ياجماعة انا طالبة منكم النصيحه ياترى هتساعدونى ؟؟؟؟

[مشتاقة لرضا الله]

السلام عليكم ورحمة الله وبركاته

بصوا بقى صلوا ع النبى (عليه الصلاة والسلام)

انا دلوقتى فى كلية وطبعا سنه اولى وعندى مشكلة صغيره

انا بحب اقعد ادام وع الحرف فى وش الدكتور على طول

وللاسف ولسو ء حظى الشباب دايما بيقعدوا فى البنش ده فانا بضطر اقعد فى نفس البنش من بعيد يعنى

او بقعد وببقى فى وسط الصبيان كلهم لانهم اعتبروه مكانهم وبيبقى قدامى صبيان وورايا صبيان واحيانا جنبى

والبنات مش بترضى تيجى تقعد فى المكان ده وبيفضلوا يقعدوا بعيد كده ع الطرف وبيبقوا مش شايفين الدكتور ولا السبورة

المهم انا مشكلتى بقى ايه

عايزه اعرف اللى انا بعمله ده عيب ولا لاه وهما يعنى بيفكروا فيا انى بارده وعايزه اقعد جمبهم وخلاص ولا ايه بالظبط

انا مش عارفه اروح اقعد جمب البنات واضيع نص المحاضره عليا

ولا خلينى زى ما انا وكل واحد يفكر زى ماهو عايز ولا اعمل ايه بالظبط

انا قولت اسالكم اكيد الشباب هنا يقدروا يفهموا انا شكلى ادام الدفعه ايه يعنى بالمنظر ده عادى يعنى ولا فى حاجه
واكيد البنات برضه يقدروا يقولولى هما بيعملوا ايه وبيقعدوا ازاى وكده

واكيد مش هتبخلوا عليا بالنصيحه

ومعلش ع الصداع اللى جبتهلكوا بمشاكلى التافهه دى
استحملونى بقى امركوا لله

[رونالدينهوو]

عليه افضل الصلاة وازكى السلام

هوا انا من رأييى انه عادى عندنا مثلا ممكن تلاقى البنش كله بنات وقاعد ولد فى النصف

بس بالنسبة انك بنت فممكن تقعدى فى اققرب بنش فيه بنات ليكى او فى قدام البنش اللى فيه بنات ده

علشان محدش يقول عنك حاجة


بس هيه عادى

بالنسبة انك بتقعدى علشان تشوفى الدكتور مش اكتر يعنى علشان طلب العلم


ولا صدعتينا ولا حاجة

[CoMMaNdo]

هوا احسن ليكى تقعدى مع بنات احسن
بس لو مفيش مكان فاضى الا البنش الى فيه الولاد يبقى هتقعدى لان انتى مضطره لكدا
وكمان عشان تقدرى تفهمى كويس من الدكاتره
واصلا المفروض اول صف دا للبنات بس
دا فيه دكاتره عندنا بيوقفو المحاضرة ويفصلو البنات عن الولاد

[مشتاقة لرضا الله]

على فكره كان من اربع سنين بس اختى بتقولى كان الصبيان بيقعدوا ورا ويسيبوا البنات يقعدوا ادام
وكمان كانوا بيتكسفوا يقعدوا فى البنش اللى فيه بنات
بس نقول ايه بقى كل شئ بيتغير اهم بطلوا يتكسفوا ومابقوش يقعدوا ورا كمان
العبقرية بقى نزلت عليهم كلهم والشطاره بقى ايه
كلهم يملوا البنشات اللى فى الاول ونتفلق احنا بقى ونتنيل نقعد ورا ان كان عاجبنا
وبجد انا بشكركم جدا انكوا رديتوا
ربنا يكرمكوا

[اية عميش]

انا شايفة انه عادي انك تقعدي في المكان ده طالما للاستفادة و مش يهمك كلام حد لان الكلام مش هينفعك لما تضيع عليكي نصف المحاضرة

[Sherif Elkhodary]

انا شايف انك تقعدي في المكان اللي انتي عاوزاه و بتفهمي منه

محدش يقدر يقولك حاجة

ده مستقبلك

في امان الله

[*ساسُّو*]

انتى مهتمه اكيد بالسيكشن واكيد مش عايزة حد يقول عليكى اى كلمه
بس متهيالى انك ممكن تجمعى شلتك*بنات* وأقعدوا فى البنش اللى قدام الدكتور
او حتى جمعى بنات عايزين المحاضرة بجد واقعدوا هناك
لو الولاد لقيوكم فعلا عايزين المحاضرة مفيش واحد يجرؤ يقول نص كلمه
بالعكس دول هيحترموكم اوى
لانى متهيالى انك تقعدى فى بنش ولاد بس لوحدك أمر مش ظريف اطلاقا

[الجويرية]

لا طبعا من رائى ماتقعديش طبعا
ازاى تقعدى فى بينش كله ولاد
عيب ومايصحش
استحملى اقعدى فى اول بنش ممكن بنات تقعد فيه
والله انا بسيب بينش كامل لو ولد بس قاعد وكله بنات
يالا ربنا يوفقنا الى مايحب ويرضى

[Travel]

بصى هقولك على حاجة
حكاية البنات والولاد فى الجامعة عادى انك تقعدى جنب ولد او بنت عادى
سيبك من البنات اللى بتقول مش هنقعد جنبهم وكده
انا عن نفسى المكان اللى بحس انى هشوف منه بروح اقعد فيه بس بستاذن علشان اعرف محجوز ولا لأ
بس عادى
متفكريش فى ان البنات بتبصلك بصه وحشة او كده
سيبك منهم خاااااالص
لو مشينا ورا كلام الناس مش هنروح لا يمين ولا شمال
مادام انتى صح وحاسة انك ماشية صح والحمد لله
يبقى خلاص

[الجويرية]

هو صح انها تبقى قاعدة جمب ولد قصدى ولاد؟
ده حتىلايجوز اتقاء شر الفتنة
الشرع يقول الاختلاط حرام
احنا نقول ممكن نقعد جمب الولاد عادى مش حرام
جدال فى الدين

[Travel]

المشاركة الأصلية كتبت بواسطة آية من الله

هو صح انها تبقى قاعدة جمب ولد قصدى ولاد؟
ده حتىلايجوز اتقاء شر الفتنة
الشرع يقول الاختلاط حرام
احنا نقول ممكن نقعد جمب الولاد عادى مش حرام
جدال فى الدين

بس هى مش هتقعد جنبهم علشان حاجة
هى مش بتشوف غير من قدام
والولاد بيقعدوا قدام
يبقى تشيل المادة علشان النظرات
ولا المفروض انها تقعد فى المكان اللى هى بتشوف منه علشان تفهم صح
والله عمتا كل واحد له وجهات نظر
واعتقد اتقاء للفتن زى ما انتى بتقولى
بيبقى فى مسافة كبيرة بين البنات والولاد

[الجويرية]

من ترك شيئا لله عوضه الله خيرا منه

[Travel]

المشاركة الأصلية كتبت بواسطة آية من الله

من ترك شيئا لله عوضه الله خيرا منه

والله انا مش شايفة ان فيها عيب او مشكلة بصراحة
يعنى هى تقوم من مكانها علشان حرام منعا باتا تقعد جنب ولاد
ماهى مش بتعمل حاجة غلط
دى قاعدة عادى
و اعتقد ان فى مسافات كبيرة قلتها والله بينا وبينهم
وكل واحد له وجهات نظر
وانت وجهة نظرك علشان الحرام وتجنب الفتن
(مش فاكرة فى حاجة تانى)؟؟

انا رايى انها تقعد عادى
مادام هى صح
وانا لو مكانها هقعد

على فكرة
انا بقوم ولاد ساعات من مكانهم
علشان اقعد
بقول مش بشوف من بعيد
وهما وذوقهم
ولغايت دلوقت محدش احرجنى

مفيهاش حاجة يعنى

والله يابنتى مش عارف اقولك ايه نظام القعدة قدام ده بئا قديم اوى
هو ينفع ايام الثانوى والاعدادى الواحد كان يحب يقعد قدام مش علشان يجاوب
بس علشان الاستاذ ديما كان بيسال اللى وراء علشان يشوفهم مزكرين ولا لا
عمتا نصيحة منى وراء فى الكلية زى قدام اقعدى بين بنى جنسك افضل لان الشباب
والبنات هيبتده يطلعه عليكى كلام وانتى قولتلى بنفسك انهم ابتده يقوله عليكى بارده
بدل ما حد يضيقك احسن ولا ايه

[الجويرية]

ربنا يوفقنا الى مايحب ويرضى
وبصراحة مش بحب اجادل كتير
انا منهجى سمعنا واطعنا من غير
وجهة نظرى ولا موجهتش ولا الكلام ده
فالتستفت قلبك
طيب طالما هى مش شايفة انه غلط
بتسال فى المسالة دى ليه؟
اكيد فى حاجة من جواها شاكة فى الموضوع
ع العموم
ربنا ييسر الى فيه الخير