|
||||||
| أخبار و سياسة قسم يختص بعرض الأخبار و المقالات من الصحف يوميا (المصرية والعربية والعالمية ) |
 |
|
|
أدوات الموضوع | انواع عرض الموضوع |
|
#1
04-11-2016, 06:46 PM
|
||||
|
||||
كلمتين
كلمتين .. دا لو لسه فيكم حد بيقرا اصلا ======= الكلمتين دول مني انا المواطن اللي عاش وعايش لسه في البلد دي لو بتدور علي كلمتين بتوع لايك وشير ..مش هتلاقيهم هنا الكلام اللي هاقولهولك دلوقتي دا بتاع المواطن اللي عايش وسط اغلب طبقه في المجتمع واللي معاشر غلابه و اللي بيته ماشي اليوم بيومه ====== قرفتوني وخنقتوني كل شويه القرارات غلط .. الدنيا هاتولع ..ماكانش وقته يا جدعان الرحمه بقي خنقتونا وهي يعني من امتي كانت سويسرا يعني هي عشان القرارات اللي اتاخدت دلوقتي… البلد هاتولع؟ طب لما عيشنا عمرنا كله مفيش قرار اتاخد؟ .. كنتوا بتقبضوا باليورو مثلا؟؟ طب هو امتي اصلا اتاخد قرارات صح لما قرارات دلوقتي غلط؟ ========= ارحمونا والنبي البلد دي طول عمرها بيطلع ميتين اهلها من برا وجوا .. ومابتولعش وبنعيش البلد دي طول عمرها الفقير بيزيد فقر والغني بيزيد غني .. ومابتولعش وعايشين البلد دي طول عمرها ماشيه بالفهلوه والنصب و فتح عينك تاكل ملبن ..ومابتولعش وعايشين ========= اللي خربها يروح يعدلها بقي اللي شايف انها هاتولع.. يبقي ينزل يطفيها او ينزل يكمل حرق فيها ويريحنا انتوا ليه محسسني ان كل واحد فيكم اضطر يبيع عيل من عياله عشان ياكل ويشرب انتوا ليه محسسني ان ال 90 مليون كلهم كان ليهم حساب في بنك لحد قبل السنتين اللي فاتوا انتوا الشعب اللي بيقف طوابير عشان الايفون وانتوا الشعب اللي بيقف طوابير عشان الكومباوندات وانتوا الشعب اللي عربياته بقت اكتر من البني ادمين في الشوارع وانتوا الشعب اللي محدش فيه بيتاجر بالفقير الا الغني المستريح اللي مش حاسس بالفقير انتوا الشعب اللي جاب عصابه ارهاببه بنت وسخه تحكم البلد وانتوا الشعب اللي خربها من خمس سنين وانتوا الشعب اللي كان ومازال فرحان بالفوضي وانتوا الشعب اللي كان بيعمل كل يوم وقفه لزيادة المرتبات والمصانع بتقفل وانتوا الشعب اللي كنتوا بتوقفوا النقل العام لحد المرتبات ما تزيد وانتوا الشعب اللي وقف المستشفيات لحد مطالب الدكاتره ما تتحقق وانتوا الشعب اللي بيخزن اطنان السكر وبيعطش السوق وانتوا الشعب اللي بيكتب علي الفيس بلدي مصر وبعدها بيغير الدولار من السوق السوده وانتوا الشعب اقسم بالله اقسم بالله اقسم بالله اللي بيعيط علي شهيد بيموت من الجيش الصبح وبليل اقسم بالله اقسم بالله انتوا انتوا نفس الناس اللي بليل علي القهوه بتقولوا الجيش حاطط مناخيره في كل حاجه كفايه ضحك علي الدقون بقي ========= ياعم شايفها بتولع انزل 11/11 او 12/12 او زي ما قال توفيق عكاشه 13/13 انزل اي وقت و احرقها بجاز.. اتفضل ربنا يوفقك و شيل السيسي .. انا مش بدافع عنه ولا هدافع عنه شيلوه ..شيلوه ياعم وريحونا وريحوووه.. شيلوه وهاتولنا واحد محترف شيلوه وهاتولنا مرسي تاني ويمين الله مش بهزر شيلوه وهاتولنا حمدين او البرادعي ويمين الله مش بهزر اصل السيسي بيلعبها غلط ..انما دول بيعرفوا يلعبوها صح السيسي مفكر انه بيعامل ناس بتفهم اقتصاد وسياسه وتسليح جيش وحوارات و دا مايأكلش عييييش معاكم انما التانيين عارفين اخركم .. زي المثل اللي بيقول اطعم الفم تستحي العين لا.. معاكم؟ ..اطعم الفم هاتشبع البطن ..ووقتها تستحي العين وينام المخ اللي بيفكر و يأنتخ الضميرررر ======= ارحموا نفسكم شويه ملعون ابو الفيس بوك اللي بقي بيتحكم في مصايركم ملعون ابو الفيس بوك اللي بقي مخليكم دلاديل بتعوموا مع موجة الكلام علي الصفحات الفيس بوك دا اللي اقنعكم ان المتظاهرين ماليين الشوارع في 2011 والحقيقه ان الشعب كله كان قاعد بيتفرج اصلا علي التلفزيون الفيس بوك اللي خلق 90 مليون مفتي ديني وخبير رياضي وخبير اقتصادي وخبير عسكري وخبير استراتيجي وخبير فني وخبير اجتماعي الفيس بوك اللي اقنعكم ان مبارك عنده 700 مليار ولما نجيبهم هايتوزعوا علينا الفيس بوك اللي اقنعكم من اسبوع ان جمال مبارك نازل انتخابات الرياسه الجايه عارفين ليه انتوا الشعب الوحيد اللي الفيس بوك استغله وضحك عليه كده؟ لان انتوا الشعب الوحيد اللي مازال بيكتب كومنت فيه رقم 5 عشان يشوف الصوره وهي بترقص و انتو الشعب الوحيد اللي بيكتب كومنت سبحان الله علي صورة السمكه التوأم اللي اصطادوها في بحيرة سان عرقسوس في جزر البلالا وانتوا الشعب الوحيد اللي لسه بينشر الرؤيه بتاعت الشيخ حلمبوزو و بيبعتها لعشره من الاصدقاء وبتخافوا ماتنشروهاش لان الشيخ حلمبوزو قال ان اللي هاتقف عنده الرساله ومش هاينشرها .. هايجيله تبول لا ارادي ======== مش بعفي حد من المسئوليه و أولكم انا انا وغيرنا فعلا فشلنا فشلنا اننا نصنع عقول تفكر رغم المحاولات والجهد فشلنا اننا نخلي الناس تتأكد من كل كلمه بتسمعها قبل ما تنشرها فشلنا اننا نخلق وعي فشلنا اننا نخلق بطانه قويه نتسند عليها مش دفاع عن حد ولا سيسي و لا غيره بس دي الحقيقه احنا اللي بنجيب البلد الارض وبرضو مش لان لكم وجهات نظر ان دا غلط و دا صح او ان لكم وجهات نظر مختلفه عني انما عشان طريقة طرحكم الفاشله اللي تجيب اي بلد الارض انتوا اوووڤر في كل حاجه اوڤر في فرحتكم… اوڤر في خوفكم ======= نهاية الكلمتين انا لما ولعت البلد في 2011 و اتهدت علي دماغ ابونا .. كنت عايش وباكل وبشرب واصحابي ومعارفي فاتحين بيوت ومحدش فيهم بيشحت ولما مسك الاخوان وفشخوا البلد كنت عايش وباكل وبشرب واصحابي ومعارفي فاتحين بيوت ومحدش فيهم بيشحت ولما مسك السيسي علي مدار السنتين اللي فاتوا كنت عايش وباكل وبشرب واصحابي ومعارفي فاتحين بيوت ومحدش فيهم بيشحت ولما الدولار كان ب 18 جنيه ونص .. كنت عايش وباكل وبشرب واصحابي ومعارفي فاتحين بيوت ومحدش فيهم بيشحت ولما الاسعار زادت والسكر قل والرز قل والزيت قل كنت عايش وباكل وبشرب واصحابي ومعارفي فاتحين بيوت ومحدش فيهم بيشحت كل دا وانا واللي بتكلم عنهم نكاد نكووووون محسوبين علي الطبقه الوسطي ومرتباتنا زي الزفت والطين والقطران واهالينا عندهم امراض وليهم علاج ومصاريف وكل حاجه ممكن تتخيلوها يعني الخلاصه بطلوا هري بقي في الفاضي والمليان اقسم بديني ما بيعترض ويكتبلكم كلام عن المطحونين والتعبانين الا المستريح والمرتاح واللي بيته مش ناقصه حاجه ومش حاسس بحد اصلا و بيتكلم علي سبيل الترفيه يعني من الاخرررر سيبوا اللي يتكلم .. اللي لمسه وجع او ضغط يعني سيبوا الغلابه اللي ماعندهومش فيس بوك هما اللي يقولوا رأيهم يعني سيبوا الناس اللي بتطلع علي تاكسي ولا بتطلع تشيل طوب ورمل كل يوم علي باب الله هما اللي يتكلموا لما دول ينزلوا يولعوها بجاز وسخ نبقي نفكر نبص للامر بقي ====== والله صدقوني الاجر علي الله وحده قعدتي هنا علي المخروب دا ولا بتديني فلوس ولا باخد منها مرتب بس والله العطيم 99% من اللي بيكتبلكم علي الفيس بيصوتوا من العيشه و مخليين الحياه سوووواد وان خلاص بنموووووت زيهم زي اللي بيقعدوا يشربوا حجر المعسل علي القهوه بعشره جنيه زيهم زي اللي بيتغدي صنف وبليل بيطلب الديلفري زيهم زي اللي كل يوم بيدفع 30 جنيه علي رئ النوم الصبح عشان يشتري علبة السجاير الاجنبي … معظمهم ناس حزينه انها عايشه وبتدفع فلوس و معترضين لانهم عاوزين يعيشوا بكل متع الحياه ببلاش و بجد والله العظيم منه لله حسني مبارك اللي عودنا علي ترييح الدماغ والدعم علي كل و اي حاجه اللي كان ناقص يدعم البامبرز ..لحد ما حسينا انه حق مكتسب وكان بيوفر الاحتياجات وخلاص من غير ما يقولنا الديون ايه والازمه ايه و يشركنا معاه .. كان بيسد بوءكم وخلاص والبلد بتتملي ديون ومحدش حاسس ولا كان حد يفتح جرنال .. ولا حد يفهم في سعر الدولار النهارده ايه كنا بناكل وننااااام وبس وياريته عجب .. نزلتوا شيلتوه وولعتوا البلد وخربتوا السياحه ومكنتوا الارهاب منها و خلصتوا علي الاحتياطي النقدي والاخر بعد كل دا .. لما جه واحد بيصارح بالحقيقه اتخضيتوا وخوفتوا وافتكرتوا فجأه اننا شعب فقير واننا بلد واقعه ياريت مبارك كان اتعامل معانا التعامل الطبيعي وخلانا نشيل اللي البلد بتشيله كان سقانا الخرررره من بدري عالاقل ماكناش استغربنا طعمه دلوقتي ** افتكروا بس ان في يوم من الايام سبب الاحباط و القرف والاشمئزاز ماكانش الاخوان اللي بنحارب فيهم ليل ونهار ولا اللي بيتهكموا علي كلامنا عن المؤامرات ولا اللي ضد البلد وجيشها ولا اعلام تركيا وقطر المضلل افتكروا ان اللي كانوا السبب هما الاغلبيه اللي انكشفت منكم ان نفسهم قصير و تحملهم ضعيف و وعيهم صفررر وانهم مجرد اكونتات فيس بوك تكتب كلمتين عن الوطن بس لما يقروا كلمتين تانيين بيتحولوا في لحظه منقول من الفيسبوك
__________________
 
|
|
#2
04-11-2016, 07:15 PM
|
||||
|
||||
|
كل الشكر و التقدير لحضرتك مستر أشرف الرميسى
جزاك الله خيرا و بارك الله فيك
|
|
#3
05-11-2016, 01:34 PM
|
||||
|
||||
|
جزيل الشكر والتقدير لحضرتك مستر أيمن نور
تشرفني كلماتك بإستمرار
__________________
|
|
#4
05-11-2016, 02:13 PM
|
||||
|
||||
|
النهاردة وزير المالية بيقول كلمة خطيرة جدا محدش خد باله منها: "الدين العام لمصر وصل 100%"
الأزمة الاقتصادية العالمية خلت دول الخليج تروح تقترض ولم تفي بسببها بالمساعدات اللي وعدت بيها مصر.. برغم أن دول الخليج معروفة بغناها الفاحش فما بالكم لما الأزمة دي تضرب مصر؟؟؟ " مصر اللي الرعاع اللي بيكرهوها بقالهم 5سنين بيهدوا فيها واستنزفوا اقتصادها لأقصى درجاته ولسة عاوزين ينزلوا تاني" . الخلاصة أن ظروف بلدنا صعبة ولازم نستحملها.. والمصريين كلهم لازم يتكاتفوا ويتحملوا.. . احنا مش اقل من شعب ألمانيا واليابان اللي بعد الحرب كانوا مش لاقيين العيش الحاف وبنوا بلدهم من العدم والنهاردة هما أقوى دول العالم اقتصاديا بعد الصين
__________________
|
|
#5
05-11-2016, 02:48 PM
|
||||
|
||||
|
رفع الدعم ... By: Nashwa Hofy
--------------------------------- أول قرار لخفض الدعم حاولت مصر تاخده كان في سنة 1977 ... قرار تسبب في أحداث يناير في وقتها...الشعب كان اتعود على اقتصاد الدولة الداعم لكل شيء من بعد يوليو 52. وبغض النظر عن شبهة تآمر من عدمه في احداث يناير 1977، إلا إن الحكومات المصرية من يومها قررت عدم الاقتراب من الملف ده بمنطق خلينا عايشين حتى لو في دولة شبه الخدمات والمؤسسات وانتشار الفساد المدعوم بالقانون. ما عندناش صحة بس فيه هياكل مستشفيات... ما فيش تعليم حقيقي بمنتج يملأ احتياج السوق بس فيه مدارس العيال بتروحها... ما فيش خدمة مواصلات راقيه أدمية... بس فيه مملكة الميكروباص...وهكذا تراضي الجميع. والاخوان والسلفيين هاصوا في شبه الدولة بمستوصفات و خدمات و معونات للمصريين - وانتشرت ثقافة على اد فلوسهم في كل شيء في الدولة.... لكن بعد 25 يناير ثبت اننا ما كانش عندنا حاجة من كل ده. وحتى لما حكم أهل الشر ما قربوش من الملفات دي لأنهم لا يعنيهم الاصلاح والتنمية بل التمكين من مفاصل الدولة بنفس منطق اردوغان اليوم. من هنا كانت قرارات الاصلاح الاقتصادي اللي بدأت في يوليو 2014 برفع اول مراحل الدعم واعلنت الحكومة وقتها ان بقية المراحل حتتم في خلال 5 سنين. النهاردة صحينا على مرحلة جديدة تم فيها زيادة اسعار الوقود بما يتراوح من 60-75 قرش مع اختلافه ، وزيادة سعر الانبوبة الى 15 جنيه. القرارات دي مهمة جدا مش بس عشان زيادة موارد الدولة وعدم الركوع - لا دي علشان نتعلم ضبط الاستهلاك ودفع قيمة ما نستهلكه... ولكن هذه القرارت بحاجة قبل تطبيقها الى دولة القانون الحاسم الناجز اللي يقطع ايد اي حد يتلاعب بمقدرات الدولة او قوت شعبها باسم الفساد او الارهاب... بمعنى تشديد الرقابة على تعريفة التاكسى والميكروباص...بمعنى قطع ايد ومصادرة وحبس اي حد يزود سعر سلعة بمبرر الزيادة.... بمعنى شبكة قوية لحماية معدومي الدخل ومحدوديه بجد مش هزار- بمعنى ثقافة ترشيد وبدائل يمارسها الاعلام لا تستقيم الدول فقط بقرارات جريئة لحماية اقتصادها ... ولكن بحماية شعوبها وامنهم اليومي ولا زلت ارددها ساندة بلدي في اي موقف وماليش غيرها واتحمل تكلفة الاصلاح والبناء ...موقف يمثلني لا الزم به اي حد. تحيا بلادي ...تحيا مصر
__________________
|
|
#6
06-11-2016, 02:15 PM
|
||||
|
||||
|
خطة الدولة لدعم 'الغلابة' .
زيادة حصة البطاقات التموينية وتطبيق الدعم النقدي أول العام.. ______________________ كشف مصدر حكومى عن خطة الحكومة خلال الفترة المقبلة لدعم الفقراء بعد الإجراءات الاقتصادية الأخيرة التي اتخذتها الدولة. وأكد المصدر الذي رفض ذكر اسمه أن الدولة قررت زيادة حصة المواطنين في بطاقات التموين خلال الفترة المقبلة بنسبة من 15% إلى 25%، بالإضافة إلى وضع سلع جديدة على بطاقات التموين، وأن هذا القرار سيطبق بعد إلغاء حوالي 500 ألف بطاقة تموين، يستفيد منها أشخاص دخلهم الشهري يصل إلى 10 آلاف جنيه، وهم لا يستحقون الدعم، وأنه خلال الأسابيع المقبلة سيتم تطبيق هذه القرارات. وأضاف المصدر أن الحكومة ستعمل على تطبيق الدعم النقدى بدءًا من العام الجديد، حيث إن الدعم النقدي سيكون له حد أدنى وأقصى، يبدأ من 250 جنيهًا كبداية، و1300 جنيه كحد أقصى، وأن هذه الأرقام سيتم تغييرها وفقًا للأمور الاقتصادية، وأن المبالغ ستتحدد وفقًا لأفراد كل أسرة وعددها، ويقوم حاليًا مجلس الوزراء بإعداد شبكة كاملة لـبيانات المواطنين ومرتبات كل أسرة وعددها؛ وذلك لتحديد مدى استحقاقهم للدعم من عدمه. وقال المصدر، إنه سيتم رفع الحد الأدنى للأجور في الربع الأول من العام الجديد، بهدف أن تتواكب الزيادة مع القرارات الاقتصادية الجديدة والتخفيف على المواطنين خلال الفترة القادمة. وكشف المصدر أن الحكومة على وشك الانتهاء من تفعيل تأمين صحى لكل مواطن من محدودى الدخل، يتم تجديده بشكل سنوى مقابل مبلغ رمزى وحسب المرتب؛ وهذا التأمين سيشمل مصاريف الكشف والعلاج للمواطنين البسطاء، مشيرا إلى أن الحكومة ستفتح أكبر مجمع طبى وصحى يحتوي على مستشفيات صحية وطبية وصيدليات لمواطنين البسطاء لخدمتهم، بالإضافة إلى بدء إجراءات تطوير المستشفيات الحكومية على رأسها مستشفى الدمرداش وأبو الريش، وسيكون بكل محافظة تأمين صحى لكل مواطن بكارنيه طبى مدعوم من الدولة. وتابع المصدر أنه سيتم تطبيق الضرائب التصاعدية على الأغنياء ورجال الأعمال، وتوجيه ما يتم الحصول عليه من الأغنياء لصناديق مخصصة، بالإضافة إلى رفع أسعار الكهرباء مرة أخرى على أصحاب القصور والفيلات الضخمة وتخصيص هذه الزيادة لتأمين المواطنين محدودي الدخل. وقررت الدولة أيضًا من بين القرارات الجديدة فتح سلسلة سوبر ماركت كبيرة مدعومة من الدولة بالاشتراك مع القطاع الخاص، على أن تكون السلع بأسعار تنافسية، وسيكون لأول مرة من حق حامل بطاقة التموين أن يقوم بالشراء منها. وأكد المصدر أن الرئيس السيسى كلف بضرورة خلق برنامج اقتصادى متكامل لمحدودي الدخل
__________________
|
|
#7
06-11-2016, 02:47 PM
|
||||
|
||||
|
نفى السفير حسام القاويش، المتحدث باسم مجلس الوزراء، صحة ما تردد عن زيادة أسعار تذاكر المترو أو القطارات، مؤكدًا أن الدولة ستتحمل تكاليف فرق الأسعار، وأن ما تردد عن الزيادة شائعة، لافتًا إلى أن مثل هذه الشائعات يتم تكرارها بشكل دوري في أوقات مختلفة، مشيرا إلى أن هناك استثمارات جديدة في مترو الأنفاق .http://www.vetogate.com/2443353
__________________
|
|
#8
06-11-2016, 02:58 PM
|
||||
|
||||
|
عارفين الناس اصحاب المقولة الشهيرة بتوع : "الصين وسنغافورة والهند والبرازيل بدأوا كلهم معانا فى الستينات والسبعينات وشوف هما تقدموا وبقو فين واحنا تخلفنا وبقينا فين!!! "
اهى الناس دى هى هى الناس اللى وقفت ضد الحكومة لما حاولت تبقة زي الدول دى وعارضوا الاصلاحات سنة 77 اللى كان هدفها اطلاق العنان للقدرات الحقيقية الهائلة للاقتصاد المصري ليحتل مكانته المستحقة بعد انتهاء الحرب فى 73 ومن 77 واحنا خايفين ناخد قرار شجاع وبنعتمد علي حلول مؤقتة لارضاء الناس وترحيل المشاكل للحكومة اللاحقة لمدة 40 سنة بنأجل فى القرار دة وكأن التقدم والاصلاح ملوش تمن وكأننا فى المدينة الفاضلة هنبقة دولة عظمي بدون ما نجتهد ونتعب !!! منطق مجنون لكنه نتاج طبيعي لمستوي الوعي وساعتها مكنش فيه صندوق نقد ولا حاجة , هى هى القرارات من 40 سنة لان الناس متخيلة ان فيه شروط واجبار وتدخل خارجي برنامج الاصلاح دة معروف بنوده من زمان وبدا من 2014 صندوق النقد فقط بيحاول يساعدنا علي ضمان نجاح الاصلاح مش اكتر لحد ما اتصدم اقتصادنا بثورتين فى 5 سنين وانهيار الشرطة وبالتبعية الأمن والاستقرار والسياحة والاستثمارات كلهم مع بعض مرة واحدة مبقاش ينفع نكمل حلول مؤقتة , مفيش رصيد يسمح بكدة ولا احتياطي ولا مستويات دين وعجز تسمح بكدة ال9 حكومات الثورية بعد يناير 2011 خافوا من الناس بسبب حالة الفوضي واسهال التظاهر والتخريب والهيجان خافوا يتخذوا القرارات الضرورية المؤلمة لحد ما وصلنا للمرحلة دى اللى اتفرض علينا ندفع تمن تراكم 40 سنة غباء وجبن و5 سنين فوضي وثورات وتخريب وتعطيل انتاج وانهيار احتياطات انا قولت امبارح الصبح بعد التعويم وقولت من شهور ان متوقع جدا مع برنامج الاصلاح يحصل زيادات فى الاسعار ودة طبيعي وسهل توقعه لكن فى اللحظة التاريخية دى واللى مش بتتكرر فى تاريخ الدول الا مرة او اتنين بنبقة اودام اختيارين , يا نفضل زي ماحنا ومحدش يرجع يشتكي ويقول ليه مبقناش زي الصين او اليابان , او نتحمل الاصلاح والتعديل الضروري فى الاقتصاد عشان نبقة فى مصاف الاقتصادات المتحولة الtransition economies اللى هى الاقتصادات اللى بتسعي وبتجتهد انها تتحول من المستوي المنخفض اللى هى فيه وتنتقل لمستوي افضل منه من حيث دخل الفرد ومعيشة الناس والخدمات وجودة الحياة والاستثمار والنمو والتنمية اللحظة دى مر بيها كل الاقتصادات المتقدمة زي المانيا واليابان او المتحولة زي الصين والهند وجنوب افريقيا والبرازيل والمكسيك وروسيا وتركيا اللى وصلوا للعظمة والتقدم وجودة الحياة دفعوا التمن غالي وصبروا واجتهدوا من حق الناس تضايق وتعلن انزعاجها من غلاء الاسعار بس فى نفس الوقت لازم يعرفوا انه علمياَ مفيش حل بديل غير كدة , النهاردة كل واحد حر يقرر اللى هو عايزه نفضل مصر الدولة ذات مستويات الدخول المحدودة وشكل المعيشة وجودة الخدمات السيئة لمعظم سكانها مع قدرات وفرص غير مستغلة ولا توزيع عادل للثروة ونظام ضريبي مختل وعجز موازنة ودين عام وبرنامج دعم غير سوي واستثمارات اقل من استحقاقنا بكتير وجهاز إداري مستنقع للفساد والقذارة ...الخ او ننتقل لمصر اخري تماما زي ما العالم كله بينتظر وبينظر لينا وشايفنا دولة عظيمة تملك امكانيات تنين اقتصادي لكن لا تملك ارادة التغيير والاصلاح مصر بيطلق عليها فى المؤسسات المالية وبين الخبراء فى الخارج انها CHINA of the MENA يعني "صين الشرق الاوسط والشمال الافريقي" كل الدول اللى بدات قبلنا عانت من نفس المشاكل ونفس التجربة بالحرف - تركيا التضخم فيها كان 70% قبل ما تستلم الشريحة الاولي من قرض النقد الدولي سنة 2001 وتبدا برنامج الاصلاح الناجح واللى عاد بنتايجه الايجابية علي كل الناس - الصين فى التمانينات فى بداية الاصلاح التضخم وصل ل30% - اليابان 25% فى السبعينات - البرازيل 7000 (سبعتلاف) % تضخم فى بداية التسعينات - كوريا 35% اوائل التمانينات - المكسيك 170% بنفس الفترة - اندونيسيا 85% اخر التسعينات ** مصدر البيانات فى اول تعليق احنا التضخم عندنا الرسمي 14% ولو افترضنا الحكومة بتكذب يبقة 20% ومش قادرين نتحمل حق الناس تقول انا مش قادر اتحمل انا استسلمت انا مش عايز اصلاحات ولا عايز تطوير وراضي باللي احنا فيه بس خلينا نفكر بعض وننتبه : من الناحية العلمية لو توقفنا عن الاصلاحات , فعلا انت هترتاح مؤقتا لكن النتيجة كارثية علي المدي المتوسط وعلميا مفيش مؤسسة ولا خبير ولا تقرير ليهم سمعة عالمية وذو كفاءة قال ان فيه بديل للاصلاحات دى والقرارات دى , الكل اجمع علي صحتها وضرورتها ولا بديل لها عشان محدش يفتي مع اسهال الافكار / الحلول الغير واقعية والغير قابلة للتطبيق اصلا اللى شغالة من امبارح كل اللى تحولوا او تقدموا مروا بنفس تجربتنا خفضوا الدعم حصل تضخم فى الاسعار عوموا او خفضوا العملة قللوا النفقات الحكومية وضغطوها بعدها ضغطوا علي الناس والكل تقشف وقلل مصاريفه وتحمل لكن بعد كدة كل المجتمع استريح وبدا يستشعر قيمة صبره وتحمله وانطلقوا لافاق وارقام ومستوي دخل افضل بكتير مما كانوا عليه المانيا المدمرة بعد الحرب العالمية التانية واللى بشبهها بالفوضي اللى كانت عندنا فى مصر اخر 5 سنين ... موصلتش لالمانيا اللى نعرفها حاليا الا بتقشف اضعاف تقشفنا وتضخم اضعاف تضخمنا السلع الاساسية مكنتش متوفرة اصلا , مش بس سعرها عالي وكانت عايشة علي معونات ودعم امريكي ودول صديقة اخري لحد ما نجح برنامج الاصلاح واعادة الاعمار , كذلك اليابان وكذلك الصين والهند والبرازيل وتركيا كانت اقتصادات نامية تملك امكانيات لكن مفيش ارادة ,,, قرروا يمتلكوا ارادتهم ويتحملوا , شعوب اخري استسلمت ويأست وقررت انها متتحملش كل واحد حر , بس المهم نتحمل مسئولية قرارنا ومنشتكيش بعد كدة كمان كل اساتذة الاقتصاد حول العالم قالوا وانا نقلت عنهم ضرورة تقوية ودعم شبكات الحماية الاجتماعية لمساندة غير القادرين كجزء من عوامل نجاح البرنامج فين دة ! 3 جنيه زيادة فى التموين مش كفاية نهائيا دي بتمن نص كيس سكر تمويني!!! لازم اجراءات اقوي من كدة واسرع ولازم نتكلم مع الناس , دة اهم وقت لازم يحصل فيه كلام مع الناس وشغل علاقات عامة حقيقي حسس الناس بمجهودك وكن صادق معاهم هيقفوا معاك , قولناها مية مرة حتي لو طلعت قولت انا مش قادر اعمل كذة , الناس لو صدقتك هتعذرك وهتساندك ولو عملت حاجة ايجابية قولها واعلن عنها بقوة ... لان مش ضروري كل الناس تحس بالحاجة دى لاننا بلد كبيرة و90 مليون ومشاكلهم ضخمة ومتراكمة واي نجاح هياخد وقت
__________________
|
|
#11
07-11-2016, 03:51 PM
|
||||
|
||||
|
إقتراح للسيسى بالسير على طريق الصين
بإنشاء جيش ثاني لإنقاذ الاقتصاد ------------------------------------------------------------------------ قال الدكتور مصطفى السيد، رئيس مجلس إدارة مدينة زويل العلمية، إنه اقترح على الرئيس عبدالفتاح السيسي، إنشاء جيش تجاري وصناعي. وأضاف "السيد"، خلال مؤتمر صحفي بمقر مدينة زويل الإداري: "عندما التقيت السيسي قلت له نفتح جيش ثاني، مثل الصين، وكل حاجة الجيش عملها طلعت مظبوطة، ولازم تفتح مصنع كبير للخريجين من طلاب الجامعات، ويتم تخصيص رواتب لهم". وأوضح أن فكرة المشروع تتلخص في بناء مصانع كبيرة يعمل فيها المصريون لمدة 5 أيام، وتضم أماكن للإقامة فيها، على أن يحصلوا على يومي إجازة، ويتم إدراج مكاسب المشروعات لوزارة المالية، مشيرًا إلى أن السيسى لايزال يفكر
__________________
|
|
#12
09-11-2016, 08:32 PM
|
||||
|
||||
|
cnn : رد فعل الرئيس الأمريكي المنتخب دونالد ترامب تجاه أحد الأسئلة التي وجهها مراسل شبكة الجزيرة القطرية باللغة الإنجليزيه , حيث قابل ترامب المراسل بجفاء وغضب ملوحاً له ولزملاءه من طاقم الشبكه المعروفة بدعمها للمجموعات الإرهابية في العالم العربي قائلاً (( لقد أصبحتم خارج الخدمة )) قبل أن يشيح بوجهه عنهم وينصرف
__________________
|
|
#14
09-11-2016, 08:45 PM
|
||||
|
||||
|
"سبوتنيك": مصر تعوض البترول السعودى بالنفط الروسى والإماراتى
______________________ ذكرت وكالة "سبوتنيك" الروسية للأنباء، ، أن مصر ستعوض البترول السعودى بعد أن أعلنت شركة "أرامكو" السعودية وقف شحناتها لمصر لأجل غير مسمى، بنظيره الإماراتى والروسى. وأضافت الوكالة الروسية أن القاهرة تعاقدت مع اثنتين من شركات البترول فى الإمارات خلال زيارة وزير البترول الحالية لـ"أبو ظبى"، وهما شركة بترول الإمارات الوطنية، وشركة "أبيك"، حيث ستقومان بتصدير عدد من شحنات المواد البترولية لمصر، وذلك بجانب شحنات البترول القادمة من العراق لسد احتياجات مصر من المواد البترولية خلال الفترة القادمة. ونقلت الوكالة الروسية عن مصادر حكومية قولها، أن وزير البترول سيقوم بزيارة إلى روسيا خلال الأسابيع المقبلة للتعاقد والاتفاق على توريد عدد من شحنات البترول لصالح مصر خلال الفترة القادمة، وأن هناك اتصالات بدأت بين الجانبين لتقوم روسيا بتصدير المواد البترولية لمصر، على أن يتم السداد بالعملة الروسية "الروبل". وكشفت المصادر، عن أن وفدا عراقيا رفيع المستوى من شركات البترول سيزور مصر للاتفاق على الإجراءات النهائية لتصدير البترول لمصر، بالإضافة إلى نقل الخبرات المصرية للشركات العراقية، مضيفا أن الوفد العراقى سيقوم بزيارة لعدد من شركات البترول المصرية.
__________________
|
|
#15
09-11-2016, 08:56 PM
|
||||
|
||||
|
ياريت نكون فهمنا إيه المغزي من إختيار 11/11 إن كلينتون تفوز .. وتقوم ثوره الخيانه .. المستتره تحت إسم ثوره الغلابه .. فمرضعه الإخوان تتدخل بسرعه وطبعا الموضوع لا إخوان ولا زفت .. الحكايه ضياع مصر في حرب أهليه وتوصل مرضعه الشيطان لهدفها الرئيسي يارب الناس تكون فهمت المغزي ده .. مع خالص عزائي مش للإخوان .. للريس حمض وحمض .. حمضين وأتباعه الأوفياء ... ههههههههههههههههههه
__________________
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:14 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
