حكايتي مع طالب بالصف الثالث الإعدادي

[soma20202000]

من حوالي شهر وانا في مدرستي لاقيت طالب عندي ماكنش بيحضر خالص إلا مرة كل شهر ، قولت له : انت ما بتجيش ليه المدرسة يابني؟
قال : وهاخد منها ايه يا استاذ
قلت له : علم هتنفع بيه نفسك وأهلك
قال : علام ايه يا استاذ وحد الله ؟
قلت : لا الاه إلا الله ،،،، أومال انت بتيجي ليه بقي مرة في الشهر
قال : علشان أرضي ابويا بس
ثم واصل حديثه قائلاً :
حتي لو اتعلمت ودخلت كلية التربية المحترمة زي بتاعت حضرتك يا استاذ ،،، وحصلت المعجزة الكبري وأتعينت مدرس ولا جبتلي عقد في اي إدارة ، هاخد تكام يعني يا استاذ
ثم واصل حديثه قائلاً : انا بكسب في اليوم والحمد لله قد اللي هاتخدوه بعد مايمتحانوكوا الكادر


ملحوظة هذا الطالب في الصف الثالث الإعدادي.......................................... ............

أ/هيثم الغرباوى
بورسعيد الباسلة

[ayman202073]

عنده حق فى زمن أهينت فيه كرامة العلم والمعلمين,,,,,,,,,,,,,,,,,,,,,,

[مستر / محمد أحمد]

أخحى الفاضل
إن الخطأ ليس خطأ التلميذ ولكن ألخطأ خطأ مجتمع بالكامل فأصبحت الامور تقاس بالمادة وليس بالقيم والخطأ أخى الفاضل منا أيضا لأاننا تركنا الطلاب وأصبحت العلاقة بيننا مجرد تأدية حصة وتركنا ممارسة الأنشطة التى تجذب التلاميذ للمدرسة
واعلم يا أخى أن مهنتنا هى مهنة ورثة الأنبياء ورسالتنا اكبر من أى مادة