طلب تحويل ـ وزارة التربية والتعليم ـ كان يوم طين

[باسم باشا]

بسم الله الرحمن الرحيم


نفسي يا جماعة الي ما يعرفت يقول معرفش احسن ما يخرب الدنيا

ومن قال لا اعرف فقد افتى



القصة بدأت من انا من ابتدائي بروح مدارس شبرا تبع ادارة الساحل وانا دلوقت في مدرسة عسكرية

النظام فيها وخاصة الغياب

ولما دخلت علمي رياضة معنديش اي وقت للمذاكرة وباخد حصتين فيزيء في الاسبوع وحصتين رياضة


واحصاء وعربي وانجليزي


الموضع خرج من ايدي واصبح الموازة بين المدرسة والدروس والمذاكرة امر مستحيل


وكان لابد من النقل لمدرسة الوراق لان


1 ـ المسافة بينها وبين بيتنا اقل من خمس دقايق مشي


2ـ النظام فيها مفيش


3ـ فيها كل معارفي واصحابي ومدرسيني


كل المتفةقين مفصولين ايوة لانهم بيغيبو كتير الاول على المدرسة في قايمة المفصولين


وكل الي معدين ال90% و95% واغلب فصل علمي رياضة مفصولين


وهنا كاد لابد فعلا من النقل


رحت للسكرتيرة قولتلها عايز انقل


قالتلي هات والدك واربع ورقات طلب تحويل


عملت الى قالتلي عليه وبعد دفع المصروفات وكل حاجة قالتلي


روح لادارة الساحل واختمها ووديه للمدرسة وبس



روحت للادارة الساعة 9 الصبح (((وغبت في المدرسة اليوم دا طبعا)))طلعت الدور الرابع ولقيت موظفة قالتلي



ياما تستنى لحد التاعة 12ياما تيجي بكرا


مشيت وجيت قبل 12ومواصلتين رايح جاي رايح جاي


قالتلي كل شي جاهز اختمها من تحت عالشمال وبس


رحت تحت عاليمين لقيت غرفة قاعد فيه راجل كدا ببدلة

وشكلة مهم قولتله لو سمحت ممكن اختم الورقة دي


راح التلفون رن واتكلم اكتر من دقيقة ونص


بعد ما خلص قلي ايه دا مين الي مضالك الورقة دي


قولتلة حضرتك هتختم



قال ان مبختمش روح هناك عالشمال


ختمتها وانا راجع في المطرة شغالة تمام

رحت لمدير مدرسة الوراق مرديش ينقل

بحجة ان الاعداد زايدة مع اني عرفت من مدرسين وطلبة ان كل المدرسة حولت ادبي ما عد

30 تقريبا رحت لمدرس اعرفة قولتلة خد مني الطلب ووداه هو


روحت انا وبعدها بتلات تيام الاستاذ اتصل ولي تعالى المدرسة فورا

رحت وكملت بينات الورقة ومبقيش غير حضرته يمضي

وبعدين بص في الورقة كدل وقلي لازم تختم الورق دا من مدرية القاهرة ((وكالة الوزارة تبع القاهرة ))

رحت تاني يوم العباسية وكل الايام دي بغيبها المهم ركبت مواصلتين وعد يا عداد

رحت هناك لقيت شباك 30 في 30

لقيت واحد عنده فوق 50 سنة وبنظارة كبيرة وعريضة

استنيتة لحد لما خلص كلام في الموبايل

وبعدين قلتله لو سمحت عايز اختم الطلب دا

قالي ايه دا

دا لازم يتمضي من ادارة الوراق وبعدين المدري وبعدين تجيبه هنا

قلت نعم

خدت الورق وطلعت وانا تجنن

قلت عايز اقابل مسؤل هنا

يعني المدير مش فاهم ولا الموظف مش فاهو ولا السكرتيرة مقلتليش كدا ليه



لقيت موظفة قالتلي اهدا اهد شوية في ايه

ونزلت معاها وقفت انا برة ودخلت هي واستفسرت

انا شايفة بيكتب افتكرته بيمضي وبعدين الموظفة قالتلي

اعتزر قلت اعتزر واخلص بقا ولا صبرت ونلت يا باسم

دخلت بادب

واعتزرت وبعدين خرجت مع الموظفي لقيت معاها ورقة

مكتوب فيها

1 ـ روح لادارة الوراق واختمها

2ـ روح لوكالة الوزارة بتاعت الجيزة

3ـاخم الورقة من المدرسة

4 ـروح لمدرية القاهرة تاني

انا كنت هتجنن

خدت الورقة ومشي وعفريت الدنيا ركباني



دا انا لو كنت زاكرت في وقت النقل دا كان زماني خلصت كتير

ولا الوقت الي هعمل فيه كل دا



انــــــــــــــــــــــــــا مش عايـــــــــــــــــــــــــــــز انقـــــــــــــــــــــــــــــل


وربنا يستر في المدرسة دي هنرجع تاني:abdoog8::abdoog8:

[..Just Stop]

جميع المصالح الحكومية كدا
يدوخوك السبع دوخات
وفى الاخر تعالى لنا بكره
وبكره يقولك بعده وبعده يقولك بعد بعده ....و....و....
وهى الدنيا ماشية
عايز تعمل الطلب ابقا اعمله قبل ما تفكر تنقل
اهو يبقا من باب الاحتياط
ربنا يوفقك
دمت فى رعاية الله

[سندريلا العراق]

والله ياباسم انا دخت معاك نفس الدوخه

وبرضو مانقلتش لحد دلوقت

ولا هنقل خلاص لاني بجد تعبت جدااااااا

وفعلا الدنيا فمصر ماشيه على نظام " دوخيني يالمونه"

ده غير اني مش في القاهره في محافظة السويس وكذا مره رايحه جايه وبدون اي نتائج

في القاهره يقولولي امضيها من عندك اول وفي السويس يقولولي تاخدي موافقة القاهره الاول

ده غير دخول منظمة الكريتاس الي اوراقي تابعه ليها " ودي منظمه تابعه للامم المتحده"

وفي موافقة الامن لاني مش مصريه وموافقة الخارجيه وتصديق السفاره والقنصليه العراقيه

حاجه كده فضلت فتره طوييييييييييييييييله الف وفي الاخر فضلت في مدرستي " شايف الهنا"

لما انت زعلان اوي كده انا اعمل ايييييييييييييييييييييه؟؟؟؟؟؟؟؟؟؟؟

[osho6a1]

بجد دي قصة تنفع تتعمل فيلم وانا كنت ذيك كدا بالظبط علشان انا كنت في طنطا وبعدين نقلت اللكس وتقريبا نفس الكلام الي قالهولك دا قالهولي وكانهم محفظينة لبعض والله العظيم ما بهزر مع الرغم اني كنت في الليكس بس المهم اني قدرت انقل الحمد لله بس بعد ما ضيعت قد اية بقي وانا لسة بادي الشهر دا وضاع مني جزء كبير من ادراسة في كل المواد بس ربنا يسترها معانا كلنا ونعدين السنة دي بخير يا رب وكل اللي في نفسة كلية يدخلها يااااااااااااااااااااااااااااااااااااااااااااااااا اااااااااااااااااااااااا رب

[مس رانيا حسن]

ربنا معاك ويوفقك
وان شاء الله كله فى ميزان حسناتك
ولا تياس من رحمه الله
ويمكن عدم نقلك خير
" وعسى ان تكرهوا شيئا وهو خير لكم وعسى ان تحبوا شيئا وهو شر لكم "
فى امان الله

[باسم باشا]

المشاركة الأصلية كتبت بواسطة نداء الجنة

ربنا معاك ويوفقك
وان شاء الله كله فى ميزان حسناتك
ولا تياس من رحمه الله
ويمكن عدم نقلك خير
" وعسى ان تكرهوا شيئا وهو خير لكم وعسى ان تحبوا شيئا وهو شر لكم "
فى امان الله

شكرا جدا

عى الرد والنصائح الغالية دي

[باسم باشا]

المشاركة الأصلية كتبت بواسطة osho6a1

بجد دي قصة تنفع تتعمل فيلم وانا كنت ذيك كدا بالظبط علشان انا كنت في طنطا وبعدين نقلت اللكس وتقريبا نفس الكلام الي قالهولك دا قالهولي وكانهم محفظينة لبعض والله العظيم ما بهزر مع الرغم اني كنت في الليكس بس المهم اني قدرت انقل الحمد لله بس بعد ما ضيعت قد اية بقي وانا لسة بادي الشهر دا وضاع مني جزء كبير من ادراسة في كل المواد بس ربنا يسترها معانا كلنا ونعدين السنة دي بخير يا رب وكل اللي في نفسة كلية يدخلها يااااااااااااااااااااااااااااااااااااااااااااااااا اااااااااااااااااااااااا رب

الف شكر ليك

وعلى فكرةالفيلم دي

ههههههههه

[باسم باشا]

المشاركة الأصلية كتبت بواسطة سندريلا العراق

والله ياباسم انا دخت معاك نفس الدوخه

وبرضو مانقلتش لحد دلوقت

ولا هنقل خلاص لاني بجد تعبت جدااااااا

وفعلا الدنيا فمصر ماشيه على نظام " دوخيني يالمونه"

ده غير اني مش في القاهره في محافظة السويس وكذا مره رايحه جايه وبدون اي نتائج

في القاهره يقولولي امضيها من عندك اول وفي السويس يقولولي تاخدي موافقة القاهره الاول

ده غير دخول منظمة الكريتاس الي اوراقي تابعه ليها " ودي منظمه تابعه للامم المتحده"

وفي موافقة الامن لاني مش مصريه وموافقة الخارجيه وتصديق السفاره والقنصليه العراقيه

حاجه كده فضلت فتره طوييييييييييييييييله الف وفي الاخر فضلت في مدرستي " شايف الهنا"

لما انت زعلان اوي كده انا اعمل ايييييييييييييييييييييه؟؟؟؟؟؟؟؟؟؟؟

مش لازم تزعلي نفسك كدا

الموضوع سهل

هي سنة ونعديها وخلاص

وربنا معاكي ومعانا كلنا

وربنا مبينساش حد

الحمد لله على كل شيء