رسالة خاصة لمسيو وليد (لا تهم الاعضاء)

[M.Sherif]

مسيو وليد
صباح الفل
معلش اعذرني انا اسف
اضطريت اكتب هنا رسالة خاصة ليك وبمجرد ما تقراها هتمسحها طبعا ياريت
بقالي اكتر من شهر بحاول ابعتلك رسالة علي الخاص
لكن الظاهر في مشكلة ما
اولا لما بتدوس علي كلمة (ارسال رسالة) مش بيظهر غير (ارسال رسالة علي الياهو)
لكن اني اعرف ابعتلك رسالة علي الخاص هنا في المنتدي ده امر مستحيل
بقالي شهر بحاول
لكن اما بعتلي رسالة علي الخاص تهنيني بالمشاركة الالف
قلت مابدهاش بقا
لاني كنت متردد اكتب موضوع في المنتدي علي هيئة رسالة خاصة ليك
وفي نفس الوقت دلوقتي لازم ارد علي رسالة الخاصة والا ابقا قليل الذوق

ردا علي الرسالة
بقولك الله يبارك في عمرك يا حبي
انت بجد مشرف جامد جدا واجمد مشرف في المنطقة كلها انك بتاخد بالك من حاجة زي كده
دانا نفسي مسطوووووووووول وعمري والله ما خدت بالي
وبرضه العبرة بالكيف مش بالكم
لكن اشكرك شكرا جزيلا علي ذوقك

انا اتخضيت اول ما قريت عنوان رسالتك وقبل ما افتح الرسالة
قلت الاستاذ وليد بيباركلي علي ايه؟
وقلت في نفسي يمكن كسبت جايزة من الموقع كام الف جنيه؟؟؟؟؟
يا سلام دانا كنت اتجوز النهاردة مش بكرة
هههههههههههههههه

بجد والله انت انسان ذوووق وسباق بالخير دايما وربنا يبارك فيك وفي وقتك وعمرك

وياريت تكمل جميلك وتشوف موضوع ارسال الرسايل الخاصة ليك
وهل انا بس اللي ممنوع من ارسال رسالة خاصة ليك عن طريق المنتدي ولا ايه بالظبط عشان الموضوع ده خنقني النهاردة بصراحة

الف شكر ليك مرة تانية

[مسيو وليد عسكر]

يا مستر شريف انت حبيب الملايين واي حد لازم يحبك وياخد باله من شغلك لانك فاكهه المنتدي ويوم ما بتدخل او بشوف لك موضوع بنتظره بشغف لاني عارف انك مبدع وافكارك في غايه الروعه ودي والله ما مجامله اسلوبك الساخر المضحك المبكي له كاريزما من نوع خاص..ربنا يجازيك كل خير وان شاء الله نبارك لك في زواجك ان شاء الله..

[مسيو وليد عسكر]

حاضر هكلم الاستاذ عصام وهشوف موضوع الرسائل عندك وتحت امرك في اي طلب وموضوعك مش هحذفه بس هنقله فقط الي قسم الموضوعات المكرره

[M.Sherif]

المشاركة الأصلية كتبت بواسطة m.leader

يا مستر شريف انت حبيب الملايين واي حد لازم يحبك وياخد باله من شغلك لانك فاكهه المنتدي ويوم ما بتدخل او بشوف لك موضوع بنتظره بشغف لاني عارف انك مبدع وافكارك في غايه الروعه ودي والله ما مجامله اسلوبك الساخر المضحك المبكي له كاريزما من نوع خاص..ربنا يجازيك كل خير وان شاء الله نبارك لك في زواجك ان شاء الله..

المشاركة الأصلية كتبت بواسطة m.leader

حاضر هكلم الاستاذ عصام وهشوف موضوع الرسائل عندك وتحت امرك في اي طلب وموضوعك مش هحذفه بس هنقله فقط الي قسم الموضوعات المكرره

الف شكر ربنا يخليك
يعني في ناس بتبعتلك ع الخاص عادي ومافيش مشكلة؟؟؟؟؟؟؟؟
ايه ده؟
امال اشمعني انا؟
يارب يكون خير ان شاء الله
ويسلم لسانك علي كلامك الرائع