مارايك فى عمرو خالد ؟

[فتاة الاسلام]

.............................

عمرو خالد من افضل الدعاة الاسلاميين وانا مؤيد ذهابة للدنمارك بس انا هاقولك سبب انهم يوجهوا الى الاستاذ عمرو خالد انتقادات

بسبب الغيرة منه لانه بجد ما شاء الله معظم الناس بتحبو وبتسمع لو وعمنرو خالد مرة سألوا في فتوه رفض وقال انا لست مفتي


وعلى فكرة لو هما منتقدين ذهابه الى الدنامرك بيقولوا عليه فاشل


طيب الحبيب على الجفررررري هوه كمان بينتقدوا لانو راح؟؟؟؟؟؟؟؟؟؟؟؟؟؟؟؟؟!!!!!!!!!!

[فتاة الاسلام]

................................

بصي يا اختي عمرو خالد من افضل دعاة العصر الحديث وهاقولك اسباب اولا عمرو خالد غير في سلوكاياتي انا حاجات كتسر لاني بحبو جدا وبسمع ليه ومشترك في موقعو اللي بيقدم حاجات رائعه


ثانيا ناس كتير بتحبو وهوه غير فكر ناس كتير وكفايا برنامج على خطى الحبيب وعمرو خالد اكاديمي بتاع الحج

ودول اعطوا لاه شعبيه قوية ومن الاخر عمرو خالد موش بيختار برنامج الا وهوه عارف انو هيحقق منو هدف وربنا يكرمو ويهدي الناس التانيه

بس على العموم هوه شخصية رائعه وجميلة جدا حماه الله

[فتاة الاسلام]

.......................................

يا اختي موش كدا وانتي لو سمعتي دريم ون في برنامج العاشرة مساءا لمنى الشاذلي لما استضافتو


كنتي هتسمعي تعليقو وثانيا حكاية اللي موش بيصلي دا احنا ملنا طيب ما ممكن تلاقي واحد بيحب الرسول وموش بيصلي ولا ايه؟؟؟؟؟؟؟؟


بس عمرو خالد محترم وانسان رائع والجميع يشهد له بذلك وكفايا انو غير حياتي من اولها لاخرها بجد وهو اللي حببني في ديني اكتر واكتر وفي رسولي اكتر واكتر

لكن ليه حلقه هيه اللي غيرتني لكن موش هاحكي طبعا بس واحد اتصل بيه وزوجته المانيه وقال لعمرو خالد انتا السبب في اسلام زوجتي لانه سمعتلك حلقه بالصدفة وكانت قناة اقرأ بترجم تحت لو تفتكري

فاقتنعت واسلمت

[فتاة الاسلام]

..............................................

بصي يا اختي هم يريدون الا يذهب بريقهم لان لكل شيخ بريق اوكى فلما عمرو خالد ينشهر دا هيضرهم وكفايا ان الكتور يوسف القرضاوي يهتم بعمرو خالد هذا اخر كلام ليا وكفايا اسم يوسف القرضاوي يعني

[Merooo]

السلام عليكم ورحمة الله

اولا جزاكى الله خيرا يافتاة الاسلام على الموضوع.

بصراحة انا بحب الاستاذ عمرو خالد فى الله جدا.
وهحاول ان انا اكون مش متحيزة فى رأيى .

بصى انا شايفة ان الاستاذ عمرو خالدد اسلوب رائع جدا وشيق جدا
فى الدعوة وميتهيالى ان ربنا جعلوه سبب فى هداية ناس كتير جدا
وتغير ناس كتير منهم انا شخصيا.

ميتهيألى انوا غير مفاهيم عند ناس كتير كانت بتتكسف انها تكون متدينة مثلا بسبب
المظهر او...او .. .
كان الصورة عند ناس كتير ان المتدين مبهدل او المتدينة مش شيك او مش على الموضة
على فكرة انا مش قصدى بس على المظهر لأ فى حاجات تانية بس ده مجرد مثل .
يعنى انا بصراحة من اكتر الحاجات اللى اتعلمتها منه ان مفيش تعارض بين انك تعيش
وتعمل كل حاجة وفى نفس الوقت تكون متدين؛بس تعمل الحاجة فى مكانها ووقتها الصح.

بس بصراحة وده مجرد رأى شخصى وده ممكن يكون سسب الانتقادات التى توجه له هو انوا
قد يكون بيتساهل بعض الشئ بس هو مش بيتساهل هو مش بيحب يعقد الامور.
او بمعنى هو شايف النص ونص احسن من مفيش خالص .

بصى مثلا انا هسأل سؤال مين الللى بيواجه عمرو خالد؟؟؟؟؟؟؟؟؟؟
هتلاقى الشيوخ الناس المتدينة اوى مش عايزة اقول المتعصبين.

يعنى فى النهايةاحنا ممكن نقول انه بيحاول يخاطب الناس البعاد جدا
ودى حاجة معملهاش حد قبله ويحاول انه يحطهم على الطريق.

بس وربنا يهدينا كلنا .


واسفة جدااااااااااااااااااااااااااا على الاطالة.

[فتاة الاسلام]

.........................................

[tarekalbolkeny]

مش عارف انا رايى انه بجد داعية حلو بس مش حد ينكر انه غلط وغلطاته كتير ماشى وبرده محاسنه كتير والسلام عليكم ورحمة الله وبركاته

[فتاة الاسلام]

.................................

[Merooo]

انت بتقولى الدين مفهمش نص ونص.

هى دى بقى نقطة الخلاف هو شايف ان نص الكوب
افضل من الكوب الفارغ.

وبعدين انت بتقولى بيغلط طب يا جماعة محنا بشر
ولا زم نغلط محدش مبغلطش وخير الخطائين التوابين.

والله انا مش متحيزة بس انا بحاول اوضح الصورة
وبحاول احط نفسى مكانه.

[amr_gabr]

في نوعين من الناس مفسدين ومصلحين
والمصلحين بينقسموا ثلاث انواع نوع بيواجه الفساد صراحتا وغالبا النوع ده بتكون نهايته مأسويه خصوصا لو في مجتمع الفساد فيه قوي.
او بينجح في تحدي الفساد وبيبقى بعد كده مثل للمصلحين يتبعوه زي سيدنا ابو ذر الغفاري و مواجهة لقبيلته الفاسده وتشكيلهم على شكل الاسلام بعد ما كانو مفسدين وقاطعي طُرق .
و النوع الثاني يندمج في مجتمع المفسدين ويبدا يحولهم بالتدريج من غير ما يواجههم جهرا
والنوع الثالث بيتمسك بس بصلاحه من غير ما يواجه الفساد ويبقى مثال للصالحين يتبعوه.
عمرو خالد من النوع الثاني بيندمج في المجتمع بكل اشكاله والوانه وبيحاول يصلح فيه وطالما هدفه الاصلاح وطالما هو بينجح في اصلاحه خلاص يبقى انسان كويس ويستاهل كل التقدير والاحترام

[tarekalbolkeny]

ماشى يا فتاة الاسلام احرجينى بس ماشى لما عمرو خالد مثلا يقول ربنا عايز ويصفه بصفة العوز اللى هيا من صفات البنى ادمين وربنا اذا اراد شيئا فانما يكون له كن فيكون وده لما قال ربنا عايز يمرمط سيدنا موسى وكما حد يعمل اعلان لقناه زى art الحكايات بالزمة دى قناة هادفة عشان حد يعمل فيها اعلان مش اى حد ده الداعية عمرو خالد