كل الي محتاجين لي كلمة شكر

ملكة العرب · #1 01-10-2008, 01:07 AM

السلام عليكم ورحمة الله وبركاته

اولا عيد سعيد عليكم

وارجو منكم ان تتقبلو ا موضوعي

كلنا لما اسم موضوع يشدنا بندخل ولا لا ؟

والموضوع مش يعجبنا بنرد ولا لا ؟ لا قول الحقيقه

حتى لو الموضوع مش عجبنا نقدر العضو حتى لو كان (عضو جديد عدد المشاركات 1) ونكتب لي شكراا
هو مش محتاج اكتر من كلمة شكر

علشان مش يحس ان تعبه راح على الفاضي ده هو بيبقى عايز يفيدكم على طول
المشاهده 450 الردود 6 طيب ليه كده
وانا ملاحظه ان الي بيتكتب ليهم الي هما بيكون ليهم اصحاب كتيرررر
لاكن الي لسه جداد فدول مانسين الجداد دول بيطلبوا منكم كلمة شكر

انا عن نفسي بضايق لما ادخل واشوف مشاهده108 والردود 0 دي حاجه بضايقني علشان كده اي موضوع ادخله لازم اعلق فيه

وشكراااااااااااااااااااااااااا

وسلام والسلام ختام

ملكة العرب · #2 06-10-2008, 10:30 PM

شكرا على الردود ميرسي على تاديركم ليا

Taer Al Ghram · #3 06-10-2008, 11:45 PM

اشكرك بما انى عضو جديد ########بس الحق الموضوع فى محله واشكرك بالنيابة عن كل الاعضاء الجدد

Mohamed_AmeesH · #4 07-10-2008, 11:49 AM

بصى يا ملكه العرب هوه انا عملت الموضوع ده من فتره كده
بس كان فى الركن العام هوه اى نعم الحكايه دى تخلى الواحد يزهق ويضايق
وانه بيجتهد علشان يجيب موضوع هنا وفى النهايه يلاقى الردود 2 او 3 لمن المشاهدات 200 وارقام تانيه غريبه
بس على فكره انا اقتنعت برأى الاستاذ مجدى اللى هوه عضويته اسمها بورسعيدى
واليكى الرد بتاعه

اقتباس:

قرأت موضوعك ولم اقرأ الردود حتى الا اتأثر بآراء القراء

عموما هذا طبعى

موضوع مهم جدا واحب اعرفك انى والحمد لله قارئ جيد ولكن مش اى موضوع ارد فيه

فالموضوع الجيد يرغمك على الرد وينذع الرد من داخلك

تعالى بقا لموضوع عدد المشاهدات والردود

طبيعى جدا ان يتفوق عدد المشاهدات عن عدد الردود

لعدة اسباب اولها

ان ممكن الموضوع يكون ضعيف ولا يجذب القارئ نحو الرد وبالتالى يقلع عنه

وثانيها اننى مثلا دخلت موضوع وعجبنى ولكن كان الوقت لا يسمح بالرد فتعد مشاهدة

وبعدين ادخل فى وقت لاحق علشان ارد على الموضوع وهذه واحدة اخرى

وبعدين ادخل تانى علشان اشوف رد صاحب الموضوع على ردى وهذه مشاهدة ثالثة

وممكن ادخل نفس الموضوع علشان اتابع ردود اشخاص معينه او اسلوب ردك على هؤلاء الاشخاص وهنا تحسب مشاهدة اخرى

ثالثها فى بعض الاحيان اقوم بالرد وبعد اعتماد المشاركه اكتشف اخطاء املائية فادخل مرة تانيه للتعديل

واحيانا بعد اعتماد المشاركه اكتشف اننى نسيت نقطه معينه كنت اود اضافتها لردى فاضطر ان ادخل تانى لاضافه ما نسيته وهكذا
واظن هنا يتبين لك سبب زياده المشاهدات على عدد المشاركات

رابعها احيانا تجد عنوان الموضوع يجبرك على الدخول مثل ( ضرووورى تدخل - الى مش هايدخل خسران - ارجوكم الدخول والمشاركه ) وبعد الدخول تجد موضوع ضعيف فتخرج وتمتنع عن الرد وايضا تحسب مشاهدات على حساب الموضوع
احيانا يكون عنوان الموضوع المبالغ يكون سبب فى هذه الظاهرة

والان وبعد اعتماد مشاركتى سوف اقرأ ردود من سبقونى

شكرا لك

على ما اظن كده تكونى اقتنعتى بالفكره

واليكى ايضا لينك الموضوه لو حبيتى تشوفى الردود

http://www.thanwya.com/vb/showthread.php?t=70719

..Just Stop · #5 08-10-2008, 04:31 PM

المشكلة مش مشكلة جديد وقديم ( مع انها فى المنتدى دا بتفرق )
المشكلة فى الموضوع المكتوب نفسه
انا مثلا لو عامل موضوع ومستنى انى حد يشكرنى ويقولى شكرا انا مش محتاج الموضوع دا اصلا
لو حد يرد يبقا يتناقش
انا بتخنق من كلمة شكرا دى لانى بشوفها كتير
هو تقدير العضو فهلا انى اتناقش فى موضوعه مش اشكره وبس
شكرا على الموضوع ودمتم فى رعاية الله

biob · #6 10-10-2008, 02:56 PM

اقتباس:

المشاركة الأصلية كتبت بواسطة ملكة العرب

شكرا على الردود ميرسي على تاديركم ليا

يا ملكه معلش ان محدش ردكتير برضه مع ان الموضوع مهم
انتى اللى غلطانه
انا نفسى اعرف ازاى الموضوع ده مش فى الركن العام
انتى ليه عاملاه فى الاهداءات

dr.zomba · #7 10-10-2008, 03:59 PM

انا مش عارف حضرتك بتتكلمي علي انهي موضوع

بس اللي عايز اقولهولك ان في مواضيع لاعضاء قدام وبتبقي الردود اللي في قليله جدا رغم انها مواضيع مهمه جدا جدا

عندك مثلا الموضوع دا
الجزء الثاني : ادخل وبعد الانتهاء من القراءة قل " اشهد ان لا إله إلا الله "

لاحمد رضا 135 مشاهدات و 8 ردود

واعضاء كتير جدا غيره قدام وجداد

بس محدش بيستني كلمة شكر

وعموما متزعليش

Travel · #8 11-10-2008, 08:33 AM

على فكرة عادى جداا يا ملكة العرب
انتى عارفة الموضوع ده انا شفت مناقشته قد ايه

حوالى اربع او خمس مواضيع كانت بتناقش فى كده
المشاهدات كبييرة والردود قليلة

بس كلنا كده عادى
ده حتى الاعضاء القدام اللى مواضيعهم تحفة بجد بلاقى الردود فيها قليلة والمشاهدات كبيرة

ده على اساس ان اللى بيدخل بيكسل يكتب الرد اللى بيقول فيه رايه

مش كلمة (شكرا على الموضوع)

لان المواضيع هدفها الاساسى المناقشة
ده بغض النظر عن المواضيع اللى بيبقى جواها معلومة

بس برضه عادى

احب اقولك ان ده مش اول موضوع يتعمل فى الحكاية دى

اه نسيت

اقتباس:

شكرا على الردود ميرسي على تاديركم ليا

ده لانه اصلا مش مكانه
وحتى اللى دخلوا وقالوا كده
واضح ان مشرف القسم مدخلش الموضوع لسه
او حد من الادارة علشان ينقله

السمراء · #9 11-10-2008, 08:59 AM

معلشى والله زى ما اخوتى اللى سبقونى وقالو دى مش بتحصل مع الجدد بس والله بتحصل مع كله
ومش لازم عدد المشاهدات ده كله يكون للاعضاء......فى زوار برده
انا صحيح بدخل وبرد فى مواضيع ......وفى مواضيع مش بشوفها اصلا........وبجد فى مواضيع بدخلها وبحاول ارد لكن مش عارفة اقول ايه فبخرج وانا زعلانة بس مفيش حل