من هم يأجوج ومأجوج ؟

[صوت الامة]

يأجوج ومأجوج مش شخصين زي ما الاسم بيوحي..دي اسامي قبيلتين من نسل يافث بن نوح
قبيلة يأجوج اسمها مأخوذ من أجيج النار ( إلتهابها بشدة)
وقبيلة مأجوج اسمها مأخوذ من الماء الأجاج الي هو شديد الملوحة لدرجة انو بيحرق من كتر ملوحته......و شكلهم غريب عن البشر ..
وشهم عريض مدّور ومُسطح ومليان , عيونهم صغيرة , شعرهم اسود محمر
أقوياء جدااااا ومحدش يقدر عليهم
أعدادهم كبيرة لدرجة ان يوم القيامة لما ربنا يأمر بإخراج أقوام من النار للجنة هيخرج شخص واحد بس من كل 1000 ,, والمقصود إن الـ999 من يأجوج ومأجوج هيفضلوا في النار , و الواحد ده من باقي نسل آدم هو الي هيخرج للجنة -
ذُكر إن الواحد منهم أقل حاجة يخلّف 1000 من صلبه!
فتخيّل كمية الفساد الي ممكن تحصل بـ قوم أضعاف أضعافنا عدداً وقوةً وبأساً
_ وهما كانوا مفسدين فى الارض وبيهجموا على القبائل وياخدوا خيرها وكانوا بيعملوا حركه انهم يسيبوا القبائل سنه يزرعوا وبعدين يهجموا يعنى كل سنه وسنه ياخدوا الخير
ووقتهم كان فى ملك صالح اسمه ذى القرنين ربنا سبحانه وتعالى خلاة يملك الارض كلها
وكان معاة علماء فى الهندسه والجغرافيا والفيزيا وكل العلوم
وكان ملك عادل واى مكان يروحه ينشر فيه الخير والامل
والملك دا كان بيروح لاخر مغرب الارض يعنى المكان اللى بتغرب فيه الشمس وبيروح لمشرق الارض يعنى المكان اللى بتشرق منه الشمس علشان كدا لقب بذى القرنيين
وفى اثناء رحلاته قابل قوم استنجدوا بيه من ياجوج وماجوج وعرضوا عليه اى مبلغ مالى مقابل انه ينجدهم منهم
بس هو رفض اى مقابل وطلب انهم يساعدوة وجمع كل العلماء بتوعه واقترح عليهم يبنوا جدار ردم مش سد لان الردم صعب الفناء انما السد ليه عمر
وبدوا فعلا يبنوا الردم وجاب حديد وعملوا الواح متساويه وحط الالوان بين جبلين وبدا ينفخوا فيهم النار لحد اما احمرت وجابوا نحاس مذاب ودلقوة وهو سخن
وبـ كده تفاعل النحاس مع الحديد عمل حاجتين :
•صنع سد منيع وقوي صعب جداااا إن حد يكسروا
• جعل الردم أملس فبقى إستحالة حد يتسلّقو .. وده معنى قوله تعالى (فما اسطاعوا ان يظهروه ) يعني يتسلقوه
ومن ساعتها قوم يأجوج ومأجوج محبوسين في مكانهم على الأرض الي محدش يعرفو ,, وخروجهم منو هيكون من علامات قيام الساعة
_
وفى بعض العلماء قالوا ان ياجوج وماجوج كل يوم بيقعدوا يهدوا فى السد بكل قوتهم فلما يبتدى يبان ليهم شعاع الشمس من ورا السد ويكون قرب يتهدم يقولهم قائدهم هنكمل بكرة !!
فيرجع السد تانى بقدرة ربنا ويبداو هما تانى وهيفضل كدا لحد اما فى يوم هيقول نكمل بكرة ان شاء الله
ويهدوة ويحخرجوا وهيخربوا فى الارض وهيستمروا فيها لحد اما ربنا هيبعتلهم حشرة اسمها (نغف ) ودى حشرة فى انف الجمل وهتقضى عليهم

المصادر والمراجعه :
الشيخ الشعرواى
كتب ابن القيم
وكتب فى السيرة النبويه وتفسير القران

[ali aliii]

شكراااااااااااااااا جزيلا........