رسالة إلى أساتذتنا الأفاضل المصححين اللي هيصححوا امتحانات الثانوية العامة

[أحمد بن محمد بن صقر]

السلام عليكم ورحمة الله وبركاته

رسالة إلى أساتذتنا الأفاضل المصححين اللي هيصححوا امتحانات الثانوية العامة الرأفة والرحمة بالطلاب وعدم التعنت في التصحيح وتذكر أن لكل مدرس سيكون له أبناء وفي يوم من الأيام سيمتحنوا امتحانات الثانوية العامة وسيضغطون نفسيا وهكذا


أنا أقول ذلك لإني العام قبل الماذي كنت في الثانوية العامة وكانت درجتي نهائية في كل المواد باستثناء العربي ناقص فيه 8 درجات كاملة 6 منهم في الأدب يعني أنا أخدت صفر في الأدب رغم إني أقسم بالله إجاباتي كلها كانت صحيحة 100% وكنت كاتب بزيادة كمان

لكن الأستاذ اللي صححلي الأدب ((ربنا ينتقم منه )) عملي على كل إجابة غلط وضيع عليا كلية الطب فياريت على جميع مدرسي اللغة العربية أن يضعوا أنفسهم مكان الإباء والأبناء والرحمة والشفقة بالطلبة حتى لا يضيع مجهود كل هذه السنين هباء منثورا

أنا عملت تظلم وبهدلت والدي ووالدتي معايا ورفعت قضية واتبهدلنا سنة كاملة وفي الآخر جبت درجات الأدب اللي الأفندي نقصني فيها ولكن بعد القضية حكمت بعد لما قضيت سنة كاملة في طب أسنان وحولت طب بشري ولكن ضاعت عليا سنة

بالله عليك هل فرع الأدب في اللغة العربية ينقع تنقصني فيه علشان نسيت اسم شاعر ولا ما كتبتش اسم مسرحية تستاهل تضيع عليا مستقبلي علشان كدة

الرحمة الرحمة الرحمة الرحمة الرحمة . ارحموا الطلبة وارحموا أولياء الأمور