فعلا المعلم حرامي وصدق الوزير.. لهذه الاسباب!

[seryo]

قال نشطاء المعلمين على مواقع التواصل الاجتماعي"فيس بوك"، لما اعلي مرتب في التربية والتعليم بعد ٤٠ سنة خدمة ٢٥٠٠جنية وساكت يبقي انا حرامي.

واضاف النشطاء، لما مرتب حضرتك ٤٥ الف جنية غير البدلات والامتيازات ومجموعات التقوية ومشاريع راس المال وخلافة يعني مرتب مدرسة باللي فيها ، ومرتبيتنا لا تتعدي الف ونص وعايشين وخلاص والبركة من ربنا يبقي انا حرامي.

لما الوزارة بتصرف مرتبي علي ٢٠١٤ علي غير كل الوزرات والخصم علي ٢٠١٦ وانا ساكت يبقي انا فعلا حرامي.

لما بسرق وقت اولادي واروح احرس المدرسة بالليل بدون ادني مقابل علشان معندكش عمال حراسة يبقي انا فعلا حرامي.

لما ابقي انا الوحيد اللي اتمني الستين طالب اللي في الفصل افضل مني يبقي انا حرامي.

لما كل المعلمين بيشتغلوا بعد الظهر علشان يكفي بيتة يبقي فعلا حرامي لانة سرق وقت اولادة.

لما يكون في معلمات فضليات بتشتغل بالليل في عيادات خاصة علشان بتربي في أيتام يبقي فعلا حرامية

لما بنتدب لاعمال الامتحانات وتوديني اخر الدنيا في شهر يونية واصرف يوميا٥٠ جنية وبعدين تصرفلي في شهر سبتمبر كام ملطوش يبقي فعلا حرامي.

لما زميلي في الديوان تحسبلة مكافاة امتحانات ٩٠٠يوم وانا ٠٢٠٠يوم وساكت يبقي انا حرامي.

لما يبقي عن حضرتك جيش جرار من المستشارين مرتب الواحد فيهم بمرتب ١٠ معلمين يبقي انا حرامي.

لما تعملي اكاديمية مهنية للمعلم وتيجي ترقيني تدفعني فلوس يبقي انا حرامي.

لما مستشفيات التامين الصحي للمعلمين دون المستوي ومش عارف اتعالج يبقي انا حرامي.

لما نقابة المعلمين تطلع مصاريف دفنة للمعلم المتوفي فضلة خيرك ١٠٠٠ جنية بعد شهرين يبقي انا حرامي.

لما اموت بترمي رمية الكلاب ولا حد يسأل عن ولادي يبقي انا حرامي.

لما اصحي الفجر واتبهدل في المواصلات علشان اروح مدرستي علي الطابور يبقي انا حرامي.

لما اشتري دفتر تحضير ب٤٠جنية من قوت عيالي بيقي انا حرامي.

لما اشتري وسائل ايضاح واقلام سبورة وطباشير اسبوعيا ب ٣٠ جنية من قوت عيالي بردو انا حرامي.

لما يبقي عندك ماكينات في التعليم الفني وبتتعطل بنصلحها علي حسابنا علشان منعطلش العملية التعليمية يبقي انا حرامي.
لما اصلح حنفيات الحمامات للطلبة من جيبي يبقي انا حرامي.

لما اعمل امتحانات النقل واصورها علي حسابي ومن قوت عيالي للطلاب يبقي انا حرامي.

لما اعلم الطلاب القيم والاخلاق وان السرقة حرام يبقي انا حرامي.

لما اكافئ ابني او بنتي المجتهدة من جيبي الخاص يبقي انا حرامي.

لما يبقي عندك معلمين حاصلين علي الدكتوراة ويشرفوا مصر في محافل دولية يبقي اكيد حرامية.

لما بنقدملك طلاب مخترعين ومبتكرين في جميع المجالات يبقي انا حرامي.

لما يبقي عندك عجز واشيل فوق نصابي لسد العجز والحصة ب ٢ جنية يبقي انا حرامي.

لما لفينة الجمهورية لمسابقة أوائل الطلبة من جبنا الخاص يبقي انا حرامي.

لما جميع المديريات التعليمية بترجعلك فائض كل سنة من ميزانيتها يبقي انا حرامي.

لما يبقي عندك جهات مانحة لتطوير التعليم وبتشيد بادءنا يبقي انا حرامي.

لما يبقي عندك في التعليم الفني وحدات تيسر للانتقال لسوق العمل بتشتغل علي حسابها وبدون مقابل وبتصرف من قوت اولادها وفوق عملها الاصلي بالتدريس يبقي انا فعلا حرامي.

لما يبقي عندك فريق في التعليم الفني من انحاء الجمهورية بيحول الكتب الدراسية الي مناهج تفاعلية وعلي حسابة يبقي انا فعلا حرامي.

لما يبقي عندك فريق إعلام التوثيق الالكتروني لإنتاج وثائق الكترونية للتعليم وبتصرف من جيوبهم يبقي انا حرامي.

كل دا واكثر وحضرتك جاي تهدر كرامة المعلم وهيبتة اكثر مما اهدرت ومع بداية عام دراسي جديد.

معالي الوزير هو حضرتك متوصي علينا، احنا برضوا اولياء امور ومطحونين وبنتقي الله في بلدنا واولادنا.
وفي النهاية ياطارق بك احنا كبار اوي وسنظل في الميدان لانها رسالة الانبياء، وعلشان بنحب البلد وسنظل ما حيينا محافظين علي كرامتنا وعزة انفسنا ،ولايمكن هنفرط فيها.
ولو بدور علي الحرامية. اكيد مش المعلمين المطحونين
ومتشكرين علي العيدية اللي اثلجت قلوبنا جميعا يابشمهندس
واتقي شر دعوة المظلوميين.
http://www.alsbbora.com/84734