>>>الخصخصه مالها وما عليها<<<

[ayooosh]

السلام عليكم ورحمة الله وبركاته
.......................................
ازيكم عاملين ايه؟ يارب تكونوا بخير
انا كنت عايزه اكلم معاكوا شويه عن الخصخصه
انا عارفه ان الموضوع كبير بس معرفش طالبه معايا اتكلم فيه
فى البدايه ايه هى الخصخصه؟؟
الخصخصه بمفهومها البسيط هى تحويل الملكيه العامه الى ملكيه خاصه
الخصخصة
( ما لها وما عليها )

هذا المصطلح يتردد في الآونة الأخيرة على لسان عامة الناس وخاصتهم أفراد وجماعات دول وحكومات منهم من يتساءل عنه ، ومنهم من يشكك في جدواه وآخرون يمجدونه ، فما هي الخصخصة إذن ؟ وماهي فوائدها و أضرارها ؟ تعالوا نشوف و نحاول نتعرف علي ( الخصخصة ) عن قرب وأراء وأسانيد كل طرف .
تعريف الخصخصة:
هي عملية تحرير بعض القطاعات الاقتصادية ونقل ملكيتها كليا أو جزئيا من القطاع العام إلي القطاع الخاص.
وتختلف الدول في تحديد القطاعات المخصصة فمنهم من يقصر مجالات الخصخصة على بعض القطاعات بعينها كبعض القطاعات الخدمية والاجتماعية ، ومنهم من يتوسع فيها لتشمل أغلب قطاعات الدولة ، والأمر يتوقف على مدى إقتناع الدولة بالخصخصة وعوامل أخرى .
فوائد الخصخصة كما يراها مؤيدوها:
• إزالة الترهل الإداري بالشركات المخصصة من خلال التخلص من العمالة الزائدة .
• ضخ استثمارات جديدة للاقتصاد الوطني ،وكذلك دماء جديدة ذات أفكار جديدة .
• إضافة تكنولوجيا جديدة لم تكن موجودة من قبل.
• الاستخدام الأمثل للموارد المتاحة .
• فتح أسواق جديدة للمنتج الجديد .
• المنافسة الكاملة.
• إتاحة الفرصة للدولة للقيام بمهام أكثر أهمية كالدفاع والأمن وما شابه.
عيوب الخصخصة :
• يرى أنصار هذا الرأي أن الخصخصة مصطلح من صنع الاستعمار وهو إذن لا يخلو من المؤامرة.
• تخفيض العمالة يؤثر على العديد من الأسر .
• التأثير السلبي على الأمن القومي والاجتماعي من خلال دخول مستثمرين أجانب ذوي ثقافات واتجاهات وولاءات مختلفة إلى البلاد .
• التفريط في بنية أساسية كان يمكن استغلالها بشيء من الجهد.
• عدم الشفافية في عملية الخصخصة وما ينتج عنها من تغليب مصالح شخصية على المصلحة العامة .
• عدم الثقة في توجيه قيمة بيع الشركات المخصصة التوجيه الأمثل
• ارتفاع أسعار السلع والخدمات الجديدة ( رغم ارتفاع جودتها ) مما يصعب على شريحة كبيرة من ذوي الدخل المحدود الحصول عليها.
• الهدف الأساسي لإدارات الشركات المخصصة عادة ما يكون الربحية متجاهلة بذلك الأهداف الاجتماعية والبيئية وغيرها.
هذه نظرة سريعة على أحد أهم المصطلحات الإقتصادية في العصر الحديث آمل أن أكون قد وفقت والأمر يحتاج بالطبع الى مزيد من البحث من الجميع .

انت مؤيد للخصخصه ولا لأ؟؟
طيب تفتكر احنا بطبقها صح؟
لو مش متفق مع الخصخصه انت مش موافق على سياسة الخصخصه من اساسه ولا مش موافق على طريقه تطبيقها؟؟
طيب ليه لما الحاجه بتتخصص بتبقى ارقى وتلاقى الناس بتحافظ عليها لكن الحاجه لو ملك الحكومه تلاقى الموظف نايم ومش يحافظ على المكان وكل همه انه ياخد المرتب اخر الشهر؟

تفتكر ايه اللى يحصل فى العشر السنين الجايين فى الخصخصه؟؟
........................
مستنيه آرائكم ومشاركاتكم

موضوع جميل
انا هتكلم عن جزئية خاصة
وهى مشكلة مصر مع الخصخصه
انتى عارفه حاجة يا أية مشكلتنا فى مصر
ان الحكومة بتاعتنا فهمه كل حاجة
يعنى لما بيلقه شركة بتخسر بيجره بيع وخصخص
زى عمر افندى والبنوك وخالفه من الصروح الاقتصادية اللى اتنهبت
وفى الاخر باعوها برخص التراب
لا وكمان معرفناش فلوسها راحت فين
هى دى الخصخصة فى نظر الحكومة
وعلى رأى هانى رمزى خصخصه خصوصى وكان المفروض يلمه الشعب ويفرقه عليها الفلوس
او يعمله بيها خدمات للشعب
بس للاسف مفيش حاجة من دى حصلت والفلوس اختفت
والشعب المصرى ربنا انعم عليه بنعمة النسيان والصمت العاجز
شكرا على الموضوع