نموذج البوكليت جميل جدا

[محمد عبد السلام عواد]

رابط مباشر لتحميل أول نموذج للبوكليت في الكيمياء
وهو نموذج جيد
http://moe.gov.eg/exam_model2017/doc...try_A_3sec.pdf

[aymaan noor]

رائعة جدا أستاذنا الفاضل

جزاك الله خيرا و بارك الله فيك

[abu amer]

جعله الله في ميزان حسناتك , ورفع قدرك , وزاد علمك أ/ محمد

بعد اذنك أ/ محمد كنت محتاج إجابة السؤال 1 , 2
مع الشرح إذا تكرمت خاصة المسألة 1 , أنا حليتها بس ما طلعتش الاجابة من ضمن الاختيارات

أما رقم 2 : مش المفروض ان جهد الهيدروجين القياسى = صفر سواء أكسدة أو إختزال
, بس عامله فى كتاب المدرسة فى خلية الوقود جهد الأكسدة E = 0.83 v

[ساره على محمد]

بعد اذنكو ياريت اى حد يحل اول واحدة في الاختياري

[abu amer]

رقم 1 الاجابة المفروض تكون رقم د - 8.75
بل يقينا
لان المحلول ده (بنزوات الصوديوم) محلول قاعدى لأنه مشتق من قلوي قوى تام التأين وحمض ضعيف لحد ما لأنه أروماتي فيكون تركيز OH فيه أكبر من تركيز H فيكون قيمة ال PH له أكبر
من 7 , ومفيش فى الاختيارات أكبر من 7 غير رقم د

وده استنتاج نظري , يبقى الاستنتاج الحسابى وده اللي بحاول فيه بس الارقام مش بتطلع مطابقة ,, وأظن إن قيمة Ka خاطئة المفروض تكون عشرة أس سالب خمسة , لان الحمض فى النهاية ضعيف ,

[مستر// فيكتور بخيت]

المشاركة الأصلية كتبت بواسطة abu amer

جعله الله في ميزان حسناتك , ورفع قدرك , وزاد علمك أ/ محمد

بعد اذنك أ/ محمد كنت محتاج إجابة السؤال 1 , 2
مع الشرح إذا تكرمت خاصة المسألة 1 , أنا حليتها بس ما طلعتش الاجابة من ضمن الاختيارات

أما رقم 2 : مش المفروض ان جهد الهيدروجين القياسى = صفر سواء أكسدة أو إختزال
, بس عامله فى كتاب المدرسة فى خلية الوقود جهد الأكسدة e = 0.83 v

رقم 1 هشوفها واحلها لك

اما رقم 2 يقصد به جهد الختزال الهيدروجين في خلية الهيدروجين وليس قطب الهيدروجين القياسي ولو ركزت في خلية الوقود هتلاقجهد اكسدة الهيدروجين = e = 0.83 يبقي جهد الاختزال نفس القيمة باشارة سالب e =-- 0.83

[abu amer]

أشكرك أ / فيكتور جزيل الشكر ,, ورزقك الله العلم والحق , ونفعنا بعلمك

يعنى معنى كدة أ / فيكتور إن أنا مطلوب منى أحفظ جهد تأكسد الهيدروجين وجهد اختزال الأكسجين فى خلية الوقود ,
ولو قيسنا كدة على باقى البطاريات , هنلاقى جهد تأكسد الرصاص وجهد إختزال أيون الرصاص Pb+4
فى بطارية الرصاص , أصل أنا كنت فاكر إن المطلوب منى جهد الخلية بالكامل وليس جهد كل نصف خلية
---------------
وسؤال أخير اذا تكرمت هل المركب الأيونى الصلب لا يحتوى على أيونات بحكم إنه صلب ,لإن اللي أعرفه إن الأيونات لا تتوفر إلا بإزابة الملح فى الماء لتكوين محلول
ولو الكلام ده مظبوط هيبقى مثلا تفاعل الأكسدة فى خلية الرصاص : الرصاص صلب وطلع كبريتات الرصاص صلب برده يعنى مافيهوش أيونات رصاص يعني ما حصلش أكسدة للرصاص أومال الأكسدة حصلت لمين لأيون الكبريتات بحكم إنه محلول ويحمل شحنه -2 وطلع كبريتات صلب يعنى لا يحمل شحنة بحكم إنه صلب , بجد الجزئية دى ملخبطانى , ولو قيسنا الكلام ده برده على بطارية أيون الليثيوم مين اللي حصله أكسدة الجرافيت أم الليثيوم ومين اللي حصله إختزال أيون الليثيوم ولَّا الكويالت

أسف جدا جدا على الاطالة , ونفعنا الله بك

[mraboali86]

جزاكم الله خيرا

[مستر// فيكتور بخيت]

المشاركة الأصلية كتبت بواسطة abu amer

أشكرك أ / فيكتور جزيل الشكر ,, ورزقك الله العلم والحق , ونفعنا بعلمك

يعنى معنى كدة أ / فيكتور إن أنا مطلوب منى أحفظ جهد تأكسد الهيدروجين وجهد اختزال الأكسجين فى خلية الوقود ,
ولو قيسنا كدة على باقى البطاريات , هنلاقى جهد تأكسد الرصاص وجهد إختزال أيون الرصاص pb+4
فى بطارية الرصاص , أصل أنا كنت فاكر إن المطلوب منى جهد الخلية بالكامل وليس جهد كل نصف خلية
---------------

مطلوب حفظ كل الارقام بكتاب المدرسة وعلي فكره السؤال ده جاء بامتحان السودان العام الماضي

وسؤال أخير اذا تكرمت هل المركب الأيونى الصلب لا يحتوى على أيونات بحكم إنه صلب ,لإن اللي أعرفه إن الأيونات لا تتوفر إلا بإزابة الملح فى الماء لتكوين محلول
ولو الكلام ده مظبوط هيبقى مثلا تفاعل الأكسدة فى خلية الرصاص : الرصاص صلب وطلع كبريتات الرصاص صلب برده يعنى مافيهوش أيونات رصاص يعني ما حصلش أكسدة للرصاص أومال الأكسدة حصلت لمين لأيون الكبريتات بحكم إنه محلول ويحمل شحنه -2 وطلع كبريتات صلب يعنى لا يحمل شحنة بحكم إنه صلب , بجد الجزئية دى ملخبطانى , ولو قيسنا الكلام ده برده على بطارية أيون الليثيوم مين اللي حصله أكسدة الجرافيت أم الليثيوم ومين اللي حصله إختزال أيون الليثيوم ولَّا الكويالت

أسف جدا جدا على الاطالة , ونفعنا الله بك[/quote]

كلوريد الصوديوم ايوني في حالته الصلبة

تفاعل الانود في خلية الرصاص له تفاصيل ملغية من عليك وهى ككالتالي
Pb----------------oxidation---=----Pb++ +2e

Pb++ +So4---=-----PbSO4

بالجمع
Pb +So4-- =-----PbSO4 +2e

في خلايا الوقود تحدث اكسدة للجرافيت واختزال لايون الكوبلت

[abu amer]

يعجز اللسان عن الشكر أ / فيكتور حقيقةً

[ميمو البطل]

شكرا جزيلا
ولكن اين خطوات حل السؤال الاول

[مستر// فيكتور بخيت]

المشاركة الأصلية كتبت بواسطة ميمو البطل

شكرا جزيلا
ولكن اين خطوات حل السؤال الاول

السؤال الاول به خطاء

[hagabdelkader]

بعد اذن مستر فيكتور السؤال الأول يمكن القول فيه ان ملح بنزوات الصوديوم قلوى (حمض ضعيف و قلوى قوى) لذا تكون الإجابة 8.75

[الاستاذ محمد الطنطاوى]

ملح بنزوات الصوديوم قلوى (حمض ضعيف و قلوى قوى) لذا تكون الإجابة 8.75
انا كمان فكرت فيها كدا
من غير حل بقوانين خارج المنهج

[سليمان الحكيم]

الف مليون شكرا