|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
12-09-2008, 11:22 AM
|
||||
|
||||
6 كيلو سمك وجمبرى؟؟؟
طبعا الاسم مش غريب سمعنا الجمله دى كتير اوى فى مسرحيه((سك على بنتك))
 للفنان فؤاد المهندس المهم موضوعنا بقى انى من يومين كده كنت فى النادى انا واصحابى المهم معانا شاب زملنا فى كليه فنون جميله المهم كان بيحكى عن الكليه وكده وعن موقف بخصوص اسم موضوعنا النهارده هقولكوا ايه الحوار اللى دار بينا عن 6 كليو سمك وجمبرى.......من اول متفتح الساعه 9 الصبح...(هى ايه دى؟)جنينه الاسماك...(مالها بقى؟)مش طلع مافيهاش سمك بس!!! (ازاى بقى؟)انتى متعرفيش طب استنى احكيلك من الاول..... بقى هما كانوا عايزنا نرسم مناظر طبيعيه...(هما مين؟)لا اصبرى عليا بقى انا هحكيلك لوحدى... انا فى الكليه عندنا كانواعايزنا نرسم مناظر طبيعيه فاخذونا وشحنونا على جنينه الاسماك وقالوا انها مليانه مناظر طبيعيه..... كنا هناك من الساعه 9الصبح ولما دخلنا لاقيناها شكلها جميل وفاضيه...اتبسطنا وقررنا انا واصحابى ننتشر عشان نبدا رسم....ولما توغلنا شويه فى الجنينه لاقيناها فعلا مليانه مناظر...لالامش مناظر طبيعيه...لادول بشر من كل صنف وكل لون وجميع الفئات والاعمار،من اول طالب الاعداديه المزوغ من مدرسته وسارح ببنوته مزوغه من المدرسه الابتدائيه اللى جانبها لحد جدو اللى ملاقاش حته يعيد فيها ذكريات شبابه الرومنسيه غير وسط السمك..... وطبعا مش هقولكوا بتوع ثانوى والكليات عشان دول هناك اكثر من السمك.... وطول مانت قاعد ولا ماشى هناك تسمع حبه وعود وعهود على رومانسيه على خمسه عياط،ونكد وخناق وكان المكان مش مزار سياحى ولا محميه لكائنات جميله،ولكنه بقى اشبه بكازينو....واحنا قاعدين فى النص نتفرج..... (طيب وانت ايه رايك فى الكلام ده او ايه رد فعلك يعنى او الحل فى رايك؟).... مش عارف بس ممكن نعمل رقابه شديده على الجنينه تمنع الحاجات دى جواها، وممكن نغلى سعر التذكره شويتين عشان على الاقل العيال مايقدروش يدخولها وتحد شويه من الكبار كمان اللى مسترخصين سعرها وحتى هى ماتستهلكش على الفاضى كده....(طب لو غلوها ياناصح انتوا هتدخلوا ترسموا فيها برضوا؟)..... والله حسب سعرها الجديد....وعموما ماتشليش همنا احنا ممكن نروح نطمن على ال6 كليو كباب وكفته فى جنينه الحيوانات...واهى كلها مناظر.....هههههههه كده خالص انتوا ايه رايكوا فى الموضوع ده نعمل ايه... ويارب يكون الموضوع عجابكم...... |
|
#2
12-09-2008, 11:31 AM
|
||||
|
||||
الا هو انجليزي ده يامرسي!! لا بجد موضوع جامد...بس مش عارف ايه الهدف منه الصراحه؟؟...بس حتي لو الجنينه اتقفلت حديقه الأزهر شغاله...مليون مكان...لو خلاص قفلت كوبري الملك الصالح موجود!!!
__________________
https://www.facebook.com/islam.nasr.7 |
|
#3
12-09-2008, 11:35 AM
|
|||
|
|||
|
شكرا ع الموضوع
حكاية اننا نغلي سعر التذكرة مش هتنفع عشان حتي للي في اعدادي لو مش مقتدر هيعمل جمعية مع اصحابه!!! و لو مقتدر هيروح ياخد فلوس زيادة من بابي او من مامي!! متهيألي الاحسن اننا نفرض رقابة تقبلي مروري
__________________
|
|
#4
12-09-2008, 11:39 AM
|
||||
|
||||
|
بصراحة اللي أنا مش فاهماه الكباب والكفته هو قصده اللي الناس بياكلوه
عموما الموضوع جميل
__________________
 عشقت الحزن وحملته شطرا من حياتي، وعشقت البكاء لأني انفس به عن آلامي، وعشقت قول الآه لأنها تطفئ حرقة أناملي..وعشقت الصمت في لحظة الألم لانه يحفظ لي كبريائي..
|
|
#5
12-09-2008, 03:05 PM
|
||||
|
||||
|
الحقيقه انا شايفه ان اقتراح انهم يغلوا التذكره مش حل للمشكله لانهم بكده هيسببوا ضرر اكبر بالذات للى فى اعدادى دول
اما بالنسبه لاقتراح الرقابه فهو كمان مش حل لان اللى هيعنوهده اكيد هيخليها كوسه اكتر مهى لانه مش هييجى جنب اتنين ويقوللهم كده غلط اكيد هيظبطوه واقصد بيها التظبيط المادى مش انهم يضربوه يعنى فبالنسبه للحل انا هفكر وهقوللك عليه السلام عليكم
__________________
اذا اردت ان تكون عظيما فابتسم عندما ينتظر الجميع بكاؤك |
|
#6
12-09-2008, 03:13 PM
|
||||
|
||||
|
بس فيه سؤال صغير ايه علاقه عنوان الموضوع بجوهره
فى رعايه الله
__________________
اذا اردت ان تكون عظيما فابتسم عندما ينتظر الجميع بكاؤك |
|
#7
12-09-2008, 03:39 PM
|
||||
|
||||
|
هههههههههههههههه .. . .. Funny
__________________
Alone Fy El-Kon
|
|
#8
13-09-2008, 05:35 AM
|
||||
|
||||
|
الموضوع بيتكلم عن الكبلز اللى بيروحوا جنينة الاسماك وفى مسرحية سك على بناتك كانت بنت فؤاد المهندس بتقابل حبيبها فى جنينة الاسماك وكان بيتصل فى البيت ويقول الحاج عبد الموجود ابعتلى 6 كيلو سمك وجمبرى وده كان سين بينهم معناه انها تقابله فى جنينة الاسماك يعنى العنوان فى صميم الموضوع يا جميل وشرفنى مرورك
|
|
#9
13-09-2008, 07:03 AM
|
|||
|
|||
|
موضوع جميل
بس مش حل اننا نرفع سعر التذكرة ولا نفرض رقابه لان فى مليون مكان ممكن يتقابلوا فيه مش لازم يعنى جنينه الاسماك عندهم الازهر و6اكتوبر وابن سندر والاندلس وجنينه الحيوانات طبعا دا غير كوبر قصر النيل والكورنيش وكوبرى الجامعه يعنى المفروض يفرضوا رقابه على كل ده ويوقفوا جنب كل كرسى فى الجنينه عسكرى ويكهربو الشجر دا غير حراسات كوبرى قصر النيل وكوبرى الجامعه والكورنيش هههههههههههههههههههههههه بس فعلا مشكله كبيرة تقبلى مرورى
__________________
وماذا سأفعل فقلبى حزين زمانى حزين .... وجدران بيتى تقاطيع وجهى.... بكائى وضحكى حزين حزين ..... 
|
|
#11
13-09-2008, 07:53 AM
|
||||
|
||||
|
توعية من خلال التليفزيون ودعاية زى اوقف المخدرات كده اللى اتعملت بطريقة كويسة واسلوب منظم يتعمل بردو توعية عشان فعلا فى الف مكان يروحوا ساعتها الابهات والامهات هيخافوا على ابنائهم اكتر ويخلوا بالهم منهم ... وشكرا للموضوع الجميل
__________________
تم الحذف بواسطه الإداره السبب التوقيع مخالف |
|
#12
13-09-2008, 08:13 AM
|
||||
|
||||
|
شكرا علي الموضوع بس بصراحة انا موش لاقيلها حل
__________________
 |
|
#15
13-09-2008, 08:36 PM
|
|||
|
|||
|
ههههههههههه
جميلة اوى بس قولى رسمت ولا فضلت تتفرج ونسيت انت رايح تعمل اية جميلة بجد |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 11:53 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
