشها من غيرك تانى لو ثانية بس نعمل ايه اتعودنا انها دنيا غدارة وخاينة بعدك حياتى هتتلون خلاص بالاوجاع وهيبقى كل سلامى بعد كده وداع وقلبى لغيرك مستحيل هيساع قوليلى مين فى الدنيا هيحس بينا وامتى تبطل الدنيا تجنى علينا تعبنا انا وانتى اوى من جرحها فينا هو ذنبنا يا دنيا اننا حبينا وكل احلامنا نعيش سوا مع بعضينا كتبتى عالدموع فراق عنينا وحكمتى يا دنيا بالجراح والاحزان علينا ليه الدنيا مش سيبانا فى حالنا احنا فى ايه فينا كده مالنا عايشين سنين نار وجراح ولحظات جنا نعمل ايه ده قسمت ربنا ونصيبه واللى مكتوب لانسان مهما عمل اكيد هيصيبه هرجع ليك يارب واشكيلك همنا ما انت اللى قادر تداوى جرحنا هو اللى سبب الاسباب وخلق حبنا وانت اللى قادر برحمتك تحققلنا حلمنا سواء حياة او موت نكون مع بعضنا خلاص تعبت من كتر الاهات ماهو خلاص وقت الفرح فات قلبى خلاص من كتر الجراح مات بس اوعدك عاش او مات هتفضلى فيه لا الناس ولا الدنيا تقدر تنسيه ان كان ليه حبيب عاش احلى ايامه جمبيه بعد الفراق هقول ايه خلاص مابقينا عايشين فى عالم من غير احساس اللى يعيش ويحب لازم ينداس ______________________ ليه يا زمانى كل ما افكر فيك تنسانى نفسى ارجع ليك وارمى ورايا احزانى نفسى عيونى متبكيش تانى ليه كل الناس عماله تنسانى نفسى دموعى متبلش جفونى تانى هو انا ليه قريب او بعيد عنك وحدانى ليه كل ما امسح دموعى الاقيها على خدى تانى ليه كل ما افكر فى حد تقولى ارجع دا انانى لامتى هفضل عايش لوحدى وحدانى وايه يعني ما انا عشت طول عمرى وحدانى لسه هرجع واقول ياريتنى ما فكرت فيهم تانى لسه هرجع واقول سيبك يا قلبى منهم تانى فاكرنى هلاقى حد يسمعنى تانى صدقنى خلاص يا زمانى مش هلاقى امان تانى فى زمان وناس كل واحد لوحده وانانى صدقنى مستحيل هقدر ادور يازمانى انا بجد تعبت ونفسى اداوى احزانى ليه من كل حاجه حلوه بحبها حارمنى يا زمانى ليه كل حاجه حلوه فيك مابقتشى وحشانى ليه كل واحد بيفكر فى نفسه وناسى التانى انا مش هقدر اعيش وياهم تانى بقت دموعى واحزانى وجراحى منهم وجعانى صدقنى لامش هقدر اعيش يازمانى وحدانى تانى 
|
|
#2
22-11-2008, 12:58 PM
|
||||
|
||||
شكراً أخي الكريم .. وطالما تلك أعمالك أرجو وضعها في إبداعات الأعضاء واحدة واحدة .. حتى يتسنى للجميع رؤيتها ومعرفة أنها ليست منقولة ولكنها من إبداع عضو في منتدانا الكريم
|
|
#3
16-12-2008, 03:25 PM
|
||||
|
||||
|
تم نقل الموضوع للقسم المناسب
للاسف شكل العضو مش بقى يفتح عموما ممكن مشرفين القسم يقدموه لينا موضوع موضوع لانه منزل حاجات كثير اوى
__________________
صديقتى انتظرتك طويلا حتى فات الاوان فها انا امام جدار زمنى وقد ضاعت الامال
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:53 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
