تم استلام رسالة خاصة

[noor_20]

السلام عليكم ازيكو يا جماعة عاملين ايه فى موضوع ممكن يكون عادى وممكن يكون غير عادى بس انا مستغرباه
هو ايه فائدة الرسالة الخاصة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
المفروض انها تكون تتسعمل لو عضو اتنقلوا موضوع لو عضو عايز يستفسر على حاجة من مشرف كده بس اللى اتبعتلى غير يعنى رسايل نقل مواضيعى حاجات تانية مستفزة يعنى مثلا كنت عاملة موضوع من فترة باخد رايكو عن حاجة يروح عضو يدخل يقرا الموضوع ويروح بعتلى رسالة خاصة ويقولى فيما معنى كلامه طب انتى كنت هتعملى ايه ويكتب ايميله تحت طب ده كلام والنبى طب انت عايز تعرف رايى اكتبه فى الموضوع وانا ارد وده اللى انا قولتهولو وحاجات تانية زى كده وفى العيد مثلا واحد خلاص عيد عليا فى موضوع يروح بعتلى رسالة خاصة تانى ويقولى كل سنة وانتى طيبة انا من نظرى ان الكلام ده غلط وما ينفعش ان الواحد يستخدم خدمة زى دى(الرسايل الخاصة)فى تفاهات واستظراف ممكن اعضاء يقروا الموضوع ويضايقوا من كلامى بس انا عملاه عشان اعرف الناس اللى بتعمل كده بتعمل كده ليه وياريت كل واحد يقولى ايه رايه والاختلاف فى الراى لايفسد للود قضية
ومستنية رايكم

[فجر الإسلام]

هو لو حد كان ضايقك بكلمه في الرساله يبقى ليكي حق
أو لو حد كتب إيميله برده ده غلط
انما حكاية حد يعايد عليك مفيش مشكله

[noor_20]

اوكى يا قمر حكاية ان حد يعيد عليا هى ما فيهاش حاجة انا عارفة بس انا شايفة انه عيد خلاص فى الموضوع يعنى مالهاش لزمة اقصد لكن حكاية الايميل دى بقا اللى فيها وفيها وشكرا على مرورك يا قمر

[the black rose]

المشاركة الأصلية كتبت بواسطة فجر الإسلام

هو لو حد كان ضايقك بكلمه في الرساله يبقى ليكي حق
أو لو حد كتب إيميله برده ده غلط
انما حكاية حد يعايد عليك مفيش مشكله

انا مع راى فجر الاسلام
و انتى لو حد دايقك تقدرى تبعتى لاى مشرف ادارى تقوليله
لو معملش حاجة تبقى تقولى لاى مدير:abdoog8:
بس هى الرسايل الخاصة مش وحشة لو استخدمناها صح

[biob]

تصدقى يا نور انا كنت عاوز ابعتلك رساله خاصه علشان موضوع مع السلامه بتاعك ده
الحمد لله انى مابعتش كان زمانى بتهزأ دلوقتى

[Lost Dreamer]

مينفعش نحاسب الناس الي بتعيد عليكي وكده لان انتي مش عارفه نيتهم ايه صح

ولا كلامي غلط والي اتلاقيه قاصد وبعت تاني وكده يبقي ساعتها اعملي في الي انتي عاوزاه وتشتكي الاداره لازم نفرض حسن النيه في الناس حتي يثبتوا العكس ولو مش موافقه علي كلامي ابعتيلي رساله خاصه هههههههههههههههههه

[السمراء]

ممكن تقبلى مرورى الاول
هى الرسايل الخاصة بجد لها اهمية ان فى كلام مينفعش تكتبه فى الموضوع اى نعم له صلة بس ممكن المشرف يحذفه
لو مش عايزة الرسايل الخاصة امنعيها سهلة اكيد
لو حدرزل وبعت ليكى رسالة ........ولا كان ومترديش وهو اكيد صعب انه يبعتلك تانى

[بنت دمنهور]

بصى انا معاكى والله ان دى حاجة تزهك وتزعل

انا كمان بتجيلى رسايل ملهاش لازمة كدة

ومن كام يوم واحد بيقول انا ملقتش حد من البحيرة غيرك اكلمه ممكن نتعرف

دا بيستهبل ده ولا ايه

انا بقى لارديت عليه ولا عبرته واكيد عمروا ما هيبعت تاني

يعنى انتى لاتردى عليهم ولاتعبروهم واحذفى الرسالة على طول

يعني اكيد كلنا بنتعرض لحجات من دى وبنزعل

ومنه لله اللى بيستخدم الخاصية دى غلط

بس احنا مينفعش نليغها علشان بنعوزها علشان نراسل ناس طيب نعمل ايه

تقبلي مرورى

[wafa2y]

طب فيها إيه يا شباب لما نصوت علي إلغائها
و نحط مكانها رسايل الزوار
و اللي ليه زمايله بيراسلهم ما هو عنده الميل
صح و لا أنا غلط؟؟؟

[noor_20]

يا جماعة انتوا برده ما فهمتونيش انا بقول ان معظمنا بيستعمل الرسايل الخاصة غلط وكل الناس اللى عيدوا عليا انا ما بعترضش بل بالعكس انا بشكرهم على اهتمامهم انا بكلم عن موضوع عام انتوا كلكوا قلبتوا الموضوع عليا وما بتتناقشوش بوجه عام انا بقول ليها فايدة بس احنا بنستخدمها غلط وانا عارفة ان فى اسئلة ما ينفعش ان احنا نقولها لازم نبعتها رسالة خاصة ودى فايدتها انا بقى بكلم على اللى يبعتلى ايميله واللى كل شويه يعيد عليا والناس اللى بتقولى احذفيه ما انا اكيد بحذفها بس انا لاقتها طريقة سلبية للتعامل مع اى مشكلة والمشرفين داخلين يقولوا ابعتى للادارة عن اللى عمل كده اوليه اقذى حد بدل ما تقولوا نعمل فكرة جديدة للرسايل الخاصة نستفيد منها ياريت قصدى يكون وصل والسلام للجميع

[noor_20]

المشاركة الأصلية كتبت بواسطة biob

تصدقى يا نور انا كنت عاوز ابعتلك رساله خاصه علشان موضوع مع السلامه بتاعك ده
الحمد لله انى مابعتش كان زمانى بتهزأ دلوقتى

ليه وانا اصلا ما قصدش انى اهزق حد والله انا بتكلم على الناس اللى بتستخدم الخاصية غلط وبعدين انا لا اجرؤ انى اهزق حد محترم زى حضرتك لان انا كنت ساعتها متضايقة وهسيب المنتدى بس خلاص وعمرى ما كنت هزعل لو حد ساعتها بعتلى رسالة خاصة كنت هحس ان الناس اللى فى المنتدى عايزانى معاها والله اوعوا تفهمونى غلط انا بتكلم على الناس اللى بتبعتلى ايميلها وكل شويه تعيد عليا وكلام كده مش ظربف واسعدنى مرورك

[الجنتلة]

واللة انا شايف ان الرسايل الخاصة زى ما ليها اهميتها برضو ساعات فى ناس تستخدمها غلط زى حكاية التعليق على موضوع طب ما الموضوع قدمكم اهوة واللة عايز يقول حاجة يقولها لا دة مش بعيد انك تلاقى رسايل جاتلك على الخاص بتقول اية رايها فى الموضوع دة

[ليلى ابراهيم28]

اكيد ليها ضرورة فعلا بس مش دايما

[Drowns in a sea grief]

والله انا من راى
ان الرسايل الخاصه كويسه
مش من المفروض انها تتحزف يعنى لان كل عضوا بيبقا عندة بعض
الخصوصيات يعنى رسايل الزوار بتبقا كل الناس بتشفها
اما بالنسبه لرسايل التعارف دى بتبقا حاجة تخنق
كل واحد فرحنلى باميلوا و رقم موبيلوا
و يقعد يقلك اسموا و كليتوا و هو منين
تحسى اناوا داخل يتجوز
معلش خرجت عن املوضوع
بس صراحة الموضوع غيظنى
المفروض بس يبقا فى رقابه عليها
ملحوظة بيتهيقلى ان مكان الموضوع مش هنا

[bosy .. mostafa]

انا لغيت الرسايل الخاصه بسبب الإستفزاز ده
بس بصي اللي يبعتلك كده .. مش تردي عليه
انا كنت بطنش اي حد يبعت يخنق عليا
بس اتضح بعدين ان التطنيش مش جاب نتيجه معاهم
لإنهم كانوا بيبعتوا (ياقمري مش بتردي ليه ) , (الجميل ماله قافش علينا)
وكلام اهبل كده
فرحت لغيتها و خلاص
اعملهم ايه يعني