يوميات طالب ثانوى

lionsemsem · #1 27-05-2006, 03:38 PM

محدش يسالنى انا مش عاوز حد يقولى حصل اية انسو خالص حكاية كريم واختة انا مش هقلكو حاجة خالص انا لسة قفاية قصدى دماغى بتوجعنى من ساعتها ومش عاوزكوا توقعونى فى الكلام وتخلونى اقلكوا ان كريم جة الساعة ستة خدة اليمين فية خمس علامات زرق من الاخر اطلتشلة الم محترم اما انا بقى فابوية طبطب علية بشويش خالص بس الظاهر الطبطبة كانت فوق شوية مش على ضهرى على قفاية المهم

اليوم عدى علية يوم اسود
بعدها بكام يوم لقيت ماما بتقلى احنا مسافرين قرية فى المنصورة وهنبات يومين عشان احضر فرح بنت صاحبتى فلانة(نعم ياختى)لا اقصد يا ماما انا فى ثانوية عامة ولازم ازاكر (الخبيثة السوسة الى انا بحبها وبموت فيها ردت وقالت بمنتهى الطيبة ( من الاخر ماما دى زىالعسل بس زكية جداا) على العموم انا كدة كدة مسافرة لو عاوز تقعد مع والدك فى البيت انت حر)
يالهوى انا وبابا فى البيت لواحدنا لا لالالا لالالالالالالالالالالالالالالالالالالالالا ..........الفلاحين ارحم وبعدين دة شايل منى ومعبى من ساعة موضوع المعاكسة بتاعة اخت كريم
لا اروح اروح معاكى يا ماما انا مقدرش اسيبك لواحدك
المهم حضرنا نفسنا للسفر (وشحت البدلة بتاعة ابن عمتى والجزمة الكلاسيك بتعتو) المهم رحت وسافرنا وبيضت فى العربية وفقست وطلع عينى المهم فى الاخر وصلنا قرية وليكن اسمها ( ضع ما تراة مناسبا ) وليكن كشتمر ونزلت من العربية اسال بيت الحاج محمود المصرى فين ؟وسبحان اللة لقيتو عارف البيت فين بالظبط وروحنا مقلكوش على الترحيب الى اترحب بينا في البيت دة طلعنا على الدور التانى مع الحاجة عيشة صاحبة ماما ارتحنا شوية فى الدور التانى (المضيفة) كل دة وانا مخنوق جداا جداا انا اية الى جايبنى هنا المهم بعدها بشوية لقيت الدكتور محمد اخو العروسة طالع يسلم علينا وقعد يكلم ماما كتير عن زكرياتة معاها وهوة صغير وانا مخنوق جداا
وسلم علية قلتلة انا مخنوق الى انزل على القهوة معايا قلت كملت هتبقى قعدة خنقة وروحنا وجينا المهم اتضايقت جداا لانى مش عارف ادخن ولا عارف اخرج ولا عارف اعمل اى حاجة ورجعت البيت لقيت واقف ادام البيت بتاعههم عربية بى ام دبليوا 35 ملاكى القاهرة ولقيت الدكتور محمد ابن الحاجة عيشة بيقول عمى وصل قلتلة عمك عندو بى ام ملاكى القاهرة ورقمها 35لية يطلع ميييييييييييييييييييين يعنى ( رد عادى جداا وقالى سفير مصر فى كندا) .....؟؟؟؟؟ انا اتكتمت ولو لنت مكانى كنت (ضع ما تراة مناسبا) المهم انا طنشت خالص عادى دخلنا البيت لقيتة قاعد حاطت رجل على رجل طبعا يا سيدى سفير مين قدك رحت سلمت علية وسلمت على مراتة ولقيت حاجة بترن فى جيبة( اعوز باللة من الشيطان الرجيم اية دة عفريت) كانت الموبايلات نزلت مصر بقالها اربع خمس تيام كدة المهم لقيتة بيطلع راديو من جيبة او انا فكرت انة راديو والدكتور محمد فكر انة لا سلكى المهم طنشت خالص خالص واتكلم فية ولقيت ابنة الصغير ماسك راديو ومراتة ماسكة راديوا المهم وانا بكمل السلامات لقيت بنتة فى وشى مديت ايدى وسلمت عادى جداا جداا جداا
وطلعت على فوق انا م
صحيت تانى يوم لقيت العروسة الى احنا جاين نحضر فرحها محضرة الفطار بنت السفير وامها واخوها الصغير بيفتروا معانا
مفيش حاجة على الفطار اعرفها غير الفطير المشلتت والعسل الاسود والاتنين انا مبكلهمش لقيت جبنة برتقانى طنشتها خالص
لقيت طبق فية كبد وقوانص كان شكلها معقول كلت منة عجبنى امت واخدة ادامى وخدت رغيف شبة الاراميش ورفيع اوى كدة وكلت
المهم انى لقيت بنت السفير خلصط فطيرة مشلتتة عادى خالص ودخلت فى التانية وطلعلها شنب اسود من كتر العسل الى شربتة شرب والقشطة والحجات دى
امت لقيتها قايمة وراية ولقيتها بتقلى انت قمت بدرى لية قلتلها شبعت انتى اسمك اية قلتلى ( ضع اسم اكتر بنت معوجة انت عرفتها فى حياتك)
وقلتلها انا اسمى ..............,,,,,, المهم ساعتها لاحظت البيجامة الى هية لابساها نايك والشبشب نايك والطقية نايك يعنى بتنام فى طقم بالف جنية طنشت خالص انا كمان كنت لابس ترنج ماركة الجرس ومرسوم علية دباديب تقريبا كان بتاع ماما قبل ما اخدة ولا يهمنى
المهم لقيت والدتها بتقلى انت فى سنة كام قلتلها.....2....ثانوىوجبت كام السنة الى فاتت قلتلها 80% قلتلى كويس شد حيلك بصيت لمروة دة اسمها الى انا اخترتة قلتلها وانتى قالتلى انا جايبة 99.999999999%
(قمة الاحراج عادى جداا ولا يهمنى)
انا عارف ان انتو مليتو منى اعمل اية مش بالزمة الى انا فية دة ظلم دى حاجة( انا عارف الكلمة الى فى بالك وفى بالى واحدة هى هى الكلمة الى بتقولها على واحد صاحبك رخم مبتطيقوش)
الى القاء عند الدكتور النفسى الى هرحلة بعد رحلة العزاب دى

tarekalbolkeny · #2 27-05-2006, 08:20 PM

ثااااااااااااااااااااااااااااااااااااااااااااااااا ااااااااااااااااااااااااااااااانكس
الجزء الخااااااااااااااااااااااااااااااااااااااااااااامس بسرعه ارجوووووووووووك

lionsemsem · #3 28-05-2006, 04:51 PM

متشكر يا طارق؟؟؟ جدا جدا جدا

مهرة · #4 04-06-2006, 08:24 AM

ما شاء الله عليك

اسلوبك ممتع .

عند موهبه حلوة .

استخدمها فى كتابة القصص .

وانصح بالقراءة كتير حتى تتقن اللغة .

عارف انا هطلق عليك .

لقب قصاص المنتدى .

ايه رايك...؟؟

لو مش عجبك قولى .

...

.. يلا سلام

lionsemsem · #5 04-06-2006, 05:40 PM

متشكر جداا جداا يا مهرة انتى بتدينى حق اظن انا مستحقوش فى نظر ناس كتير فى المنتدى خصوصا انى مشترك جديد وبتهاجم بسرعة ستين حمار فى الثانية الواحدة مفيش غيرك انتى وطارق الى بتقروا انا بكتب اية وبتحاولوا تفهموا انا اقصد اية من كل كلمة بكتبها مع تحياتى شكراا