ياجماعة انا مخنوق ومش عارف ايه الحل افيدونى ؟

[wawa120120]

ياجماعة انا مخنوق ومش عارف ايه الحل افيدونى ؟
انا تعاقد 2005 وتثبيت 2011 وجالى سحب مده ومرتبى اتخصم منه فى شهر ابريل حوالى 60 جنية وفيه ناس زمايلى فى المعهد نفس التعاقد والتثبيت ولكن جالهم سحب المده متاخر شوية فلم يتم الخصم منهم فلما قرارات السحب وقفت قلت تروح المنطقة اشوف ايه مصير الخصم وهل هيقف ولا لا ؟
ذهبت للمنطقة وكان الحوار كالاتى
السلام عليكم
وعليكم السلام
حضرتك انا مخصوم منى حوالى 60 جنيه ممكن اعرف بسبب ايه ؟
ايوه يافندم مخصوم بسبب سحب المده
طيب يافندم القرار تم وقفه على النت واكيد حضرتك عارف هل الخصم ده هيقف والمرتب هيرجع تانى ولا هيستمر ؟
لا يافندم الخصم مستمر لحد مايجيلى قرار يقول لى ان قرار السحب بتاعك اتلغى
طيب يافندم القرار ده ممكن يتاخر شهر او اتنين
رد على وقالى حتى لو اتاخر سنتين الخصم مستمر لحد مايجيلى قرار
طيب هفترض انه جه بعد سنه الخصومات دى هترجعلى ؟
قالى لا طبعا متهكما وقالى اللى بيروح مابيرجعش تانى ياستاذ
ازاى يافندم
قالى القرار اللى هيجيلى اللى المفروض هيخلينى الغى الخصم لو كان مكتوب فيه جمله مع صرف الخصم السابق هترجعلك لو مش مكتوب فيه كده يبقى راحوا عليك
طيب يافندم فيه ناس نفس التعاقد ونفس التثبيت وماتخصمش منهم وبما ان القرار تم وقفه مش هيتخصم منهم صح ولا لا ؟
صح ياستاذ بس انا اعمل ايه ؟
رديت قلتله طيب انا ذنبى ايه ؟
ذنبك ان قرارك جه بدرى اسبوع وبعدين انا ماليش فيه ..........
مش عارف اعمل ايه ياساده افيدونى انا مخنوق

[حسين الصاوى]

متقلقش الحكايه مش فوضى.لو الغى قرار سحب المده سوف يرجع لك ولغيرك كل ماتم خصمه .اطمن واصبر شويه لغاية وضوح الرؤية. والله ولى التوفيق.

[wawa120120]

المشاركة الأصلية كتبت بواسطة حسين الصاوى

متقلقش الحكايه مش فوضى.لو الغى قرار سحب المده سوف يرجع لك ولغيرك كل ماتم خصمه .اطمن واصبر شويه لغاية وضوح الرؤية. والله ولى التوفيق.

شكرا لحضرتك على الرد ويسمع منك ربنا يارب

[salamasd]

جزاك الله خيرا

[حاتم الزامك]

لا تقلق اخى الكريم...انا اتخصم منى شهرين....والحمد لله رجعو تانى حوالى 114 جنيه فى الفيزا وان بقبض.

[خالد عطي]

الاخ حاتم الزامك حضرتك من أي منطقة أزهرية
ثانيا وهو الأهم كيف تم استرداد هذه الفروق في مرتب ابريل بالرغم من ان قرار الامين العام للازهر صدر بتاريخ 24/4/2016 م وهذا كما واضح في موضوع الشيخ احمد زيدان الموجود علي هذا الرابط
http://www.thanwya.com/vb/showthread...=1#post6419442

يعني لسه لم يتم عمل اي شئ من تعديل الاساسي او الشامل او استرداد الفروق
وهذا ان تم فانه سوف يتم مع مرتب مايو باذن الله أليس ما أقوله صحيح أم هناك من يصحح رأي ووجهة نظري

[wawa120120]

طيب ممكن حد يصيغ لى الكلام ده فى صوره شكوى لاتتعدى خمسه سطور لارسالها لديوان المظالم لو سمحتوا