ممكن تتفضل هنا ثوانى هسالك سؤالين سؤالين وخلاص

[noor_20]

بسم الله الرحمن الرحيم






هل تبكي ؟ .. أنت إنسان

وهل الحيوان يبكي ؟ .. نعم

إذاً ليست صفة خاصة للإنسان

هل تشعر وتتألم ؟ .. أنت إنسان

وهل الحيوان لا يشعر ولا يتألم ؟ .. بل يشعر ويتألم

إذاً ليست صفة خاصة بالإنسان

إذاً أين الإنسانية ؟؟

لنرحل معاً ..

نبكي ونشعر ونتألم والحيوان كذلك

لكن الذي يميزنا هو الترابط

قف

وأيضاً الحيوانات بعضها تعيش في ترابط

لقد احترت أين الإنسانية إذاً

ما الذي يجعلنا نتميز عن الحيوان ؟

وجدتها .. العقل

الإنسانية تتميز عن الحيوان بالعقل

لكن ذلك العقل قليل منا من يستخدمه

فهل حينها نقول أنهم كالحيوان

ربما ذلك ..

قال تعالى

[ وَلَقَدْ ذَرَأْنَا لِجَهَنَّمَ كَثِيرًا مِّنَ الْجِنِّ وَالإِنسِ لَهُمْ قُلُوبٌ لاَّ يَفْقَهُونَ بِهَا وَلَهُمْ أَعْيُنٌ لاَّ يُبْصِرُونَ بِهَا وَلَهُمْ آذَانٌ لاَّ يَسْمَعُونَ بِهَا أُوْلَئِكَ كَالأَنْعَامِ بَلْ هُمْ أَضَلُّ أُوْلَئِكَ هُمُ الْغَافِلُونَ ] سورة الأعراف الآية 179



وقال تعالى

[ أَمْ تَحْسَبُ أَنَّ أَكْثَرَهُمْ يَسْمَعُونَ أَوْ يَعْقِلُونَ إِنْ هُمْ إِلاَّ كَالأَنْعَامِ بَلْ هُمْ أَضَلُّ سَبِيلا ] سورة الفرقان الآية 44



ومستنية رايكم

[ayooosh]

فعلا معاكى حق
ربنا كرم الانسان بالعقل ميزه عن باقى المخلوقات
وعشان كده لازم نستخدمه صح
بس لسه الدنيا بخير
لسه فى ناس بتفكرمش ماليه عينك انا ولا ايه

ههههههه

موضوع هايل تسلمى

[noor_20]

هههههههههه شكرا على مرورك يا جميل

[هنا الفقي]

موضوع جميل فعلا بس تصدقي اول مرة افكر ف ان الحيوانات كمان بتحب وتكره وتتالم وتترابط مع اني عايشة مع حبة قطط ومتعلقين ببعض جدا لكن فعلا اول مرة افكر فيها كده وفعلا هو العقل

[الامير صاصا]

فعلا الموضوع ده جه فى وقته

لان فى ناس فعلا ناسية

ان ربنا ميزهم عن الحيوانات

وعايشين كده وخلاص

وشكراا على الموضوع

[themoondream]

ميرسى ليكى على الموضوع الرائع ده
مش عارفة اقول ايه غير ان العقل ده
نعمة كافية تخلينا ليل نهار نحمد ربنا عليها
الحمد لله على نعمة العقل , ربنا يدمها علينا

[KHALOOOD]

بجد موضوع رائع
وطريقه عرضه اكثر من ممتازه
فعلا هنفرق ايه عن الحيوانات اذا المخ فى البتنجان
جزاكى الله خيرا ع الموضوع الجميل دا

[biob]

مظبوط كلامك
امال انتوا مفكرين الحيوانات دى ايه
انا دكتور بيطرى وعارف
شكرا يا نور على الموضوع اللى فى صالحنا ده

[MohammeD el_SadaT]

المشكله دلوقتى
إن اللى بيفكر ويشغل عقله بيبقى حاله شاذه عن المجتمع وبيبصوله على إنه منبوذ إزاى يشغل عقله هو إتهبل
ال يفكر ال
ليه هى الدنيا خربت
لاء هتوه وإرموه فى السجن هو واللى زيوه عشان يعرفوا إن كده غلط يفكر ينهار إسود ال يفكر ال
إمال إحنا ننصب ونسرق وننهب إزاى
ال يفكر ال

[msamido]

مش بس مهم أنك تفكر

انت ممكن تفكر لغاية ما تتخنق وتموت من التفكير
بس تفكيرك جواك وبس مفيش أى نتيجة لتفكيرك غير النتيجة السابق ذكرها "تتخنق "

يبقى إيه لازمه التفكير ولو كل نتيجته الخنقه والقرف
ودى مش دعوة لعدم التفكير لكن دعوة للتفكير بشكل إيجابى إن تفكر وتفكر إزاى تطبق فكرك

.
.

[noor_20]

شكرا اخوانى على مروركم جميعا بس احب اضيف حاجة ان ربنا سبحانه وتعالى امرنا بالتامل فى خلقه لنشعر بمدى النعمة اللى احنا فيها والتامل هيؤدى الى التفكير والتفكير الصحيح اكيد هيؤدى الى شىء عظيم اكتشاف مثلا وعلى سبيل المثال نيوتن لما وقعت عليه التفاحة ما كلهاش زينا وخلاص اول حاجة دارت فى ذهنه هو ان ليه التفاحة سقطت كده ومن هنا اكتشف قانون الجاذبية اهو شوية تفكير وصولونا الى قانون مهم بنتعلمه لحد الان فى المدارس مش المهم انك تفكر فى ايه المهم انك تفكر صح الانسان المصرى اذكى مخلوق والله بجد فلا داااااااعى للاحباط

[noor_20]

المشاركة الأصلية كتبت بواسطة biob

مظبوط كلامك
امال انتوا مفكرين الحيوانات دى ايه
انا دكتور بيطرى وعارف
شكرا يا نور على الموضوع اللى فى صالحنا ده

العفو اى خدمة ههههههههههههه

[the black rose]

طبعا ربنا ميز الانسان بالعقل
بس هو فين دلوقتى العقل
بس بردوا فى ناس لسة محتفظين بيه الحمدالله
و العقل بردوا عند كل الناس
بس مين بيستخدموا
يعنى بردوا احنا بنختلف عن الحيوانات

[Dr.DifferenT]

أولا شكرا ع الموضوع
موافقاكي ع كل اللي قلتيه
بس كنت عايزة أقول ان في آخر الآية الكريمة (إِنْ هُمْ إِلاَّ كَالأَنْعَامِ بَلْ هُمْ أَضَلُّ سَبِيلا )
يعني الانسان اللي مش بيفكر بيبقى أكثر ضلالا من الحيوانات لأنه عنده العقل (وسيلة التفكير)
لكن ما بيستخدمهاش
و حاجة تانية .. التفكير لازم يكون في الطريق الصح وكمان لازم يكون في تطبيق للتفكير ده
لأن هتبقى ايه قيمة التفكير من غير ما يكون في تغيير