يا ريت حملة لنصرة مظاليم التربية والتعليم

[توفيق رفعت عجيز]

يا ريت حملة لنصرة مظاليم التربية والتعليم وتكون من اعضاء المنتدي
وياريت الاعضاء والقائمين علي المنتدي يساهموا فيها عموما مش هطول عليكم الموضوع بخصوص تجاهل المسئولين وعلي رأسهم سيادة الوزير حفظة الله لمطالب الفنيين والاداريين بالمدارس والادرات التعليمية بخصوص الكادر في الحقيقة انا واحد من هؤلاء الذين يعملون بمدرسة اعدادية وظيفتي امين معمل والله الموضوع يا جماعة مش موضوع فلوس ولا حاجة الموضوع موضوع نفسي بالنسبة لي ازاي انا بحضر من بداية الطابور وامشي مع الطلاب زي زي المدرس والكادر لايشملني طيب انا امين معمل وهناك اخصائي تكنولوجيا يحصل علي الكادر والله الفارق في كمية العمل مش كبير ولا ظاهر ممكن يكون عمله اقل مني بس هي ارزاق بصراحة الوزير والمسئولين جعلونا مثلنا مثل العمال في المدرسة وانا لا اقصد اهانة لاحد والله عموما احنا مش عاوزين يكون هناك تفرقة عنصرية في التربية والتعليم زي زمان الموضوع كبير وطبعا المظلوم في الموضوع هما ايلي بيشتغلوا في المدارس عارفين
ليه عشان موظفي الادارات والمديريات بيحصلو علي بدلاات وحوافز وفائض ميزانية محدش في المدارس يعرف عنها حاجة واحنا مش بنقول نتساوي مع المدرسين يعني حتي ولو اعطونا الخمسين في المية الحافز وبعدين انا لي تعليق علي ان المنتدي عاوز يعمل حملة ضد ال*** دورا الاول علي سلوكيات الطلابه وبعدين حاسبوا المدرسين الغلابة عذرا للاطاله