كتبت بيناتي بالقلم الأزرق أفيدوني

[أيمن الوزير]

يا أحبابي أخبرني أحد زملائي بقوله :

أشار علينا المراقب أن نكتب بيناتنا باللون الأزرق والإجابة بالرصاص فكتبنا البيانات باللون الأزرق والإجابة بالرصاص

فهل سيصحح ورقنا أم ماذا هل سنرسب بسبب اللون الأزرق أم ماذا أفيدوني بالله عليكم

[أبو جهاد المصري]

ايه ياعم عادى جدا ، احنا الدكتور في دار العلوم طلب مننا كتابة البيانات بالقلم الجاف والإجابة بالرصاص ، والمدرج كله عمل كده .

ابسط ياعم لقيت لك حوالى 1000 معلم زيك .

[رمضان كريم]

خلاص اعتبر نفسك مكانك محجوز فى اغسطس القادم يعنى بتوع الفيديو كونفرانس صوتهم اتنبح واحنا فى المنتدى كررنا ان الكتابة بالقلم الرصااااااااااااااااااااااااااااااااااااااااص وانته واصحابك تعملوا مفتحين اشرب يامعلم
لما انتوا تكتبو بالجاف الوزارة تنجحك ازاى قولى متعرفش ان الوزارة بتقولك اكتب بالرصاص علشان لو راسبتنجحك لو فاشل تجبلك ورقة تانية

[أيمن الوزير]

ههههههههههههه

شكرا يا سيدي علي ردك الظريف

الفيديو كونفر انس كنت حضرتك شاغل نفسك به وعمال رايح جاي لكن بعض الزملاء لم يهتموا بالأمر حتي إن الملاحظين والدكاترة أنفسهم طلبوا منهم كتابة البيانات بالجاف
أما أنا يا سيدي متابع المنتدي أول بأول وعارف إن البيانات بالرصاص لكننا بنسأل لأخواننا فلو عندك معلومة أهلا وسهلا مفيش يبقي الله يسهل لك
ورمضان كريم

[ملاك لكل زمن]

كثير جدا كتبوا البيانات الجاف
بس الاصح كتابتها بالرصاص ، لكن ماذا يحدث لمن كتب البيانات بالجاف
؟؟؟؟؟؟؟؟؟؟؟؟؟؟؟؟

[ayadooo]

وجعت دماغنا تبقي راسب نفيدك ايه نقول قلم رصاص
تقول جاف
نقول تور تقول احلبوه
نقول باميه تقول ملوخيه ازاي راسب راسب مبروك
روح الاكاديمية عياد

[رمضان كريم]

[هادير]

عادى جداً ان عملت كدا واللجنة كلها

[dream2]

كل اللجان بالمنصورة فى كليه حقوق

كتبت البيانات بالقلم الجاف

والباقى بالرصاص

بناء على طلب المراقبين ورئيس اللجان

مع الشكر

[حلوم]

كتابة البيانات بالجاف او الرصاص مش مهم...المهم الاختيارات بتاعت الاجابة يعنى الدواير تكون مليانة رصاص كذلك الدواير الخاصة برقم الجلوس والرقم القومى دى لازم بالرصاص عشان السكانر بتاع الوزارة يقدر يلقطها فهمت القصة..........طب اريحك من الاخر السكانر بتاع الوزارة اللى المورد جابه من الصين طلع مضروب ودرجة تالتة يعنى سكارتة ومن اول دفعة ورق اكتشفوا انه بايظ طبعا سيبك من موضوع التحقيق مع المهندس المسؤول عن تشغيله او المورد وا خلافه كل ده مايلزمكش تعرفه .................كل اللى يلزمك تعرفه ان التصحيح هيكون يدوى بعد كل الافلام الهندية اللى عملتها الوزارة

[رمضان كريم]

[رمضان كريم]

[emad wehesh]

ابسط ياعم طالما عرفت تكتب بالقلم الجاف يبقى انته كبرت خلاص وبتعرف تكتب بالجاف لكن ياحسرة علينا مبنعرف نكتب لسة الا بالرصاص عشان كدة طلبوا منا نكتب بالرصاص

[ihabsaid]

عادي البيانات بالقلم الازرق والتظليل بالرصاص

[walidbadr]

طب ما احنا عملنا كدة برضه، بيتهيألي عادي جدا